Khawaja Umer

پاکستان کے اعلانیہ ایٹمی طاقت بننے کے فورا بعد پاکستان کے خاتمے کیلئے پہلے سے تیار کیے گئے جس منصوبے کا آغاز کیا گیا تھا اس کا پہلا قدم کرگل چڑھنا تھا،اگلا قدم بارہ اکتوبر کا مارشل لاء تھا،پھر نائن الیون کے نتیجے میں امریکہ کا اتحادی بننا تھا،پھر جنوری دو ہزار دو میں کشمیر واجپائی کو بخش دینا تھا،پھر پہلے دہشت گردی کو ایندھن فراہم کرنا اور اس کی سہولت کاری کرنا تھا اور اس کے بعد سوات سے لیکر بلوچستان تک مختلف ناموں سے شروع کیے گئے بہت سے آپریشنز کرنا تھا،اس کے بعد ایبٹ آباد آپریشن میں خفیہ سہولت کاری کرنا تھا،پھر پراجیکٹ عمران خان لانچ کرنا تھا جس کے نتیجے میں ملک نے پہلے ڈیفالٹ کرنا تھا،پھر ایٹمی طاقت سے محروم ہونا تھا،اس کے بعد فوج کی ڈاؤن سائزنگ ہونا تھی اور آخر میں ملک کے حصے بخرے کر دیے جانے تھے۔اندازہ تھا کہ آخری تین کام عمران کے مخالف سیاستدانوں کے ردعمل کے نتیجے کے طور پر وقوع پذیر ہوں گے مگر دو ہزار بائیس کی رجیم چینج کی وجہ سے ایک طرف آخری تین کاموں کے آگے بریک لگ گئی اور دوسری طرف عمران مخالف سیاستدان اقتدار میں آ کر نئی رجیم کے صفحے کے جھولوں سے لطف اندوز ہونے میں مشغول ہو گئے۔چنانچہ آخری تین کاموں کا سارا بوجھ اکلوتے عمران خان کے ناتواں کندھوں پر آ گیا جس کو منزل تک لیکر جانا اس کے بس سے باہر تھا۔ مگر اب دل تھام کر سنیے کہ اٹھانوے سے شروع ہونے والے درج بالا عمل کا اختتام قریب آ لگا ہے۔ایک صفحے پر خاصی اکھاڑ بچھاڑ کا امکان ہے۔نئی صف بندیاں ہوں گی۔دوست دشمن بنیں گے اور دشمن دوستوں کی صف میں آئیں گے۔پرویز مشرف کے اتحادی مولانا فضل الرحمان ہمیشہ کی طرح ہراول دستے کے طور پر گھوڑے کو ایڑھ لگا چکے ہیں،گڑھی خدا بخش سے رائیونڈ تک کھلبلی مچی صاف دکھائی دیتی ہے۔عمران خان کا مقتدرہ کی سائیڈ لینے کا جتنا امکان ہے اتنا ہی امکان سابقہ پی ڈی ایم کا عمران خان کے کندھے سے کندھا ملا کر کھڑے ہونے کا بھی ہے اور یہی نیا لندن پلین بھی ہو سکتا ہے۔ دوسری طرف حافظ صاحب نے چار سال میں اپنی جڑیں اپنے ادارے کے اندر مضبوط کرنے اور بین الاقوامی ساکھ بنانے میں صرف کیے ہیں جبکہ سیاستدانوں نے عوام کا بھرکس نکال کر اپنی رہی سہی ساکھ بھی مٹی میں ملا لی ہے مگر انڈر ورلڈ اور خفیہ نیٹ ورکس بالخصوص برطانوی خفیہ اداروں اور ان سے جڑے مذہبی و سیاسی اثاثہ جات کی حمایت سیاستدانوں کو حاصل رہے گی۔گویا "جرمن بھی تگڑے ہیں اور میرا بچہ بھی ڈاڈا ہے" والی صورت سامنے آنے والی ہے۔گھمسان کے اس رن میں حافظ صاحب کو اگر طاقت کے ایوانوں سے بے دخل بھی ہونا پڑا تو ایوب خان کی جگہ کوئی یحییٰ خان ہی آئیگا مگر اس کا ڈنڈا حافظ صاحب کے ڈنڈے سے دس گنا بے رحم اور ستم کش ہو گا جبکہ وہ حافظ سے بڑہ کر مولوی بھی ہو گا۔المختصر برطانوی اثاثوں کا انجام قریب آ گیا ہے اور نیا لندن پلین برطانوی چیونٹیوں کو پر لگنے کا عمل ہے۔سب مل بیٹھ کر آپس میں اتفاق کر لیتے تو سب کیلئے بہتر تھا مگر انھوں نے ملکی مفاد پر ذاتی مفاد اور برطانوی آقاؤں کے منصوبوں کو ترجیح دی !! ان پر کیسے افسوس کیا جائے۔۔۔۔۔!!!؟