أقسم بالله ما كنت يوم معارضة سياسية، ولا لي شغل بالسياسة، وحتى بعد إعدامي مدنياً بسحب جنسيتي، ما كنت ناوية أتكلم.
لكن يوم شفت الخوف بعيون أطفال الكويت وحسرة أهاليهم بفنادق اللجوء، عرفت إن السكوت خيانة لضميري وإنسانيتي.
أنا ما دخلت السياسة، طغيانك هو اللي دخل حياتنا ودمرها.
تعرف ماهو اللجوء !!
مأساة الاب والام عندما يسئلونك اطفالك ليش احنا اهني
عندما يسئلونك متى نرجع بيتنا
عندما اقرب الناس عندك يخافون يتصلون عليك حتى لا يكونون عرضة للظلم من الظالم
عندما تتسائل لماذا وماذا فعلت حتى اتعامل من بلدي بهذة القسوة
نحن كويتيون وغير الكويت ليس لنا وطن 🇰🇼
سؤال ليش كل هذا ليش
لا حول ولا قوة إلا بالله..!
وين مشايخ الدين من هذا الطغيان والظلم 💔
تم كبس منازلنا
تم كبس أمان أطفالنا
تم كبس ذكرياتنا
تم كبس حياتنا
وانتوا بس تعرفون تفتون بكبس السيارات !!
وصلوها للمجتمع الدولي … مشعل الأحمد يطرد الأطفال من منازلهم وبالقوة الجبرية !! 🇰🇼
تخيل توصل القسوة لدرجة إن أب يشوف عياله يبچون جدام بيتهم، ويسألونه: «يبا، ليش يطردونا؟ شنو سوّينا؟ وين بنروح؟»
شنو ذنب عايلة تنحرم من بيتها وأمانها بسبب سحب جنسية؟
من سحب الهوية إلى الإخلاء بالقوة الجبرية… شنو بقى من كرامة الإنسان؟
إذا صار الطفل يدفع ثمن قرار ما له ذنب فيه، فالقضية مو بس مجرد جنسية، القضية صارت قضية إنسانية وأخلاقية!
ترى البيوت مو مجرد طابوق… هذي أعمار وذكريات وأطفال ما لهم ذنب!
إحنا المسحوبة جناسينا ظلماً وبهتاناً ما نبي شفقة، ولا نطلب عطف من أحد!
👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻
إحنا نطالب بمحاكمة علنية وعادلة لمشعل الأحمد، والتحقيق في مسؤوليته عن قرارات سحب الجناسي وما ترتب عليها من انتهاكات لحقوق الإنسان وكرامة المواطنين وأمانهم واستقرارهم.
بيوت تشتّتت، وأرزاق انقطعت، ومستقبل عيالنا صار مجهول!
نبي مساءلة قضائية مستقلة، وكشف الحقيقة أمام الشعب، ومحاسبة كل من تثبت مسؤوليته دون استثناء.
هذي مو مجرد قرارات سياسية، هذي أفعال نطالب بالتحقيق فيها باعتبارها جرائم ضد حقوق الإنسان.
كرامة الشعب مو ملك الحاكم!
AS retweeted
Replying to @ASq8kw2
وين الشعب اللي يشوف وساكت ؟ شلون عندهم ضمير يحطون راسهم على المخده ؟؟
شنو هالخذلان !!
وصلوها للمجتمع الدولي … مشعل الأحمد يطرد الأطفال من منازلهم وبالقوة الجبرية !! 🇰🇼
تخيل توصل القسوة لدرجة إن أب يشوف عياله يبچون جدام بيتهم، ويسألونه: «يبا، ليش يطردونا؟ شنو سوّينا؟ وين بنروح؟»
شنو ذنب عايلة تنحرم من بيتها وأمانها بسبب سحب جنسية؟
من سحب الهوية إلى الإخلاء بالقوة الجبرية… شنو بقى من كرامة الإنسان؟
إذا صار الطفل يدفع ثمن قرار ما له ذنب فيه، فالقضية مو بس مجرد جنسية، القضية صارت قضية إنسانية وأخلاقية!
ترى البيوت مو مجرد طابوق… هذي أعمار وذكريات وأطفال ما لهم ذنب!
بخصوص اهل #المراسيم
( #المسحوبة جناسيهم من جميع #الفئات )
اذا فيكم #عاقل يرد علي يمكن انا غلط وانتو الصح !
شنو الحكمه بينكم وبين بعض تسولفون وبصوت واطي حته الي تسولف معاه مو قادر يسمعك ، تقولون لبعض يخسون نسلم اثباتاتنا ويخسون نراجع الجهاز المركزي وووووو الخ !
