Bilal Aslam Bhatti

پی ٹی آئی کے اندرونی اتفاق پر اسوقت غیر جمہوری فیصلہ سازوں کا حملہ ہے۔ بیانیہ پھیلایا جا رہا ہے کہ خیبر پختونخواہ اسمبلی کے 68 ارکان ایک گروپ کے طور پر عمران خان صاحب اور پارٹی کی پولیٹیکل کمیٹی کی اجازت کے بغیر صوبائی صدر اور آئندہ وزیر اعلی کے امیدوار کا اعلان کرنے والے ہیں۔ کہا جا رہا ہے کہ اسی گروپ نے آخری دنوں میں وزیر اعلی سہیل آفریدی اور انکی ٹیم سے رابطہ منقطع کر کے سرکاری جبر، ایمرجنسی اور گورنر راج کی راہ ہموار کی۔ کسی سازشی بیانیے پر یقین نہ کیا جائے جب تک تحقیقات مکمل نہ کر لی جائیں۔ جنید اکبر صاحب خیبر پختونخواہ میں پارٹی کے بدستور صدر ہیں۔ انکا تقرر عمران خان صاحب نے خود کیا ہے۔ انکی غیر موجودگی میں صوبے کے جنرل سیکریٹری علی اصغر خان صاحب قائم مقام صدر ہیں۔ سہیل آفریدی قانون اور آئین کی رو سے آج بھی وزیر اعلی ہیں۔ وسوسہ پھیلانے والے سانپوں اور سنپولیوں کو شکست ہو گی۔ اللہ تعالی کی پناہ مانگتا ہوں انکے شر سے۔

کوئی ابہام نہ رہے۔ سہیل آفریدی ایک بہادر نوجوان ہے جو عمران خان صاحب کے نظریے پہ ثابت قدم کھڑا ہے۔ تاہم لانگ مارچ کے انتظامی معملات کا تنقیدی جائزہ ضروری ہے۔ یہ جائزہ سہیل آفریدی کے خلاف سازشی بیانیوں کا جواب دینے کیلئے ضروری ہے۔ کور کمیٹی میں گفتگو کو سیاق و سباق سے ہٹ کر اور توڑ مروڑ کر پیش کرنا سازشی بیانیوں کا حصہ ہے۔

اللہ تعالیٰ کا جتنا شکر ادا کروں کم ہے۔ تمام قوم سجدہ شکر بجا لائے۔ عمران خان صاحب کی صحت کے حوالے سے قابل اعتبار اطلاع اور انکی صحت کی مکمل بحالی ہمارا اولین مقصد ہے۔ آج خان صاحب کی مجھے سیکریٹری جنرل بنانے کی حکمت مجھ پر واضح ہوئی۔ پچھلے منگل رجسٹرار سپریم کورٹ نے مجھ سے ملاقات میں اس ہفتے خان صاحب کے مقدمات لگانے کی یقین دہانی کرائی۔ آج دوران سماعت عدالت عظمیٰ نے میری یقین دہانی پر انحصار کیا۔ اس انحصار اور اعتبار کے پیچھے میری پینتیس سالہ بے داغ وکالتی زندگی ہے۔ میں نے پارٹی کی جانب سے یقین دلایا کہ خان صاحب کا کوئی وفادار شفا انٹرنیشنل ہسپتال کے گرد و نواح میں ہجوم پیدا نہیں کرے گا۔ ہم سب کو اس وعدے کا پاس رکھنا ہے۔ خان صاحب سے انکی بہن ڈاکٹر عظمیٰ اور ذاتی معالج ڈاکٹر فیصل سلطان کی ملاقاتوں میں ہمارا کوئی عمل رکاوٹ نہ بنے۔ اللہ تعالیٰ آسانیاں پیدا فرمائے گا۔

جھوٹ اور ظلم کی شکست یقینی ہے۔ ہم حق کی بات، غریب کی بات، انسانیت کی بات، عمران خان صاحب کے تاریخ ساز عزم اور رہائی کی بات کرتے رہیں گے۔ ۵ اگست کو عمران خان صاحب کی ناحق قید کے تین برس پورے ہو رہے ہیں۔ اب نکلو۔ وطن کی خاطر، سچ کی خاطر، اپنے اور اپنی نسلوں کی خاطر، عمران خان کی خاطر۔