عدي الزبيدي✏

توارت الشمس والفكره سرت للمرام في رحلة الحلم يوم الدرب توه بدا من مولد النيه الاولى لمسك الختام مافيه خطوه بعد تخطيط راحت سدا في هجرة المصطفى احمد عليه السلام العبره الكامله والرشد والمقتدا من مد شوفه قبل يمشي على بعد عام لا بد ياصل ولو بالدرب قام وكدا لا شد رحل الاماني عقب قيض وعسام مثل بدوين تلاه الذود يوم يحدا دليلته علم عساسٍ نكس عقب حام على رياضن بها طير امنياته شدا نزل بها قبل ما يروي ثراها رهام هو يدري الربل ينبت لو يصافح ندا من يتبع الراي والحكمه عداه الملام مذكور بالخير بين اصحاب ولا عدا حساب الاسباب ما ينعاب عند الكرام وخوف العواقب مناقب ما يورث ردا وانا على ما طريت اوجست لهفة غرام لمعانق اهداف في عيني بعيدة مدا نادتني بصوت واذعن خافقي للكلام لبيتها قبل ذاك الصوت يرجع صدى ادركت بالحزم والتخطيط رفعة مقام وامنت في كل راي يدلني للهدى #عدي_الزبيدي

حنا تحت حكم الهواشم قواصيف لاعماركم واوكاركم ساعة الصفر علاجكم بالاف ١٦ والسيف حنا على التوحيد وانتم على الكفر #عدي_الزبيدي #الاردن_خط_احمر #الأردن

عظم الله اجرك يا وطن عظم الله اجر اباك وامك يا بطل لعنة الله على اصحاب الفكر الإرهابي الاسود لعنة الله على كل انسان يبرر لهم غاياتهم الاجرامية الغدارة . الفكر الارهابي لا يمثل الاسلام ابداً بل الإسلام بريء منه كبرائة الذئب من دم سيدنا يوسف عليه السلام ولو ترا احدهم بظاهره يقتدي بالسنة الشكلية فهم كفرة فجرة خنازير غدارين خوارج. رسالتي للناس انهم يبلغو المراكز الامنية بأي شخص يحسو عنده بوادر تطرف. درهم وقاية خير من قنطار علاج #الأردن #الاردن_خط_احمر

سرى الليل والغبشة بدت وانولد ذعذاع خذا علومي اللي داخل الجوف منصره نثرها على وجه الورق والهجوس انصاع خيالي مداه ابعد من اليم للحَره اقلب به افكاري عقب شانت الاوضاع عن المجتمع يومه غلب خيره بشره يمر السحاب من السما فوق صدر القاع اذا ما انهمر ما يزعج القاع لا مره واذا مر بعض الخلَق في الخُلق شين اطباع مرور المقيض الي ذوا كل مخضرة لو الناس راعو بعضهم بعضهم ما راع من ادنات شين حط في الخاطر وحره فلا تقهر الطفل اليتيم وتزيد اوجاع ولا تنهر السائل ولو ما معك ذره تنقى الكلام الطيب الي تقول ايقاع ف لله درك والبشر منك مستره وصايا الرسول الي رخينا لها الاسماع عن الرفق بين الناس في مجمل سيره عن البسمه الي بالضماير لها مرباع لها وقع لو ما يرضي الغير ما ضره مثل فرق رمي الورد عن ضربة المجلاع هو الفرق بين الرفق والكسر بصوره #عدي_الزبيدي

ركاب الذكريات الي تلاحق جرة النسّاي تقول انها تدور ثارها بافكار ساليها #عدي_الزبيدي

الي يعاديني يجيب اقصاه قريحة الشاعر لها حاجه لولا القلم وش قيمة الممحاه ولولا المرض وش قيمة علاجه عدي الزبيدي

يا مهذبة النفوس وسيدة صدر الشمالي والهنوف الي هواها ما يجيب الا الرجاحه تاخذين اللين نهج وتجعلين المر حالي وتقهرين الظلم حتى تكسرين اعتى رماحه ما تجين الا بعد ما تنكفي سود الليالي تولجين الرفق في لب القسا وانتي صباحه كل ما جيت انجرف وابدي على الناس انفعالي لا حضرتي صارت اعذار البشر عندي متاحه ان وصلت من الزعل لاقصاي فانتي راس مالي يوم صار العفو عند المقدرة للقلب راحه بالمواقف كنتي اول من يجودلي عقالي قبل ما غلّي يزهب حزة الزلّه سلاحة كل ما مديت في عدّ(ن) من الرفعه حبالي ارتشف من صيتك الطاهر و يرويني قراحه وارتقي بكفوفك البيضا على روس المعالي واتباهى كل ما قالوا تعلّى بالسماحه يا رفيقة سالف ايامي بحلي وارتحالي لك عليّ اني معاك اقطع غداريه و صحاحه شاعرك ما يقطع الميثاق لو يصلاه صالي كيف وانتي من فتحتي باضيق اوقاته مساحه اوعدك مهما تحز بخاطري ماني مبالي هرجة العذال اعديها وانا صمتي فصاحة سمح .. حتى مع عدوي لا وقف عذره قبالي ادمح الزلات واقهر خافقي واكبح جماحه عدي الزبيدي

يا اقرب من فوادي ويابعد من مداي يالي وصالج طعمه احلا من التمر لا ترسلين قلوب بيضا في حكاي نفس القلوب البيض دزيهن حمر عدي الزبيدي