َ

«خايف بعد رحت عني ، ذكرياتك تروح ادرى عليها مثل ما ادرى على سمعتي» — مشعل بن ثروي

«شيخ الوقت صبري لين صبري توفى وزاد وطأة همومي .. اتساع اطلاعي» — عبدالعزيز البطحاني

«ينافس جمالك سلطنة جدك وشلفاه إذا أنه يرد القوم .. وجهك يرد الروح» — بندر الشيب

«محطات عمري واجده مالها .. مقياس و أشوف إنك أعذب مرحله في محطاتي» — فهد بن سهل

«ان كان للحب دوله تستضيف القلوب من غيرك ابايعه .. و اقدم له الـولا» — فهد بن خشمان

«عليل النسيم يجيب طاريه وإن طراه اجر النفس، وازفر من الشوق تنهيده» — فهد العيبان

«مير ما أذم الشدايد عساها ما تعود الشدايد خلت الناس .. تعرف ربها» — عبدالمجيد الذيابي

«من كثر ما اندم على أفعالي و أعد العيوب كن البشر داخلي .. تبحث عن أرزاقها» — عبدالمجيد الذيابي

«من عرفتك وأنا مدري وش أهبب نوب أصد و نوب أرد و نوب أداري» — مزيد الوسمي

«أنتي يا فلانه .. لو إن الله مكثر منش كان يا لبيه يا الجنس اللطيف الباقي» — علي الدعيه

«فتحت من قلعت الأعذار سبعين باب و المشكلة مالقيتك .. ضمن خطارها» — حمود مبارك

«التفاصيل القديمه وذعذاع النسيم تستفز الخاطر .. الطرب لين تكدره» — أحمد الجدعان

«في أخس الظروف القاسية مايجيني خوف أنا أخاف منها .. كل ما شفتها زانت» — سلطان السميري

«استطيع احارب الدنيا وزينك ما استطيعه زينك أسطى في فعوله من نزاعات الطغاه» — ريان العياضي

«يالله بصبرٍ يدعمه .. قوة إيمان مع مُجمل ظروف الحياة يتماشى» — نجم الاسلمي

«يكسبني الكلام الواقعي والجنابّ الزين وردي العقل بالذات ماهوب، كاسبني» — صالح النشيرا

«أنصحك بـ الصبر وانا ماقدرت أصبر من كثر ماشوف كبدي بالزعل حامت» - رشيد الزلامي .. رحمه الله

عيت تزين اللي منول معي زينه دنيا معاد أتحملها نهائياً الوضع مضروب من راسه لرجلينه نفسياً وعاطفياً واقتصادياً — فهد قطنان

«يا كم مرّه يضيّعني التواضع لكن الاوضاع ترد الطيّب اللي مستحيل .. يغيّر أسلوبه» — بدر بن ذنبوح

«لقيتك وأختفى حزن الحياة وزانت أخلاقي ورحت أصالح المخطي علي وأقول سامحني» — عبدالله السرحاني