*Boycott Israeli Apartheid* Software Engineer/ Triathlete Sports, Travel and Technology القاهرة مرض مزمن. Tweets represent my own opinions
Cairo/ Hamburg
Joined May 2009
- Tweets5K
- Following605
- Followers244
- Likes455
الحقيقة الموضوع شاغلنى برضو، ازاي ناس بتعترض على ان مفيش مراوح فى الفصول في فرنسا مثلا يبقوا لابسين كوفية casually كده و هم بيعترضوا! النتيجة اللي بتفسر ده بالنسبة لي هو ان القضية الفلسطينية و كوفية كرمز ليها بقوا بيرمزوا للمقاومة و …
سيب القوس مفتوح 😁
في النشرة اليوم:
بعدما حسم الرئيس الجدل أمس، مؤكدًا أن الدستور لن يُمس، أكد اليوم أنه مستمر في العمل حتى آخر يوم «من مدة سيادته في منصبه عام 2030»، بحسب بيان المتحدث باسم رئاسة الجمهورية، قبل أن يعدّل المتحدث البيان ليجعل التأكيد الرئاسي بالاستمرار في العمل «حتى آخر يوم لي في الحكم»، وهو التعديل الذي أربك التغطيات الإعلامية بعض الشيء.storage.googleapis.com/madam…
Eslam Foad retweeted
الله يرحمها الحاجة اخلاص
عالفكرة حتى الان لم يبنى اى شىء مكان العوامة بتاعتها فى امبابة لمرحلة بافكر كان ليه !!
Eslam Foad retweeted
تصعيد أمني ضد "متصدقش".. القبض على صحفيين آخرين وارتفاع العدد إلى 4
See the English translation below
في تصعيد جديد، ألقت جهات أمنية، مساء الثلاثاء 29 سبتمبر، القبض على الصحفيين إسلام بركات ومحمد عادل، المحررين بمنصة "متصدقش"، ولا تزال الجهة التي تحتجزهما ومكان وجودهما غير معلومين حتى الآن.
يأتي ذلك في إطار هجمة أمنية شديدة، تستهدف "متصدقش" بدأت في وقت متأخر من مساء الإثنين 28 سبتمبر، بالقبض على الزميلين الصحفيين محمد أشرف وعبدالله قدري، بعد مداهمة منزليهما والتحفظ على هواتفهما وأجهزة اللابتوب الشخصية، فضلًا عن تكسير عدد من محتويات المنزل.
وتثير هذه الإجراءات المتتالية قلقًا بالغًا، خصوصًا مع عدم إعلان أسباب واضحة للقبض على الزملاء الأربعة، أو إتاحة معلومات رسمية عن أماكن احتجازهم أو الجهات التي تتولى التحقيق معهم. تقوم المبادرة المصرية للحقوق الشخصية ومديرها حسام بهجت بالتمثيل القانوني لكامل أعضاء فريق متصدقش.
وتؤكد "متصدقش" أنها منصة صحفية مصرية تعمل بصورة معلنة، وأن ما يقوم به صحفيوها هو أداء واجبهم المهني في التحقق من المعلومات ونشر الحقائق، التزامًا بالمعايير الصحفية، وبالحقوق التي كفلها الدستور المصري لحرية الرأي والصحافة والنشر.
ونحمل السلطات المعنية المسؤولية الكاملة عن سلامة الزملاء الأربعة: إسلام بركات، ومحمد عادل، ومحمد أشرف، وعبدالله قدري، ونطالب بالكشف الفوري عن أماكن وجودهم وأسباب احتجازهم، مع تمكينهم من التواصل مع محاميهم وذويهم.
ورغم ما يحدث، نؤكد تمسكنا باستكمال عملنا الصحفي، والقيام بواجبنا في التحقق من المعلومات ونشر الحقائق، دون التخلي عن مسؤوليتنا المهنية في الالتزام بالمعايير الصحفية في التحقق والتوثيق والنشر.
Security Crackdown on Matsadaash Escalates as 2 More Journalists Are Arrested, Bringing Total to 4
In a further escalation, security authorities arrested journalists Islam Barakat and Mohamed Adel, both editors at Matsadaash, on the evening of Tuesday, September 29. As of this statement, their whereabouts remain unknown, as does the identity of the authority holding them.
