💕مصريةالهوى🔻🌹

من فضلك يا كابحوووساااام تحترم خصوصيتنا الي انت فدغتها ...❗❗ يعني ايه ⁉️نبقى قاعدين في حالنا لا بينا ولا علينا نلاقي خناقات عيالك ومراتاتك وتصريحاتهم وتصريحات المحامين بتوعهم وتسريبات من اتحاد الكرة كل ده هاجم علينا هجوم الليل بطوله وبعدها انت تفقعنا تصريح إن يجب علينا احترام خصوصيتك وحياتك الشخصية يعني ايه مراتك امبارح عاملة لما مقطع صوتي بتخطب في الناس وتقول لهم يا مصررررييييين خليكم اذكياء ؟؟؟؟ مين سمح لها تستخدم كلمة يا مصريييين دي وبتخطب فينا على أساس ايه؟ يا راجل ده السيدة انتصار السيسي عمرها ما طلعت قالتها لنا ، لا داهية تكون افتكرت نفسها سيدة كرة القدم الأولى يعني ايه مراتك تطلع توصف الشعب المعترض على مهازلكم إنه مجرد لجان وإننا مأجورين علشان نحطم انجازك ومتكملش في منصبك ، ومنسيتش في وسط كلامها تلقح على الزوجة الأولى وتوضح قد ايه هي ضحت علشانك وتقول لنا كنتوووووا فين وحسام قاعد سنة في البيت من غير شغل ، واحنا مال أبونا تقعد بشغل ولا من غير شغل ونسأل عنك ليه من الأساس يعني ايه محامي مراتك الأولى يطلع يقول إنك طلقت مراتك التانية مرة واتنين وتلاتة وراحت اتجوزت محلل علشان ترجع لك ، ومحامي مراتك التانية يقول إن مراتك الأولى منفصلة عنك بس من غير ورق رسمي ، ويرجع محامي مراتك الأولى يقول ربنا يكفينا شر السحر والي بيعملوه⁉️ يا لهوى هو كمان بقى فيها سحر و أعمال كمان قشطة بالمهلبية ⁉️ يعني ايه يكون في اخبار عن مصدر في اتحاد الكرة يصرح إن هاني ابو ريدة غاضب جدا من المهزلة دي وإنه طلب اجتماع عاجل معاك في الفترة القادمة علشان يناقشك في الي بيحصل ووضع حد للأزمة دي ويمنع تكرارها يعني إيه لاعب يلقح عليك ويعمل ستوري متصور فيها مع مراته ويكتب الحمد لله على نعمة الزوجة الواحدة يعني ايه مراتك التانية تقول إن عيالك الكبار ضربوك على نافوخك وهو ده الي خلاك تقع من طولك وتطلعك لا مؤاخذة زي اي راجل هلهولة عياله بيمدوا ايدهم عليه يعني ايه الخناقة المخزية الي دارت على الهواء بين محامي زوجتك الاولى ومحامي زوجتك التانية وكل واحد فيهم يقول ما إحنا عارفين عن الطرف التاني حاجات كتير ومش عايزين نقولها ، ومسكوا في بعض على الهواء مع المذيعة ياسمين الخطيب بشكل مخزي ومزري ومليان هتك للي فاضل من ستر بيتك يعني ايه بقى جزء من تفاصيل حياتنا تتفرض علينا اخبار زوجتك الاولى وعيالك منها وزوجتك التانية وتصريحات دي ورد دوكها عليها وردود المحامين بتوع كل معسكر منهم وتعليقات صاحبات دوكهيا ، وصاحبات دوكهوما يعني ايه أثناء تصريح محامي الزوجة الأولى إن التانية اتطلقت منك 3 مرات ، نلاقي المذيعة بتقول إن مراتك التانية عندها أولاد شباب كبار في العشرينات من زواج سابق !!! يا جدع ده الناس كانت بتقول إنها صغيرة نوغة وطايشة ومستحملين وبالعين الطين ومسلمين أمرهم لله . يعني إيه تكون الخناقة علشان الاستحواذ على الراجل الي طالب يكون مرتبه خمسة مليون جنيه والناس تفضل تتفرج وتتساءل ازاي هتحكم على منتخب كامل وتمشي كلمتك وتفرض هيبتك واحترامك عليه بعد كل الي بيحصل ده يعني إيه مراتك التانية تقول في المقطع الصوتي بتاع يا مصريييين إنك لا حول لك ولا قوة !!!!!! يعني ايه بدل ما انت تختفي تماماً ن المشهد وتحكم بيوتك تقوم تعمل تصريح تتناقله الأخبار إنك تقول الخلافات دي بتحصل في أي بيت وانك عايز الناس تحترم خصوصيتك !!!!! هو انت مش قادر على الي عندك فتقوم تتهم الناس إنهم اقتحموا خصوصيتك ؟؟؟؟؟ لاااااااا يا كابحوووووسااااااام احترم إنت خصوصيتنا وشيل عيلتك من فوقينا وحبة نفسسسسس بقى .