( طبعا من الخوف ، ومادري ليش خايف هويتك وانسحبت وسجن راح تنسجن وبيتك اطردوك منه واذا في ابعاد هم راح يبعدونك ولو توصل للاعدام راح يعلقون حبل المشنقه برقبتك وهم يضحكون ولايرف لهم جفن الخ… )
سؤالي ، شنو تفيد اثباتاتكم وبطايقكم المدنيه وجناسيكم الاصليه هل ناطرين من هالاثباتات انهم يروحون ساحة الاراده ويردون حقوقنا ! ولا ناطرين من هالاثباتات انهم يغردون عنكم ويحاولون يردون حقوقنا الي نسلبت مننا ، بشنو تفيد بطاقه بلاستيكيه ! ولا كتيب اسود من ورق ! ولا شهادة ميلاد من كرتون تكفه فهموني بشنو تفيد ! ؟
اصحوا اصحوا اذا الله اراد بقدرته عز وجل
ترد جناسيكم راح ترد ومعاها " اثباتات جديده "
يالي خايف على بطاقه بلاستيكيه ، ترا مافي فرق بينك وبين اخوانا البدون اذا عندك اثبات كويتي مو معناتها تقدر تستخدم حقك المدني باي شكل كان اصلا يمكن يسحبونك معا هالاثبات ويلفقون لك قضية تزوير🤷🏻♂️
اخوانا #البدون حالهم افضل من حالنا مؤقتاً وراح يلتفت لهم والله يستر عليهم .
نهاية الي بقوله محد يرد حقك غيرك انت ياراعي الحق لاتنطر شيخ ولا " ضمير امه " ولا #مجلس امه ، وبذات مجالس الامه الي بتكون بهالعهد ثق انها راح تكون عليك مو معاك ، اعقلوها وتوكلو على الله وتكاتفو والشوارع ادلونها وبيوتهم ادلونها ( لاتخرب لاتكسر لاتحرق لاتمسك لافته اطلع بهدوء وارجع بيتك بهدوء ، وراح يعرفون حجمهم شنو والكلمه لمنو .
#الكويت
#المسحوب_جناسيهم
انا مابي اتكلم عن اجدادنا وابائنا وامهاتنا شنو قدمو للكويت حق المشككين باهل المراسيم مهما كانت فئته شنو ( اعمال جليله - تبيعيه - ابناء كويتيات الخ )
انا بقولك بالفتره السابقه من بداية ازمة #ايران الى يومنا هذا منو قدم ومنو ضحى ومنو خدم وهو يعلم ان جنسيته ستسحب اولهم ابناء الكويتيات لانه كان في توجه واضح وصريح من الحكومه بسحب جناسيهم …
المسيرات باعداد تخرع بسما الكويت وجنود وضباط استشهدو وكذلك ناس مدنيين انصابوا وفي منهم من استشهد !
وكانوا هم ولا غيرهم من الفئات يطلع من البيت وهو يودع اهله الوداع الاخير بقلبه …
ومايدري راح يرد لهله ولا ينصاب او يستشهد ، واهم يعلمون جناسيهم بتنسحب وماقالو خلاص بنقعد ببيوتنا لان جناسينا بتنسحب ، تموا بخط الدفاع الاول للكويت وهم يعلمون ان الكويت بتظلمهم وان قيادة الكويت الي هم يحمونها بتظلمهم !
( هذي قيادتكم واسرة العفن ، الي يدافع عن الكويت ويحميها بدمه وماله ووقته يقولون عنه شوائب ، والي يبوق ويخرب ويدمر الكويت هذا اهو الاصيل ومالك حق اتعقب على اي شي يسويه! )
فسؤالي لكم
ياكويتي وكويتيه شناطرين ! خايفين من شنو ! شنو بقى ماسووه فينا ؟
🤖 Made with AI
AS retweeted
Replying to @Alsoor74093124 @ASq8kw2
ليش يابن الحلال
الدعوه ترا ترد بعد ع صاحبه
امسح التغريده ما عليك آمر
والكلمه الطيبه صدقه
وتقبل مروري
الى كل مواطن #كويتي يحمل نفس عنصري
راح يجيك يوم تظلمك حكومتك واميرك الي شاد الظهر فيه
الظلم مو لازم يكون واضح او اثره سريع في انواع من الظلم
انت الحين مو متاثر ف مو فارقه معاك بس تعال على عيالك بعدين وعيال عيالك واللائحه تطول
انا اتكلم عن واقع الي قاعد يصير حاليا من انواع الظلم في #الكويت الي انا متاثر فيها وغيري كثير اذا ماتم ظلمك بسحب جنسيتك … يكون الظلم بوظيفتك ومسمياتك الوظيفيه واذا مو وظيفتك باملاكك او لوائحهم الاداريه قراراتهم المتغيره وقوانينهم الي كل ماله وقاعد يقرون قوانين تخنق المواطن وتمشي حسب مصالحهم…
واذا مو بهذيل ف راح يكون الظلم بعيالك راح يجي اليوم الي يكبرون فيه اطفالكم ويقولون لكم حلمنا نكون ضباط - دكاتره - وكلاء نيابه ووطوول لستة الاحلام …
وماراح تقدرون تلبون مطالبهم واحلامهم لان جدهم او ابو جدهم كان على حدود السور ولا صار كويتي بعد مابنو #السور ! مثل مايقولون الحين الي ماكان متواجد قبل ١٩٢٠ هذا مو كويتي اصيل !