The arrests are the latest development in an escalating security crackdown targeting Matsadaash. The crackdown began late on Monday, September 28, with the arrests of our colleagues Mohamed Ashraf and Abdullah Qadri, following raids on their homes. Their mobile phones and personal laptops were seized, and during one of the raids, security forces also damaged household contents and personal belongings.
These successive arrests are a matter of grave concern, particularly as no clear reasons have been provided for the detention of any of the four journalists. No official information has been made available regarding their whereabouts or the authorities responsible for investigating them.
The Egyptian Initiative for Personal Rights (EIPR), under the direction of Hossam Bahgat, is providing legal representation for all members of the Matsadaash team.
Matsadaash is an independent Egyptian journalism platform that operates openly. Its journalists are carrying out their professional duty: investigating and verifying information, establishing and reporting facts, and serving the public interest in accordance with professional journalistic standards and the rights to freedom of opinion, journalism, and publication guaranteed by the Egyptian Constitution.
We hold the relevant authorities fully responsible for the safety and well-being of our four colleagues — Islam Barakat, Mohamed Adel, Mohamed Ashraf, and Abdullah Qadri — and call for the immediate disclosure of their whereabouts and the reasons for their detention. They must be granted immediate access to their lawyers and families and afforded all rights guaranteed to them under the law.
Despite these developments, we remain committed to continuing our journalistic work and fulfilling our responsibility to investigate, verify, document, and report facts in accordance with the highest professional journalistic standards.
Eslam Foad retweeted
من أسبوعين تقريبًا، بوست على فيسبوك عنوانه "ليلة حزينة على طرة كلها"... أهالي طرة البلد بيتناقلوا خبر إن البيوت في نطاق 100 متر من الكورنيش الدولة هتنزع ملكيتها، ومحدش عارف إذا الخبر صح ولا غلط.. عضو مجلس النواب وائل سعده طمنهم بمعلومة غريبة.. القرار منشور في الوقائع المصرية من 28 سبتمبر 2025... يعني الناس عرفت بعد سنة تقريبًا من القرار، وعن طريق فيسبوك
مش أول مرة تحصل. بلدنا تقريبا عايشة القصة دي من سنين بشكل متكرر: -
2007، القرصاية: جزيرة صغيرة في نص النيل، أهلها صيادين وفلاحين. مجلس الوزراء قرر عدم تجديد عقود أراضيهم، بحجة تحويل الجزيرة لمحمية طبيعية، بينما المخططات اللي تسربت وقتها كانت بتتكلم عن استثمار سياحي. الأهالي لجأوا للقضاء، وكسبوا حكم من القضاء الإداري في نوفمبر 2008 بوقف الطرد وأحقيتهم في جزيرتهم. الحكومة طعنت، والمحكمة الإدارية العليا رفضت الطعن في فبراير 2010. الملكية اتحسمت من أعلى محكمة إدارية في البلد.
وفي نوفمبر 2012، رغم الحكمين، قوات الجيش اقتحمت الجزيرة بالذخيرة الحية. الصياد محمد عبد الموجود اتقتل بالرصاص، وأهالي اتصابوا، و25 واحد اتقبض عليهم واتحاكموا عسكريًا، والتهمة "التواجد على أراضٍ عسكرية". ناس بتتحاكم قدام محكمة عسكرية بتهمة إنها موجودة على الجزيرة اللي المحكمة حكمت إنها بتاعتهم. طفل عمره 11 سنة اسمه عبد الرحمن صابر قال لجريدة الوطن يومها: "رأيت والدي مقيد اليدين والعساكر يركلونه بأقدامهم". وهيومن رايتس ووتش وثقت الاقتحام والقتيل والمحاكمات.
