#قومی_زبان ہم کتنے بھی ماڈرن ہوں ، کتنے بھی فیشن کرلیں ، کتنا بھی آزاد ہو جائیں اور کتنے ہی گناہ گار ہوں پھر بھی ہم سب اس دنیا کے خوبصورت ترین مذہب اسلام کا بطور مسلمان دل سے احترام کرتے ہیں۔ اذان ہوتی ہے تو خواتین سر پہ دوپٹہ اوڑھ لیتی ہیں، جینز پہننے والی خواتین بھی جب نماز پڑھتی ہیں تو چادر اوڑھ لیتی ہیں، نماز پڑھتے وقت ہماری آنکھیں جھکی رہتی ہیں، ہم نظر اٹھا کر اپنے دائیں بائیں اور سامنے تک نہیں دیکھتے جب تک کہ سلام نہ پھیرے لیں۔ تلاوت کلام پاک کرتے اور سنتے وقت انسان قبلہ رخ ہو کر انتہائی مودب انداز میں تلاوت کرتا ہے۔ درمیان میں کوئی بات کرلے تو پھر سے بسم اللہ پڑھ کر دوبارہ شروع کرتا ہے، پھر یہی عالم نعتیہ کلام اور اللہ تعالیٰ کی حمد و ثناء کا بھی ہوتا ہے جب محفلوں، اجتماع گاہ اور گھروں میں بھی میں ہر کوئی یہاں تک کہ بچہ بچہ احتراماً اور عقیدتاً انہیں سنتا اور پڑھتا ہے۔ کیونکہ ہر کوئی جانتا ہے کہ اذان ، نماز ، نعتیہ کلام اور حمد و ثناء مذہبی لحاظ سے ہمارے لیے کیا معنی رکھتے ہیں۔ اور پھر ایک وہ خاتون جو خود کو عقل کل سمجھتی ہیں۔ جو عورت کی آزادی کی بات پر اور عورت کی بغاوت کی بات پر مارچ کرنے ، بینرز اٹھانے اور کم کپڑوں والے لباس پہننے پر بات کرنے میں سب سے آگے نظر آتی ہیں۔ لیکن انہیں یہ نہیں پتا کہ "یہ سب تمہارا کرم ہے آقا" پر سلیولیس لباس پہن کر ڈانس نہیں کرتےـــــ یقیناً اس میں صرف عفت عمر نہیں آرگنائزرز بھی پورے قصور وار ہیں۔ نعتیہ کلام اور حضور اقدس صلی اللہ علیہ وسلم کے لیے پڑھا جانے والا کلام ہرگز فیشن شوز میں استعمال نہیں ہونا چاہیے۔ میں کسی کے لباس پر تنقید نہیں کررہی ہماری بلا سے کوئی جو مرضی پہنتا رہے لیکن نیم برہنہ لباسوں کی ماڈلنگ کے ساتھ بیک گراؤنڈ میں "یہ سب تمہارا کرم ہے آقا" چلادینا کیسی آزادی ہے؟ کیسا فیشن ہے؟ اور کیسی بغاوت ہے؟ مجھے حیرت تو ان لوگوں پر ہے جو اپنا مسلمان ہونا اور اپنا اصل بھلا کر اس معاملے میں عفت عمر کو صحیح کہہ رہے ہیں۔ یہ بھی یقیناً عورت مارچ قبیلے کے وہی لوگ ہیں جو ہنس کی چال چلنے کی کوشش میں کوا بننا بھی بھول چکے ہیں۔ منقول

