مشا الركب يا صدرٍ حزينٍ على المقعاد دروب الجفا من ديرة الوصل ممتده بذلنا قصارى جهدنا والتعب ما فاد اذا فيه حلٍ ما طرقته معك عده تلفت على حلمك تلفات ابن عَبّاد على ديرته يوم انهزم والزمن ضَدّه يدنّيه حظ وصدق دعوه وجاه اسياد ويبعده وقتٍ معطياته على قده

انا اطلب اللي له هلاكي ومنجاي ما غير نصرة مالك الملك نصره ولا البشر لاضقت ماهم بملجاي الحكي فيهم خير ما فيه قصره ماني بـ مداحً .. ولاني بـ هجاي من طاب حييته ومن خاب بصره

تدري اني تناسيت السنين الجميله لين ما عاد مرت تيك الايام بالي ذكرياتك وطن قلبً تمادا رحيله كيف يدله من دياره ومرباه جالي ؟ مركب الذكريات اللي حموله ثقيله قام يرمي سوالف لجنبي والموالي كل ما طاح من رزنامة العمر ليله طاح معها من الذكرى تفاصيل غالي

يوم انا في مطاوي ريف قلبك لحالي صعبها في سبيل رضاك يشبه سهلها يا مجمل تفاصيل السنين الخوالي لانطيع النفوس الجاهله في جهلها عن الاشواق .. ما نقدر نعن الليالي الليالي على الفرقا تهاذب بـ اهلها 

ياصدري والله انحن للصبر والعزم محتاجين حروب البارحه .. بيشلها بكره على كتفه نسانيس الصباح تعالج الجرحى من الناجين وتدفن كل حلمً لليلة البارح .. لقى حتفه

اقرع اللحظات ويهج تاليها من ورى القراع فيها تفلاته كنها وضحً صدح صوت راعيها لو ندهها والبحر بينهم جاته صاحبي ما فيه حاجه نداريها كان عندك حل غير الجفى هاته السنين من الدلج خيرها فيها وانت لحظات الفرح معك فواته

على مزملك اداء راشد الجزوى youtu.be/oYZPhPO6tm4

انسني وان حط لسمي فالقفيا خانه خلهم يقفون منت بما يقال معبل صد منهم صدة العابد لا مر الحانه وافتقدني كل ما التم السحاب وقبل الخيال ارضك دع ارض الواقع لسكانه واعتبر ذا البال لخطاك العزاز مسبل انت تاج الماضي اللي يرمز لسلطانه ما تفيد الحاضر اللي بالظروف مكبل

غلض النسيان دينه ولا برت والليالي غصنها بالعنا ثاقل يوم طاح العج في خاطري ثرت قصة تكرم على مسمع الناقل كل ما مرو هل الذاكره مرت كنها عقب اللغو كلمة العاقل

كل ما حاولت فالدنيا تزين وعيت ماذكرت الا ابن عمٍ سمعته لماعه ودني .. لمناطح الدنيا بقلبٍ ميت مرحبا ماهي بمن راسه مهي بطماعه رح لبيت اللي يصبح مجلسه ويبيت خل بيت محدد الساعه على ام الساعه

اصبحت يا رب السماوات بجلالتك استجير من غفلة الدنيا تحت عفوك عزومي فاتره انا الضعيف اللي ظلم نفسه وحملها الكثير وانت الحليم اللي تزيده من نعمك وساتره

جعله فداً لك ياعشير الغانمين رجلً يسنده الطمع ويحدره صديقك اللي فالوازم ما يبين جعل الدروب الواسعات تودره اخيّر من وجيه الرخوم المترفين اللي من الذم العتيق مغدره وجه الفقير اللي تهمشه السنين لكن .. مطاليق الرجال تقدره

مابه جديد الا المشاغل والاسفار الشعر .. خلاني وكمل طريقه حتى الخيال اللي رسمتك به امرار اصبح يسبب لي صداع الشقيقه واليوم لو مرت جزيلات الافكار ما طمعتني كان تبغي الحقيقه ما عاد في شرد القوافي تذيار توثلت مثل الظبا فالحديقه

يا المجرب يمكن تغيب لكن ما تهون رفقتك يوم الليالي علي متحالفه دام حن حيين راسك على راسي يمون لو دروب الوصل بيني وبينك تالفه سولفو تجار بغضك وانا ماني زبون لو يمر العمر وضعونا متخالفه ابتدو باسمك وقاطعتهم قبل يحكون ما قدرت انطر ونعم عقب السالفه

من سيول الذل يكفيني على العزه خطيطه وان شطرها الغيث ماشديت ياالذل المورد نبه اللي يضحك بوجهه وفي صدره لبيطه يترك ادحام الزمول بجمب قيضي يفرد يتبع اللي وده انه يتبعه لاقصى الخريطه بس لايقعدعلى غصن الشماته بي يغرد يكفي اني ماتبع راسي على وجه البسيطه غير سود ورث جدوفرخ شاهين يورد

ما زال صدر العنا لا سولف يجيبه ماحاسب الذكريات بذنب راعيها كنه خوي السجين اللي يهذري به له سيرةٍ كل مبدا مدح يطريها يذكره ويمجده ويسولف بطيبه ويلعن الساعه اللي قابله فيها

مرابيع صدري اداء : @bnman3h m.youtube.com/watch?v=noQJjG…

على كثر تقصيري معك يا سليل الجود قل اللي تشوفه ينصفك لين تستوفي لكن يعلم الله ما خذلتك وعندي زود ولا ارتحت وان الحزن يقتات من جوفي انا نادرً .. ما صف ريشه يـ ابو عبود واحاوم لك العقبان فالغيم بكتوفي معك لا تقيمني ظروف السنين السود علي الحرام ان راسي اطيب من ظروفي

يامرابيع صدري لو تشح مخبور وجه ماضيك لو جارت ظروفه طويل المشاريه يشطرها طويل الشبور مثل ما يشطر المحتاج بيت البخيل والسلام النبيه اللي حذفته عبور ما نطرتك ترده جعل حالك جميل لاني اعرفك انت وساكنين القبور هجركم ما يجوز وردكم مستحيل

منين ما ريت في عرض السما نوه لوحت كن الضما والجوع غالبني في صدري مخرفٍ لا ذهن يدوه لبلٍ على بيعها المقسوم غاصبني وادعني الصبر بين الضعف والقوه وانا الشعور المزيف .. ما يناسبني ماهوب متعبني ان الوصل متشوه متعبني ان الجفى ما عاد يتعبني