# retweeted
تفّيا تحت عكش الرموش و زبن نجلاك
ظلامً خذا من دامس عْيونك صورّه
يا فتّاك لا تستهر بـ حسنك الفتّاك
نواعسك أشدّ مْن الهنادي مية مرّه
مع أن عودك اللي مايحاليه عود الراك
يجرحّه ذعذاع الهبايب لو يْمرّه
لو أن فـ القدود المايسه قدّك وشرواك
مارحت أتفانى فيك واقص لك جرّه
عليك القصيد يْسوق قافه بدون إدراك
من أسفل قدمك لـ غرّتك حفل مغترّه
مسافة نحرك الترف يالمترف الشكّاك
مسيرً يشقّي من مشى فيه ويغرّه
ترامى عليه أبيات شعري هنا وهناك
هنا طاح لي قلب وهنا طاح لك درّه
يـ ذات القوام اللي على المترفات أطغاك
دخيلك من اللي يحيي الوصل ويبرّه
انا عاشقً مفني حياته عشان رضاك
ولا حصّل الا لوعة الوجد والحرّه
فـ إذا سال دمه وأنفطر قلبه بـ يمناك
ذنوبه على رقبتك ، و لومه على الغرّه
خذتك الظروف ورحت وادري ماهو برضاك
وأنا رحت اراجع ذكريات أجمل سنيني
ما يدري عن اللي بيننا غير أنا وياك
حفظت بغيابك ماحصل بينك وبيني
لاتوجعي بكلمة فديتك فداك اعداك
ترى فيني من فراقك اللي يكفيني
على كثر مامرت ليالي على فرقاك
إلى الأن أنت أغلى المخاليق في عيني
/سالم حمد الملعبي
# retweeted
من كثر ماتهت في درب الخيال المريب
تستغرب اللي تشوف بـ وجهي المنظرة
تقول ليه السواد اللي بـ عينك كئيب؟
وأقول مثل السواد اللي على عنترة
اسري مع الليل كني يوم اخاويه ذيب
وانا حمامة لاجات السرب طار اكثره