ولا اخذ الجنسيه عن طريق " لجان التجنيس والخ… " من اعذارهم شنو بتقول لاطفالك الي كبرو على امال مزيفه واحلام ماراح تتحق …؟
بتركك لخيالك يا عنصري وشوف وين يوديك 🤫
AS retweeted
سؤال واتمنى اشوف جواب.
سكتوا وصبرتو على آمال وتبخرت وشفتوا لي وين الظلم واصل.
ساكتين ؟ ميخالف فهمنا الخوف... بس لي متى ؟
في وقت معين ؟ ولى الى اخر العمر ؟
للصبر آخر والمفروض كلكم حاطين لكم target معين...
لي متى ؟ ممكن نعرف ؟
#الجنسية_راجعة
#سحب_الجناسي
#ابناء_الكويتيات
#التبعيه
#احصاء_65
#الخدمات_الجليله
#زوجات_الكويتين
AS retweeted
"الفحوصات المعتادة"
يعني كل ما احتاج إلى فحص اعتيادي روتيني يأخذ الطائرة الأميرية و وفد ضخم و يذهب به في رحلة تكلّف عشرات الملايين على حساب المال العام و والشعب
و أنت يا عزيزي المواطن تذهب لمستوصف منطقتك فيكتب لك بندول و مضاد حيوي حتى قبل أن يفحصك!
حضرة صاحب السمو أمير البلاد الشيخ مشعل الأحمد الجابر الصباح يعود إلى أرض الوطن قادمًا من الولايات المتحدة الأمريكية بعد أن أجرى سموه الفحوصات الطبية المعتادة والتي تكللت بالتوفيق والنجاح
- سمو ولي العهد الشيخ صباح خالد الحمد الصباح وسمو الشيخ أحمد عبدالله الأحمد الصباح رئيس مجلس الوزراء كانا في مقدمة مستقبلي سموه
#فيديو_كونا
#كونا #الكويت
AS retweeted
قال تعالى :﴿إِنَّ جُندَنَا لَهُمُ الْغَالِبُونَ﴾
مهما تجبّر الطغاة، في #الكويت ومهما ظنّوا أن القوة والسلطة تدوم لهم، فإن الظلم لا يدوم، والحق لا يموت. والتاريخ لا يرحم من يستبدّ بشعبه ويظن أن الحكم ملكٌ أبدي.
اللهم أظهر الحق، وانصر المظلومين، واجعل العاقبة للعدل والكرامة. #الدور_الاخر
AS retweeted
الحرية لا تعيش في ظل الاستبداد.
شاهد المبادئ الكبرى لحركة تحالف الشعوب الحرة… مشروع سياسي لكسر قيود الطغيان وبناء دولة المؤسسات.
#الكويت #سحب_الجناسي #الماده_الثامنه #المعاقين
#نطالب_باستعجال_التظلمات
الي يشوف الفيديو يقول محرر فلسطين وكان واحد من المقاومة الكويتية وقت الغزو..! 😭😂
#انقذوا_الكويت
للعمر أحكام، ومحد يقدر يهرب من سنّة الحياة!
مشعل الأحمد اليوم عمره 86 سنة، ومهما بلغت سلطة الإنسان، يبقى العمر بيد الله، وكلنا راح نوقف جدامه ونتحاسب على أعمالنا.
والسياسة ما تعرف الفراغ، خصوصًا لما يتعلق الأمر بمستقبل الحكم وانتقال السلطة.
عشان چذي أدعوكم تتابعون أخبار مشعل وولي عهده صباح الخالد بالأيام الياية، وتتأملون كل قرار وتحرك وتصريح رسمي، وتربطون الأحداث ببعض.
