Fazeel Siddiqui

میں جس وقت سیالکوٹ میں کوریج کر رہا تھا اٹھارہ سے بیس لوگ میرے گھر میں دندناتے ہوئے رات کی تاریکی میں گھستے ہیں کیمرے توڑتے ہیں گھر والوں کی عزتیں بالائے تاک رکھتے ہیں اور اس ملک کے قانون کی دھجیاں اڑا دتے ہیں۔۔۔ یہ کیسی بدترین منافقت ہے کہ کاغذ پر تو جمہوریت جمہوریت لکھ کر کا غذ کالے کیے جاتے ہیں، مگر حقیقت میں سچ کی آواز کو کچلنے کے لیے خوف کا ننگا ناچ نچایا جارہا ہے۔ ایک صحافی جب فرض کی راہ پر نکلتا ہے، جب وہ فرض شناسی کا طوق گلے میں ڈال کر سچ کی تلاش کرتا ہے، تو اس کے گھر کو میدانِ جنگ بنا دیا جاتا ہے۔ اندھیری رات میں اٹھارہ بیس درندے میرے گھر میں گھستے ہیں، کیمرے توڑتے ہیں، چار دیواری کے تقدس کو پامال کرتے ہیں میری فیملی گھر میں موجود ہوتی ہے ان کی عزت کو بالائے تاک رکھتے ہیں اور گھر کا سامان لوٹ کر لے جاتے ہیں یہ قانون کی پاسداری نہیں، یہ بزدلی کا وہ سیاہ روپ ہے جو ریاست کے چہرے پر ہمیشہ کے لیے کالک مل گیا ہے۔ کیا سچ بولنا اتنا بڑا گناہ ہو گیا ہے کہ اب گھر والوں کی عزتیں اور ان کا سکون بھی نشانے پر آ جائے؟ پنجاب میں کوریج کرنے کے دوران میرے گھر پر یہ حملہ صرف ایک گھر پر چھاپہ نہیں، یہ اس پورے نظام کے منہ پر طمانچہ ہے جو آذادی رائےکے دعوے کرتا ہے۔ جب قلم کی طاقت سے ایوانوں کی بنیادیں ہلتی ہیں تو یہ بزدل طاقتیں اس طرح گھروں میں گھس کر غنڈہ گردی کرتی ہیں۔ آزادیِ اظہار اب صرف ایک دھوکہ ہے، ایک ایسا مذاق ہے جو اس سسٹم نے اس ملک کے باضمیر لوگوں کے ساتھ کیا ہے۔ سوال یہ ہے کہ اس ظلم کے خلاف کون بولے گا؟ جب محافظ ہی لٹیرے بن جائیں تو انصاف کس سے مانگا جائے گا؟