- 2014، شمال سيناء: مجلس الوزراء قرر إخلاء منطقة عازلة 79 كيلومتر مربع، شاملة مدينة رفح بالكامل، اللي كان عايش فيها أكتر من 70 ألف إنسان. هيومن رايتس ووتش وثقت هدم 6850 مبنى على الأقل في رفح لحد منتصف 2018 بس، وقدرت اللي نزحوا من شمال سيناء كله بأكتر من 100 ألف من أصل 450 ألف. والدستور المصري نفسه، المادة 63، بيحظر التهجير القسري بجميع صوره وبيعتبره جريمة لا تسقط بالتقادم. والرئيس رد في 2019 بجملته المعروفة: "ماهجرناش حد، إدينا فلوس للناس وأزلنا المباني لأنه أمن قومي". وفي أكتوبر 2023، لما آلاف من أهالي قرى الوفاق والمهدية اتجمعوا سلميًا يطالبوا بوعد العودة بعد عشر سنين تهجير، اتقبض على عدد منهم واتحكم عليهم بالسجن من 3 لـ10 سنين، في قضية اسمها في الإعلام "قضية حق العودة". ناس اتحبست لأنها طلبت ترجع بيوتها، بعد ما اتوعدوا إنهم هيرجعوا بعد القضاء على الإرهاب.
- في 2017، جزيرة الوراق: حوالي 90 ألف إنسان عايشين من الزراعة والصيد. قوات الأمن طوقت الجزيرة فجأة وبدأت تنفذ قرارات إزالة، مواجهات نتج عنها قتيل من الأهالي بالرصاص الحي وعشرات المصابين واعتقالات. الجزيرة داخلة في خطة "تطوير" بتمويل إماراتي، مخططها تحويلها لمنطقة خدمات مالية على غرار مانهاتن بعد إخلائها من السكان. الأجندة القانونية وصفت الخطة بأكبر عملية نقل سكان في مصر منذ تهجير النوبيين.
والتعويض اللي اتعرض على الناس، بالأرقام اللي وثقتها الأجندة القانونية: 1418 جنيه للمتر المربع من العقار، و16 ألف جنيه للغرفة، و250 ألف للقيراط الزراعي. يعني شقة 90 متر على النيل في القاهرة الكبرى، تعويضها 127 ألف جنيه وشوية (حوالي 2,640 دولار). بيت ريفي من تلات غرف، تعويضه بحساب الغرف 48 ألف جنيه، أقل من تمن موبايل حديث من اللي المسؤولين بيتصوروا بيه.
والأهالي لما رفضوا، .. حصار أمني على المعديات والتحكم في مواعيد عبورها، منع دخول مواد البناء لدرجة إن اشتباكات قامت على خمس شكاير أسمنت، وقف خدمات صحية، هدم مركز الشباب ومكتب البريد. واللي بيعترض، الأحكام وصلت من 5 لـ25 سنة سجن على 35 من أهالي الجزيرة بتهم التجمهر، وموجات قبض متتالية، 9 في نوفمبر 2024 و12 في مارس 2025. ومع كل ده، الأهالي معاهم حكم قضائي من 2001 بملكية أراضيهم، وعاملين حملة اسمها "باقون في جزيرة الوراق"، ومطلبهم "بيت مقابل بيت"، وقدموا للدولة تصور هندسي كامل، 4059 قطعة سكنية على 300 فدان بيدمج بيوتهم في مخطط التطوير نفسه، وثقته زاوية ثالثة.
- في 2024، رأس الحكمة: الدولة أعلنت في فبراير صفقة الـ35 مليار دولار مع الإمارات لتطوير المنطقة، وفي أغسطس الحكومة نفسها أعلنت، على لسان إعلامها الرسمي، صرف أكتر من 4.4 مليار جنيه "تعويضات لمستحقي تطوير رأس الحكمة". وجود تعويضات بالمليارات معناه ببساطة إن في ناس كانت عايشة هناك وبتتنقل. البلد اتباعت والسكان بقوا بند تعويضات في الصفقة.
وفي نفس السنين، مثلث ماسبيرو وسط القاهرة، سكانه اتوعدوا بالعودة بعد التطوير، والمرحلة التانية شغالة دلوقتي وسط ضغوط على الباقيين وتعويضات وصفتها تقارير لجرايد محسوبة على السلطة بالهزيلة.
- سنة 2025 لوحدها: زاوية ثالثة وثقت 56 قرار نزع ملكية خاصة، بإجمالي 492 فدان. واللي جاي أكبر من كل اللي فات.. مخطط الواجهة النيلية للقاهرة، 1640 فدان من أثر النبي لسجن طرة، بأبراج 140 متر، وسياسة معلنة اسمها تصدير العقار... بيع الوحدات لمشترين من بره بالدولار. وطرة اللي بدأنا بيها هي أول محطة في المخطط ده.
