Rwanda Broadcasting Agency (RBA)

📷AMAFOTO 📷 Umunyezamu wa Paris Saint-Germain (PSG) yo mu Bufaransa, Lucas Chevalier, yageze i Kigali kuri iki Cyumweru, mu ruzinduko agiriye mu Gihugu muri gahunda ya Visit Rwanda. Lucas Chevalier yasuye Urwibutso rwa Jenoside rwa Kigali ruri ku Gisozi, yunamira inzirakarengane zazize Jenoside yakorewe Abatutsi mu 1994. Yasuye ibice by’urwibutso bigaragaza uko Jenoside yateguwe ikanashyirwa mu bikorwa ndetse n’urugendo u Rwanda rwanyuzemo mu kongera kwiyubaka no kwimakaza ubumwe n’ubwiyunge. #RBAAmakuru #VisitRwanda 📷: @Nkuranga_

BREAKING: PSG goalkeeper Lucas Chevalier has arrived in Rwanda this Sunday as part of the Visit Rwanda partnership. He visited the Kigali Genocide Memorial, where he paid tribute to victims of the 1994 Genocide against the Tutsi and toured exhibitions documenting the Genocide and Rwanda’s journey of rebuilding and reconciliation. #RBANews

“Inzira nziza ni ugukura amaboko mu mifuka tukiga, kandi kwiga umwuga, tekiniki n’ikoranabuhanga ni yo mahitamo ababereye nk’urubyiruko.” Inama y’Umuyobozi Mukuru w'Urwego rw'Igihugu rushinzwe guteza Imbere Amashuri ya Tekiniki, Imyuga n'Ubumenyingiro (RTB), Eng. Paul Umukunzi, ku mahitamo akwiye ku rubyiruko. #RBAAmakuru

“Igihe tugezemo ni icyo umuntu wese ushaka kuguha akazi akubaza icyo ushoboye gukora.” Umuyobozi Mukuru w'Urwego rw'Igihugu rushinzwe guteza Imbere Amashuri ya Tekiniki, Imyuga n'Ubumenyingiro (RTB), Eng. Paul Umukunzi, yavuze ku nyungu ziri mu kwiga amasomo ya tekiniki, imyuga n’ubumenyingiro. #RBAAmakuru

“Narabigerageje ariko mpita mbivamo vuba.” Umuraperi Riderman yabwiye urubyiruko ko yigeze kugerageza kunywa ibiyobyabwenge ariko ahita abireka, arusaba kugendera kure abashaka kubirushoramo kuko birwangiriza ahazaza. #RBAAmakuru

“Turasaba ko habaho kurwanya ubukoloni mu nteganyanyigisho.” Umuyobozi w’Urugaga rw’Abanditsi mu Rwanda, Hategekimana Richard, yakomoje ku byafasha guhesha agaciro abanditsi mu Gihugu. Yabigarutseho mu gihe i Kigali hizihirizwaga Umunsi Nyafurika w’Abanditsi. #RBAAmakuru

Abaturage bibumbiye muri koperative zitandukanye bashima ko hari aho ziborohereza kubona amafaranga, ariko bagatunga agatoki imicungire yazo igira ingaruka ku mibereho yabo. Umusesenguzi mu by’Ubukungu, Kalisa John Bosco, asanga hakiri icyuho mu miyoborere y’amakoperative ndetse bigira ingaruka ku bukungu bw’Igihugu. #RBAAmakuru

📸AMAFOTO📸 Kuri iki Cyumweru, abatuye mu Mujyi wa Kigali bazindukiye muri Siporo Rusange, izwi nka #CarFreeDay. Abayitabiriye bakoze siporo zitandukanye zirimo izo kugenda n’amaguru, kwiruka, gutwara amagare, aerobics n'izindi. Iyi Siporo kandi yanitabiriwe na Meya w’Umujyi wa St. Louis, wo muri Leta ya Missouri muri Leta Zunze Ubumwe za Amerika, Cara Spencer. Meya Spencer yashimye umuhate w'Umujyi wa Kigali mu guteza imbere imibereho myiza n’ubuzima buzira umuze binyuze mu bikorwa by’imyitozo ngororamubiri, ashimangira ko umuco wo gutwara amagare umaze gufata indi ntera muri uyu Mujyi. #RBASports 📷: @CityofKigali

Abaturage bo mu Karere ka Karongi bagaragaje ko imihindagurikire y’ibihe yatewe n’izuba ryinshi yagize ingaruka ku musaruro wabo. Umunyamabanga Uhoraho muri Minisiteri y’Ubuhinzi, Kamana Olivier, yavuze ko hagiye kurebwa uburyo bwihuse bwo kugoboka abaturage bagizweho ingaruka no gushaka igisubizo kirambye. #RBAAmakuru

I Kigali hatangirijwe igihembwe cyo gutera ibiti n’amashyamba cy’umwaka wa 2026-2027, aho byitezwe ko hazaterwa ibiti birenga miliyoni 100 mu Gihugu hose. Umuyobozi Mukuru w'Ikigo gishinzwe Amashyamba mu Rwanda, Dr. Concorde Nsengumuremyi, yavuze ku mwihariko w’ibiti byatewe mu muganda rusange wabereye mu Murenge wa Gahanga, Akagari ka Mulinja kuri Site ya Nyabigugu. #RBAAmakuru

