راشد ڈوگر

بیلاروس کی سیاحت کے آخری دن ہم چرنوبل (جو اب یوکرین کا حصہ ہے ) کے حادثے سے متاثرہ بیلاروس کا علاقہ دیکھنے گئے جو یوکرین کی سرحد بلکل ساتھ ہے۔ یہ علاقہ کبھی نہائت خوبصورت ہنستا بستا زرخیز زرعی خطہ تھا جس میں متعدد گاؤں اور قصبے تھے جو اب اجڑا دیار اور جائے عبرت ہے۔ جہاں قریباً چالیس سال پہلے عجلت میں خالی کئے گئے گھر جن میں بچوں کے کھلونوں اور جوتوں سے لیکر خاندانی تصاویر ، ہسپتال جن میں دوائیاں اور ٹوٹا پھوٹا سازوں سامان، زرعی فارمز میں آہستہ گلتی مشینری، سکول اور ان میں بچوں کے بستے اور کتابیں، دیواروں پر آویزاں چارٹ، کھاس اور جنگلی پودوں تلے دبی سڑکیں، اور انسانی زندگی کی ناپائیداری اور اس کے منصوبوں اور خوابوں کی بے وقعتی آنکھوں کے سامنے عین عیاں و عریاں ہے۔ چرنوبل کا حادثہ تاریخ کے بدترین جوہری حادثات میں سے ایک ہے، جو 26 اپریل 1986 کو اُس وقت کے سوویت یونین (موجودہ یوکرین) میں واقع چرنوبل نیوکلیئر پاور پلانٹ کے ری ایکٹر نمبر 4 میں پیش آیا۔ یہ حادثہ ری ایکٹر کے ناقص ڈیزائن اور آپریٹرز کی سنگین غلطیوں کے مجموعی نتیجے میں ہوا، جس کے باعث ایک دھماکا ہوا اور بڑی مقدار میں تابکار (radioactive) مواد فضا میں خارج ہو گیا۔  حادثے کے اثرات یہ تابکار مواد ہوا کے ذریعے یوکرین، بیلاروس، روس اور شمالی و وسطی یورپ کے کئی دوسرے علاقوں تک پھیل گیا۔  بیلاروس اور یوکرین پر اثرات: فوری اموات: حادثے کے فوری بعد 31 افراد ہلاک ہوئے، جن میں پلانٹ کے عملے اور فائر فائٹرز شامل تھے۔ طویل مدتی اثرات میں ہزاروں افراد کینسر (خاص طور پر تھائیرائیڈ کینسر) اور دیگر مہلک بیماریوں میں مبتلا ہوئے اور بہت سے لوگ جان کی بازی ہار گئے۔ چرنوبل اور اس کے آس پاس کے 30 کلومیٹر کے علاقے کو فوری طور پر خالی کرا لیا گیا، جو آج بھی ایک ویران "بھوتوں کا شہر" ہے۔  تابکاری نے وسیع رقبے پر پھیلی زمین، پانی، جنگلات اور زرعی اجناس کو شدید آلودہ کر دیا۔ یوکرین، بیلاروس اور روس میں تقریباً 4400 مربع کلومیٹر (10 لاکھ ایکڑ سے زائد) رقبہ براہ راست آلودگی کا شکار ہوا۔ تابکاری کے اثرات آج بھی ان علاقوں میں موجود ہیں اور سائنسدان اب بھی اس کے ماحولیاتی اثرات کا مطالعہ کر رہے ہیں۔  مجموعی طور پر، اس حادثے نے دونوں ممالک کی آبادی اور ماحول پر گہرے اور دیرپا منفی اثرات چھوڑے ہیں، جن سے نمٹنے کی کوششیں کئی دہائیوں سے جاری ہیں۔  چرنوبل حادثے کے دوران 100 سے زائد اقسام کے تابکار مادے فضا میں خارج ہوئے۔ ان میں سے زیادہ تر کی ہاف لائف (half-life) کم تھی اور وہ تیزی سے ختم ہو گئے، لیکن کچھ اہم اور خطرناک مادے ایسے تھے جو طویل عرصے تک ماحول اور انسانی صحت کے لیے خطرہ بنے رہے، ہیں اور طویل عرصہ تک رہیں گے۔ آیوڈین-131(Iodine-131) تقریباً 8 دن اس کی ہاف لائف کم ہے، لیکن حادثے کے فوری بعد یہ سب سے بڑا خطرہ تھا کیونکہ یہ دودھ اور سبزیوں کے ذریعے انسانی جسم میں داخل ہو کر تھائیرائیڈ گلینڈ (thyroid gland) میں جمع ہو جاتا ہے اور کینسر کا سبب بن سکتا ہے۔ سیزیم-137(Caesium-137) تقریباً 30 سال یہ سب سے زیادہ دور تک سفر کرنے والا اور دیرپا رہنے والا عنصر تھا۔ یہ آج بھی چرنوبل کے آس پاس کے علاقوں میں تابکاری کی اہم وجہ ہے اور کئی دہائیوں تک ماحول میں موجود رہے گا۔ سٹراونٹیئم-90(Strontium-90) تقریباً 29 سال یہ کیمیائی طور پر کیلشیم سے مشابہت رکھتا ہے، اس لیے یہ ہڈیوں اور دانتوں میں جمع ہو سکتا ہے، جس سے لیوکیمیا (خون کا کینسر) جیسی بیماریاں ہو سکتی ہیں۔ پلوٹونیئم(Plutonium) اور دیگر ایکٹنائیڈز ہزاروں سال پلوٹونیئم-239 کی ہاف لائف تقریباً 24,000 سال ہے۔ یہ مادے بنیادی طور پر حادثے کے مقام کے قریب ہی جمع ہوئے اور انتہائی طویل عرصے تک خطرناک رہیں گے، تاہم ان کی مقدار سیزیم اور سٹراونٹیئم کے مقابلے میں کم تھی۔ امریشیم-241 (Americium-241) کی ہاف لائف تقریباً 432.2 سال ہے۔ اس طویل ہاف لائف کا مطلب ہے کہ یہ مادہ ماحول میں سینکڑوں سال تک برقرار رہے گا۔  امریشیم 241 , حادثے کے دوران ری ایکٹر سے پلوٹونیئم کے مختلف آئسوٹوپس (جیسے پلوٹونیئم-241) کے ساتھ ساتھ کچھ مقدار میں امریشیم-241 بھی براہ راست ماحول میں خارج ہوا۔ امریشیم-241 کا ایک بڑا حصہ براہ راست خارج نہیں ہوا تھا، بلکہ یہ حادثے کے کئی سالوں بعد پلوٹونیئم-241 (جس کی ہاف لائف تقریباً 14 سال ہے) کے تابکار زوال اور ٹوٹ پھوٹ (radioactive decay) کے نتیجے میں خود بخود بنتا گیا۔ چرنوبل کے تباہ شدہ ری ایکٹر نمبر 4 کے اوپر ایک بڑا حفاظتی ڈوم (گنبد) بنایا گیا ہے تاکہ باقی ماندہ تابکاری کو ماحول میں خارج ہونے سے روکا جا سکے۔ #حرفِ_راشد

رات بیلا روس سے لتھووینیا میں واپسی ہوئی۔ سیگریٹ سمگلرز کی غیرنصابی سرگرمیوں کی وجہ سے (کم از سطح پر تو یہی وجہ بتائی گئی ہے کیونکہ دونوں ملکوں میں روس اور یوکرائین کی وجہ سے چپقلش معمولی بات ہے ) بارڈر بند ہوچکا تھا اور صرف پولینڈ یا لیٹویا کے راستے واپس جایا جا سکتا تھا لیکن ہماری واپسی کی فلائیٹ لےلتھوینیا سے تھی۔ الحمدللّٰہ ہم بفضلِ خدا آسانی سے بارڈر پار کر آئے جوکہ ایک علیحدہ ایڈونچر تھا۔ بیلاروس کے متعلق ان شاء اللّٰہ تفصیل سے تحاریر و تصاویر آپ احباب سے اگلے چند دنوں میں شئر کروں گا۔ 🌺 #حرفِ_راشد