Michael Dwairy

كابتن علي ماهر يعلن قائمة منتخب مصر في فتره التوقف الأجندة الدولية 🚨

الحمدلله أن في فترة توقف ..

معتمد جمال المدير الفني لنادي الزمالك بعد مباراة مصر للتأمين في كأس مصر 🎙️ • مش راضي عن أداء اللعيبة في مباراة مصر للتأمين، رغم إننا حققنا الفوز واتأهلنا لدور الـ16 من كأس مصر • إحنا مكناش موفقين في مباراة النهارده، وأفضل حاجة خرجنا بيها من اللقاء هي الفوز والتأهل • أنا عارف تمامًا إن دي طبيعة مباريات الكأس، اللي دايمًا بتشهد مفاجآت، وده حصل كمان الموسم الماضي لما فرق كبيرة خسرت قدام فرق بتلعب في الدرجة التانية • إحنا مكناش في أفضل مراحل التركيز خلال أحداث المباراة • مش هنظهر بصورة أسوأ من اللي ظهرنا بيها في مباراة النهارده، خاصة في ظل الغيابات اللي بنعاني منها • حاولنا نتعامل مع الوضع الحالي في ظل غياب عدد كبير من اللعيبة بسبب الإصابات، خصوصًا في الثلث الهجومي، ومع نهاية فترة التوقف الوضع هيكون مختلف

فاروق جعفر عبر قناة ام بي سي مصر 2 🎙️ • إحنا كمجموعة معندناش مشكلة إن النادي يعمل شركة لكرة القدم، بالعكس، دي حاجة هتبسطنا وهتخلينا مستريحين على مستقبل النادي، لكن لازم النادي يكون هو صاحب القرار! أنا مش هعمل شركة وما أبقاش أنا صاحب القرار • عشان كده إحنا بنتكلم عن النسب، ووجهة نظرنا إن نادي الزمالك ياخد 51%، والمستثمر ياخد 49%، وده كان أساس الاجتماع اللي عملناه • إحنا ما خرجناش بره الكلام، ولا قلنا كلمة تجرح حد، ولا اتكلمنا بشكل يسيء لأي شخص • النادي الأهلي بيصرف أكتر حتى في شراء اللاعبين، والأرقام اللي اشترى بيها لاعيبته تخض! الأهلي دفع حوالي 700 مليون جنيه في اللاعبين، يعني الأرقام كبيرة جداً • هنا بقى لازم نتكلم عن طريقة التعاقد وثقافة إدارة شغل كرة القدم. إزاي تدير الملف؟ المفروض تكون شغال ومبسوط ومعندكش مشاكل، لكن أنت تتعاقد مع لاعبين وأنت معندكش فلوس، وتقول للاعب: «هديك نسبة من الفلوس والباقي دَين»؟ هو ده وضع طبيعي؟ • أنت بتقول ادي المستثمر «النسبة الحاكمة»، لكن هو مش بتاع كورة، وبعدين أنت هتديله الكورة؟ هتديله كرة القدم اللي في النادي؟ هتديله اللعيبة اللي في النادي؟ • أنت لازم تكون حريص إن الفريق يفضل قوي ويستمر ويشتغل بنفس قوة نادي الزمالك، والسنة اللي فاتت كانت درس مهم في الموضوع ده • أنا ما اقدرش أجازف وأقول: «آه، أنا هضم لاعيبة وهعمل فريق»، وبعدين ما اقدرش أدفع للاعيبة فلوسها! ما ينفعش تفضل مديون والدنيا ماشية بنفس الطريقة • أنا لازم يكون عندي طرق كتير أقدر من خلالها أتعاقد، سواء على المستوى المحلي أو المستوى الأجنبي. • فيه ناس ممكن تدخل بنسبة 49%، ومش ضروري يكون مستثمر واحد؛ ممكن نجيب 4 أو 5 مستثمرين يشتركوا في النسبة دي، وتفضل مصلحة النادي محفوظة • أنا عن نفسي عايز اقترح كده لكن هو النادي مدي فرصة لحد يتكلم؟ • أنت النهارده بتقول إنك هتتعاقد كشركة كرة، والمفروض إنك بتتعاقد لمدة، يعني أنت بدأت من سنة أو 3 أو 4 سنين، وجيت في آخر 5 أو 7 شهور وقررت تتعاقد عشان اللي جاي بعد كده؟ طب ليه ما بدأتش من الـ3 سنين اللي فاتوا؟ • في النهاية، لازم النادي يكون هو صاحب القرار، ليه؟ لأن هوية النادي ممكن تتغير، وشكله ولبسه وكل حاجة فيه ممكن تتغير تحت إدارة الشركة اللي هتكون مالكة وماسكة النادي