جینیٹک انجینئرنگ کا دریائی ماڈل یورپ امریکہ والے جینیٹک انجینئرنگ کے نام پر اربوں ڈالر لگا کر لیبارٹریاں بنا رہے ہیں جبکہ ہمارے ہاں یہ ٹیکنالوجی صدیوں پہلے ایک مزار کے احاطے میں، بغیر کسی فنڈنگ اور بغیر کسی ایتھکس کمیٹی کے، کامیابی سے چل رہی تھی ظاہر ہے جہاں "معائنہ" کرنے والا کوئی نہ ہو وہاں تحقیق کی رفتار ہی اور ہوتی ہے حضرت دولہ دریائی کا طریقۂ علاج نہایت سادہ تھا دعا کا کنٹریکٹ اولاد آپ کی، مگر "فرسٹ ڈیلیوری رائٹس" ہماری آج کی زبان میں اسے "ہیومن ریسورس اکوزیشن بذریعہ روحانی آؤٹ سورسنگ" کہا جائے گا دنیا کی پہلی کمپنی تھی جس کا خام مال گاہک خود پیدا کر کے خود پیک کر کے، خود ڈیلیور کر جاتا تھا اور شکریہ بھی ادا کرتا تھا بے اولاد "للو" حضرات کا حال یہ تھا کہ انہیں پیدائش کے عمل کا علم نہ تھا سو وہ سمجھتے رہے کہ بچہ آسمان سے اترا ہے دنیا کی تاریخ میں شاید ہی کوئی کلائنٹ ہو جو اپنے ہی پراجیکٹ کا اتنا بڑا "غیر باخبر سٹیک ہولڈر" رہا ہو بچہ دیا بھی رسید بھی نہ لی اور شکرگزار بھی رہے پھر آتا ہے پروسیسنگ یونٹ تانبے کا لوٹا یہ کوئی عام لوٹا نہ تھا یہ "ہائی ٹیک گروتھ ریسٹرکٹر" تھا اس سے سر کی نشوونما رکتی اور حضرت کی آمدنی بڑھتی ایک طرف دنیا CRISPR پر نوبل انعام لیتی ہے دوسری طرف ہمارے ہاں اسی مقصد کے لیے وضو والے برتن سے کام چلا لیا گیا یہ ہوتی ہے "کم لاگت، اعلیٰ منافع" کی عملی مثال، ہارورڈ بزنس سکول بھی شرما جائے نتیجے میں تیار شدہ "پروڈکٹ" بازار میں بھیج دی جاتی جہاں وہ بھیک مانگنے کی ذمہ داری نبھاتی یعنی مال بھی اپنا، مارکیٹنگ بھی اپنی اور سیلز ٹیم بھی ایسی کہ ہر چوراہے پر موجود۔ حضرت نے نہ دفتر کھولا، نہ اشتہار دیا مگر ریونیو ماڈل ایسا کہ آج کے سٹارٹ اپ والے سن لیں تو پچ ڈیک جلا دیں اور جو امیر والدین بچہ دینے سے انکاری ہوتے؟ وہاں حضرت کی "پریمیم سروس" شروع ہوتی بچے کی جگہ سونے چاندی کا بت۔ یہ دنیا کی پہلی "ہیومن ٹو گولڈ کنورژن سکیم" تھی ریٹ پارٹی کی جیب دیکھ کر طے ہوتا گویا "ڈائنامک پرائسنگ" جس پر آج اوبر فخر کرتا ہے حضرت اسے صدیوں پہلے ایجاد کر چکے تھے والدین کو اولاد بھی ملتی سکون بھی اور بدلے میں صرف جیب ہلکی ہوتی حضرت بھی خوش، گاہک بھی خوش، رہ گیا وہ بچہ جو کسی اور کا تھا سو اس سے کون پوچھتا ہے؟ اسی "سونے چاندی کے سرمایہ کاری فنڈ" کے سہارے حضرت نے زندگی میں کبھی مزدوری نہ کی مزدوری تو وہ کرتے ہیں جن کے پاس عقیدت مند نہیں ہوتے ہمارے ہاں اصل جینیٹک انجینئرنگ یہ تھی کہ ایک پوری قوم کی سوچ میں "سوال نہ کرنے" کا جین ڈال دیا گیا اور وہ آج تک نسل در نسل منتقل ہو رہا ہے ازقلم #آفاق_سومرو