لو رجع فيني الوقت ما أعتقد اني بغير قرار الفراق مو لأن كل شيء كان سيئ ولا لأن الأيام الحلوة ما كانت حقيقية لكن لأن النهاية كشفت لي أشياء ما كنت أشوفها وأنا داخل العلاقة واليوم ما أفتقد وجود كنت أبحث فيه عن راحتي ولا أندم على باب قفلته بعد ما استنفذت كل محاولاتي.
كنت اظن ان خسارة الأشخاص اللي عاشوا معنا تفاصيل كثيرة بتترك فراغ كبير لكن التجربة علمتني إن طول العشرة مو دليل على جودة العلاقة وان بعض النهايات ما تحتاج ندم تحتاج فقط اعتراف إن الاستمرار كان خطأ.
أجمل ما في الفراق إني ما عدت مضطرة أشرح نفسي ولا أدافع عن نواياي ولا أحاول أثبت مشاعري لشخص قرر يشوفني بالطريقة اللي تناسب أحكامه انتهى كل شيء واكتشفت إن راحة البال تستحق أكثر من أي علاقة.