Aafi,ᶦᵏᶠ᭄

صرف مسکرائیے! 😂😁 فیصل آباد کا ایک نوجوان بہتر مستقبل کی تلاش میں کینیڈا جا پہنچا۔ وہاں ایک بڑے ڈیپارٹمنٹل اسٹور میں سیلز مین کی نوکری کے لیے درخواست دی۔ انٹرویو کے دوران مالک نے پوچھا: ’’آپ نے پہلے بھی سیلز کا کام کیا ہے؟‘‘ نوجوان نے جواب دیا: ’’جی سر! پاکستان میں فیصل آباد کی ایک کمپنی میں آٹھ سال کام کیا ہے۔‘‘ مالک اس کے تجربے سے متاثر ہوا اور اسے ملازمت دے دی۔ اگلے دن نوجوان اپنی ڈیوٹی پر پہنچا۔ شام کو مالک نے اسے دفتر میں بلایا اور پوچھا: ’’آج کتنی سیل کی؟‘‘ ’’صرف ایک!‘‘ نوجوان نے جواب دیا۔ مالک نے مایوسی سے کہا: ’’صرف ایک؟ ہمارے سیلز مین روزانہ بیس سے تیس ڈیلز کرتے ہیں۔ خیر، یہ بتاؤ تمہاری ایک ڈیل کتنے کی تھی؟‘‘ نوجوان نے بڑے اطمینان سے جواب دیا: ’’نو لاکھ پچاس ہزار سات سو نو ڈالر کی!‘‘ مالک کرسی سے اچھل پڑا: ’’کیا؟ اتنی بڑی ڈیل؟ آخر بیچا کیا تھا؟‘‘ نوجوان نے بتایا: ’’سر! ایک گاہک مچھلی پکڑنے والی چھوٹی سی راڈ خریدنے آیا تھا۔ میں نے اسے پہلے درمیانی اور پھر بڑی راڈ دکھائی۔ پھر پوچھا کہ مچھلی کہاں پکڑیں گے؟ اس نے کہا سمندر میں۔ میں نے کہا، پھر تو کشتی بھی چاہیے ہوگی۔ وہ کشتی والے حصے میں گیا اور ایک بڑی کشتی خرید لی۔ پھر میں نے اسے سمجھایا کہ اتنی بڑی کشتی عام گاڑی پر کیسے لے جائیں گے؟ چنانچہ وہ ایک فور بائی فور گاڑی بھی خرید بیٹھا۔ اس کے بعد میں نے اسے مشورہ دیا کہ سمندر کے کنارے رات گزارنے کے لیے خیمہ بھی ہونا چاہیے۔ اس نے خیمہ، کھانے پینے کا سامان، میوزک سسٹم اور دو کارٹن بیئر بھی خرید لیے۔ مالک حیرت سے بولا: ’’یعنی ایک گاہک جو صرف مچھلی پکڑنے کی راڈ لینے آیا تھا، تم نے اسے اتنا کچھ بیچ دیا؟‘‘ نوجوان نے مسکرا کر جواب دیا: ’’نہیں سر! وہ تو سر درد کی دو گولیاں خریدنے آیا تھا۔ میں نے اسے سمجھایا کہ گولیاں کھانے کے بجائے مچھلی پکڑنے جیسی دلچسپ سرگرمی شروع کر دے۔ بس پھر ایک ڈالر کی دو گولیوں کی جگہ ساڑھے نو لاکھ ڈالر کی خریداری ہو گئی!‘‘ مالک چند لمحے خاموش رہا، پھر پوچھا: ’’بھائی، تم آخر پاکستان میں کہاں سے آئے ہو؟‘‘ نوجوان نے فخر سے جواب دیا: ’’سر! غلام محمد آباد، فیصل آباد سے۔ وہاں تو ہم پیدا ہی سیلزمین ہوتے ہیں!‘‘ 😂