كل دول الدنيا عندها نزع ملكية للمنفعة العامة. لكن في شروط كل الدنيا بتحطها قبل القرار..
في فرنسا القانون بينص على إن التعويض لازم يكون "عادلًا ومسبقًا"، والفلوس لازم تبقى في إيدك بقيمة عقارك الحقيقية قبل ما حد يلمس بيتك، مش مبلغ طاير في الهوا وإنت بتجري وراه بعد ما البلدوزر عمل عمايله.
والمنفعة العامة معناها منفعة عامة فعلًا.. مدرسة، مستشفى، مفيش فكرة اطلع من بيتك عشان عايزين نستثمر شوية..
وعشان منقارنش نفسنا بفرنسا وخلاص، فالقانون المصري نفسه بينص على إن التعويض بيتقدر "طبقًا للأسعار السائدة"، ولو الجهة اتأخرت بتدفع فوائد تأخير بسعر البنك المركزي. وقانون البناء الموحد 2018 بيلزم الدولة بالتشاور وعرض البدائل وضمان حق العودة قبل نقل سكان أي منطقة، ومعهد التحرير وثق إن كل البنود دي لم تحترم. يعني إحنا مش محتاجين قوانين جديدة. محتاجين حد يطبق اللي مكتوب.
وفي حكاية أقدم من دول كلهم، مختلفة عنهم..
سنة 1964، 90 ألف نوبي اتنقلوا من بلادهم عشان مشروع قومي حقيقي، السد العالي، ومعاهم وعد رسمي بالعودة...
الوعد بقى مادة في الدستور.. المادة 236 من دستور 2014 ألزمت الدولة بمشروعات "تعيد سكان النوبة إلى مناطقهم الأصلية خلال عشر سنوات".
العشر سنين خلصت في يناير 2024. العودة ماحصلتش. اللي حصل إن قرار جمهوري من 2015 وضع 17 قرية نوبية جوه حدود منطقة عسكرية محظورة، والحق الجماعي في العودة اتحول للجان صرف تعويضات فردية.
يعني حتى اللي اتنقلوا لمشروع حقيقي، بوعد مكتوب في أعلى وثيقة في البلد، مستنيين من ستين سنة... أمال اللي بيتنقل عشان أبراج هتتباع بالدولار، ومعاه شيك بتمن موبايل، هيستنى قد إيه؟
ستين سنة بين أول تهجير وأكبر إخلاء، ورغم اختلاف الأماكن والأوقات، اللي بيجمع بينهم إن القرار بيتاخد في هدوء، والناس تعرف متأخر، وتعويضات غير عادلة، واللي يعترض في السجن، واللي يطالب بالرجوع في السجن كمان. وكأن الدولة عبر الأزمنة عايزة تقول "بيتك بتاعك لحد ما نكتشف جمال الفيو اللي وراه".