Abanyamahanga bitabiriye Imurikagurisha rya 26 ryo mu Karere ka Afurika y’Iburasirazuba bashimye urugwiro beretswe mu Rwanda, bashimangira ko guhura na bagenzi babo bituma barushaho gusobanukirwa n’imikorere ya bagenzi babo no kubona amasoko mashya yo kwaguriramo ibyo bakora. #RBAAmakuru

Abagize Inama Njyanama ku rwego rw’Umurenge batowe mu bice bitandukanye by’Igihugu kuri uyu wa Gatandatu, bashimye icyizere bagiriwe n’abaturage, bizeza ko inshingano zabo bazazishyira mu bikorwa bagamije kubaka umuryango uhamye n’Igihugu muri rusange. #RBAAmakuru

📽️AMASHUSHO📽️ Ntarindwa Diogène uzwi nka Atome yavuze ko umukino yise ‘Carte d'identité’, yawuteguye agendeye ku buhamya bw’amateka ye bwite ndetse n’uruhare rw’urubyiruko mu rugamba rwo kubohora Igihugu. #RBAAmakuru

📷AMAFOTO📷 Umugaba w’Inkeragutabara mu Ngabo z’u Rwanda (RDF), Maj Gen Alex Kagame, yasabye abagize Inkeragutabara kugira uruhare mu kubungabunga amahoro n’umutekano aho batuye. Ni ubutumwa yatanze ubwo yasozaga igikorwa cyo kuganira n’Inkeragutabara zo mu turere turindwi two mu Ntara y’Iburengerazuba, ari two Karongi, Rutsiro, Rubavu, Nyamasheke, Ngororero, Nyabihu na Rusizi. #RBAAmakuru 📷: RDF

Mbere yo kwerekana ‘Carte d'identité’, Ntarindwa Diogène yasogongeje abitabiriye iki gikorwa, umushinga yatangiye gukoraho w’umukino ugaruka by’umwihariko ku rugamba rwo kubohora Igihugu. Ni igikorwa yise "Legacy Project; Igitaramo cy’Inkotanyi", azamurikira Abanyarwanda mu mwaka wa 2027. Abakurikiye umukino ‘Carte d'identité’ basogongejwe by’umwihariko kuri ‘sound track’, igizwe n’indirimbo ndetse n’injyana ziri mu zaranze urugamba rwo kubohora Igihugu. #RBAAmakuru

🚨AMAKURU MASHYA 🚨 Madamu Jeannette Kagame yifatanyije n’abiganjemo urubyiruko bakurikiye umukino ‘Carte d'identité’, wahimbwe na Ntarindwa Diogène uzwi nka Atome. Uyu mukino wakiniwe muri Kigali Convention Centre ku mugoroba wo kuri uyu wa Gatandatu, ugaruka ku mateka u Rwanda rwanyuzemo n’uruhare urubyiruko rwayagizemo by’umwihariko mu rugamba rwo kubohora Igihugu. #RBAAmakuru 📷: @Nkuranga_

Kuva tariki ya 16 Ugushyingo 2026, Kaminuza ya Kigali izatangira gutanga amasomo mu bumenyi bw’ikoranabuhanga ry’ubwenge buhangano (AI) n’umutekano w’ikoranabuhanga (Cybersecurity). Ni nyuma y’ubushakashatsi yakoze mu 2025 bwagaragaje ko hari icyuho kinini aho mu 5,923 babajijwe, 71% by’abakoresha bagaragaje ko bafite icyuho muri ibyo byiciro na ho 90,9% by’abarangije amasomo muri iyi kaminuza bavuga ko bakeneye ubumenyingiro muri aya masomo.#RBAAmakuru

🚨AMAKURU AGEZWEHO🚨 Ikipe y’Igihugu Nkuru y’u Rwanda ya Handball mu Bagore yatsinzwe na Uganda ibitego 37-35 mu mukino wa ½ mu y’Irushanwa ry’Akarere rya “IHF Nations Trophy – Africa Zone 5” riri kubera muri Tanzania. Uyu mukino wabereye mu nyubako ya Filbert Bayi Multi Sports Arena, kuri uyu wa Gatandatu, warangiye amakipe yombi anganya ibitego 31-31, hitabazwa iminota y’inyongera. #RBASports #IHFNationsTrophy 📸: FERWAHAND

Abanyeshuri biga mu Ishami ry’Uburezi muri TTC Mururu mu Karere ka Rusizi baravuga ko borohewe no kwiga ururimi rw’Igifaransa, basanzwe batekereza ko rukomeye. Ni ururimi bize binyuze mu bufatanye n’Umuryango w’Ibihugu bikoresha ururimi rw’Igifaransa (OIF). #RBAAmakuru

Minisitiri w'Ubutegetsi bw'Igihugu, Habimana Dominique, yasabye abaturage hirya no hino mu Gihugu kwitabira gahunda yo gutera ibiti no kubyitaho kugira ngo bikure neza. Ni ubutumwa yatanze kuri uyu wa Gatandatu aho yifatanyije n'urubyiruko gutera ibiti mu Murenge wa Mageragere mu Karere ka Nyarugenge mu rwego rwo kwizihiza isabukuru y'imyaka 50 ya Arkidiyosezi ya Kigali. Minisitiri Habimana yibukije urubyiruko ubutumwa bugamije kugira abaturage bafite ubuzima buzira ibiyobyabwenge. #RBAAmakuru