مو كل ظهور له دلالة، ولا كل غياب يعني شي… لكن فهم السياسة يبدأ من متابعة الوقائع، مو تصديق الإشاعات.
الكويت أكبر من الأشخاص، ومستقبلها ما يصير يبقى مرهونًا بحسابات الحكم بعيدًا عن إرادة شعبها.
لماذا استقبلوا أميرهم بوجوه عابسة ؟
لأنهم يدرون انه راد الكويت موات ، استقباله كان عبارة عن عزا مقدما ،
بدلا من ان يكون فرحا ،
لأن النتائج كانت سلبية جدا وتسير باتجاه واحد ،
موت بين أهلك بدال لا تموت بالعلاج على السرير بمستشفى بالغربة .
تذكرون بالتغريدة الي تحت لما ذكرت لكم عن احتمالات عودته :
إذا اكتفوا بالمسكنات والرعاية التلطيفية " وهذا الي أرجحه"، ممكن يتحسن نسبيا ويرجع يحكم لكن لفترة محدودة بشهور والله أعلم، لأن المرض متقدم.
هذا هو ،
والصور تؤكد هذا الكلام
AS retweeted
بودشته انت مزدوج سوري وكلنا عندنا صورة جوازك شرايك تصير ريال وتعلق على سحب الجناسي من عيال دشتي ؟
و لا اقولك شلون بشار الي كنت تطبل له؟
بودشته يا تصير ريال وتسولف عن الظلم الي حاصل للكويتين او تصكر حلجك.
unavailable
AS retweeted
#Kuwait took our citizenship. Now we're stranded all around the globe, and billed for fees the Kuwaiti Cultural Office promised to pay.
I urge everyone who reads this: don't let these bright young minds go to waste. What if it were you? Or your children?
نعم هو صباح الغيث
..
نشرت في الجريدة الرسمية ثلاثة مراسيم بسحب الجنسية مختومة بتوقيع نائب الأمير سمو ولي العهد الشيخ صباح الخالد.
فهل يحق له الامتناع عن التوقيع؟
وفق المادة السابعة من قانون توارث الإمارة رقم 4 لسنة 1964 ينوب ولي العهد عن الأمير في ممارسة صلاحياته الدستورية عند غيابه خارج الدولة وفقا للشروط والأوضاع المنصوص عليها في المواد 61 الى 64 من الدستور.
وعليه .. فإن الأصل أن ولي العهد يمارس صلاحيات الأمير أثناء غيابه بحكم مركزه الدستوري .. ما لم يقيد الأمير نطاق هذه الصلاحيات. ولا يعني ذلك أن الدستور يلزمه بالتوقيع على كل مرسوم يعرض عليه.
فإن طالبناه بتحكيم الدستور فهو يمارس صلاحياته بمقتضاه .. وإن طالبناه بالإخلاص للأمير فقد أقسم على ذلك.
والسؤال الحاضر: هل كل ما يجوز دستوريا يحسن فعله سياسيا؟
فهل من العقل أن نطالبه بالامتناع عن توقيع مراسيم الجنسية .. فيفتح باب الخلاف بين الأمير وولي عهده على رؤوس الأشهاد .. ويحدث شرخا في الأسرة الحاكمة .. وطبول الحرب تقرع ونحن أحوج ما نكون الى وحدة الصف؟
ولو أخذنا برأي المنادين "اعقلها وتوكل" وامتنع عن التوقيع .. أفلا يكون منصبه نفسه ثمن هذا الموقف؟ أم تظنون أن الأمير سيتراجع عن قرارات سحب الجنسية التي طالت أكثر من 100 ألف لمجرد امتناع ولي عهده عن توقيع ثلاثة مراسيم؟ وأنه لن يسعى الى استبدال ولي عهده قبل أن ينتهي من #رشفة_الحرية من فنجان القهوة "الأصلية"؟
قيل .. "اذا أردت أن تطاع فاطلب المستطاع"
وما أرجوه من صباح الغيث أن يتمسك بربان السفينة ويعض على أوامره بالنواجذ .. حتى نعبر جميعا هذه الأمواج المتلاطمة الى شاطئ الوحدة الوطنية حيث لا فئوية ولا عنصرية ..
ويهطل الغيث فيغسل الظلم ..
ويقيم العدل ..
ويجبر خواطر من كسرت قلوبهم ..
#تسريبات_عبدالله_الصالح 🇰🇼
#عبدالله_الصالح























