1997م كان الأمير سلطان بن عبدالعزيز رحمه الله يجمع أبناء الأسره المالكه في مجلس قصره بالعزيزيه كل يوم ثلاثاء ونتيجه اجراء عمليه جراحيه لسموه توقفت الجلسات فكتب الأمير بدر بن عبدالمحسن رحمه الله هذه الأبيات " الليل هود"
الليل هود واكهف النجم لغياب
قضى الحديث وودعونا المسايير
أحدٍ قفل دون هوجاسه الباب
وأحدٍ غدت جدران بيته تفاكير
يا ساكن الهوجاس ممساك ما طاب
راحت مجاهيم وجتنا مغاتير
لاو الله الا ضامنا بعـد الاحبـاب
والشوق ظالـم لاتعـدى المحاذيـر
احبابنا اللي عقبهم كننـا أجنـاب
لو ما جفتنـا الـدَّار دار المناعـير
ليت الثلاثاء ماكتب يوم في كتـاب
من غبت ياجبر القلـوب المكاسيـر
كل ماذكرته قمت للوصل طـلاَّب
وقلت القطاعه في هل الرحم تقصير
وين أنت يا غيث من الجود صبّاب
يمينك أكرم من سحابٍ مزابير
وين أنت يا معتق من الحاجة ارقاب
ايضا وبك لطفٍ وحكمة وتقدير
قالوا مريض وقلت لشفاي لاطـاب
وقالوا بعيد وقلـت حنَّـا المعاتيـر
والله لو تطوى له بحـور وهضـاب
ماهو جزا له مير للشـوق تصبيـر
أنا أشهد إن الحب تكتب له أسباب
وما كل قاعٍ فيـه تنبـت نواويـر
ياشيخنا تكفيك لو ضحكة النـاب
وشلون وانتَ ماتحسـب المخاسيـر
حنَّا مثل غرسٍ سقي ديـن وآداب
وتاريخ من فعله تعـدى الاساطيـر
وقت الرخا نرجى وفي الحرب ننهاب
ولا جاء لزوم الشيخ حنـا المذاخيـر
كبيرنا في السن نحسب له حسـاب
وكنَّه مع اللي سابقٍ سنَّـه صغيـر
أنتم عمود العز وحنَّا لـه اطنـاب
نرسى ولو هبَّت هبوب ومعاصيـر
وأرض الجزيرة مابها ربع وأغـراب
الاصل واحد والشـرف والمقاديـر
والله فوق الكل والشـرع غـلاَّب
حب الوطن من حب والي التدابيـر – at Riyadh, Kingdom of Saudi Arabia
اللهم إنا نستودعك رجالًا نامت أعيننا وسهرت أعينهم وأمِنّا بعد حفظك بيقظتهم وبذلهم
اللهم كن لهم حافظًا ونصيرًا وأفرغ على قلوبهم سكينه وعلى أجسادهم قوة وثبّت أقدامهم وسدّد رميهم واجعل لهم من عندك نورًا يبصرون به الخطر قبل وقوعه وعونًا يدفعون به الشر عن ديارنا
اللهم إننا نستودعك وطنًا نحبه وأرضًا لا نرضى لها حزنًا ولا وجعًا فاللهم احفظ بلادنا من كل سوء
وردّ عنها كيد كل من أراد بها شرًا ❤️