Eslam Foad retweeted
الفرق بين الصورتين حوالي ١٠ سنين فقط
ولكن الفرق ده بيوضح كل الجرائم التي ارتُكِبت على كورنيش سيدي جابر
Eslam Foad retweeted
كل ما تيجي ذكرى مجزرة رابعة، تعود لي صور ومشاهد شفتها، لا تغيب عن بالي، ورغم إني بقيت أنسى كتير، فإن صورًا معينة لا تغيب عن رأسي
بدأت المشاهد من مسجد الإيمان في مدينة نصر يوم ١٥ أغسطس، وكانت هناك صور حصاد الجريمة: الجثث اللي كان الجامع ممتلئًا بيها، ورائحة الموت، ودموع أهالي الضحايا وانكسارهم، والأكفان المشبعة بالدم، والأخبار اللي كانت بتتوالى عن أسماء أصحاب ومعارف صاروا من ضحايا المجزرة
والأبشع كان عند مشرحة زينهم، الجثث الملقاة على الأرض في شوارع السيدة زينب، في حر أغسطس، بعد ما مكانش فيه مكان ليها داخل المشرحة
أما الأبشع على الإطلاق بالنسبة لي، فكانت عربية خضروات مبردة أحضرها الأهالي لحفظ الجثث في مكان بارد
لا أنسى دعوة أحد أهالي الحي لي أن أدخل وأصوّر الجثامين، لعل الأهالي يشوفوا الصور ويعرفوا فين ولادهم
لا أنسى مشهد فتح الأكفان، ومشاهدة الجثث المحترقة، وأنصاف الأجساد المتفحمة، وبقايا الأجساد
لأول مرة في حياتي كنت أشاهد أجسادًا متفحمة بهذا الشكل
صورت هذه المشاهد، وخرجت من السيارة، لكن رائحة الموت وشكله المفزع لم يفارقاني
وفي كل مرة أكتب عن هذه السيارة، أشعر أن أجساد هؤلاء الضحايا حولي، تراقبني
سؤال بلا إجابة منذ ١٣ سنة: إزاي ممكن إنسان يعمل كده في إنسان آخر، مهما بلغت خصومته معه؟ وإزاي فيه ناس بررت الجريمة، ودافعت عنها، وما زالت تدافع عن المجرم؟
من أين أتت كل شراهة القتل هذه عند هؤلاء الناس؟
ولم أفقد، ولن أفقد، إيماني بربنا، وأنه منتقم، وسيقتص لهذه الدماء، إن لم يكن في دنيانا، ففي يوم الحساب
Eslam Foad retweeted
مش عارف استوعب ان فيه مؤسسة "خيرية" بتصرح ان علاج السرطان مرتبط بجنسية، ومش عايز استوعب ان فيه بني ادم راح يعمل منكش عشان يمنع مريض سرطان من تلقي علاج!!
لو بتطالبوا بحقوقكم اللي بجد بنفس القوة اللي بتفتروا بيها ع الغلابة ماكانش ده بقى حالنا
خسارة حقيقي! لما مكان المفروض ملاذ لاي ست في مصر (ايا كانت مين ومنين) بتواجه مرض صعب جدا زي السرطان يطلع بيان سخيف بالشكل ده يؤكد ان العلاج القائم على التبرعات للمصريين فقط.
يع حقيقي
في بلاد تانية لو مستشفى نزلت بيان زي ده كان اترفع عليهم قضية تمييز واتعمل حملة ضد سياساتهم! facebook.com/share/p/1HE71an…
صورة ١: كوبري ترعة الزمر، ملاصق للعمارات، كابوس للسكان، موجود بشكل دائم.
صورة ٢: كوبري sternbrücke، تم تجميعه و جاري نقله للمكان الأخير، ملاصق للعمارات أثناء النقل، بشكل مؤقت، الناس مستغربة انه قريب قوى كده من البيوت، معندهمش فكرة ان فى عالم موازي ده واقع دائم.
كيف تدير الأزمات على الطريقة المصرية. حقوق الملكية الفكرية محفوظة
Eslam Foad retweeted
ربما يكون فيلم «يونان» للمخرج أمير فخر الدين من أجمل ما شاهدت منذ سنوات، قصيدة سينمائية موجعة عن الغربة والوطن والذات والذاكرة، وعن حياةٍ معلّقة لا يكتمل فيها الحضور ولا الغياب.
Yunan (2025)
Eslam Foad retweeted
ستظل ثورة 25 يناير هي الشبح الذي يخيف السيسي ونظامه. اليوم، بلغ ذروة فجوره وهو يعلن أن العاصمة الإدارية الجديدة ومقر قيادة العمليات أُنشئا حتى لا تتكرر ما وصفها بـ”أحداث يناير”، مشيدًا في الوقت نفسه بما سماها “ثورة يونيو”.
حتى ارتداؤه الزي العسكري يبدو أنه يدخل الخدمة كلما ذُكرت 25 يناير
في تقديري، لم يكن انقلاب 3 يوليو انقلابًا على حكم الإخوان المسلمين، بقدر ما كان انقلابًا على ثورة 25 يناير.
، كان الإخوان مجرد وسيلة، وقد ساهمت أخطاء قيادتهم في أن يصبحوا أداةً لهذا الانقلاب، ثم استُخدم وجودهم لاحقًا فزاعةً لتبرير الانقلاب على الديمقراطية
