فضفضة

🔵 شروط النشر : 1🔴 يكون الموضوع واضح ومباشر. 2🔴 الإبتعاد عن الدراما والتأليف. 3🔴 الإبتعاد عن قضايا السياسة والعنصرية. 4🔴 متابعة الحساب. 5🔴 التأكد من تعديل الأخطاء الإملائية قبل الإرسال. 🟠 نعتذر عن الحذف بعد النشر. 📩 الفضفضه يتم إرسالها لنا عبر صندوق الرسائل الخاصة.

#فضفضه انا عسكري خدمتي ١٧ سنه عندي التصلب اللويحي الانتكاسي مستحق رقيب نهاية الشهر افكر في التقاعد الطبي وعندي اعفاء من الديوان الملكي باقي ماصدر من صندوق التنمية الوطني مازلت امشي واتحرك بس تعبت وخايف من القرض العقاري بعد التقاعد نصائحكم.

#فضفضه مقبلة على فترة زواج وخطوبة والمفروض إني أكون فرحانة ومتحمسة لكن داخلي أحس بنقص في نفسي وعدم ثقة وأحياناً أحس إني أقل من غيري وأخاف إن هالشعور يأثر علي وعلى علاقتي معه أبغى أفهم من وين جايني هذا الشعور وليش ثقتي بنفسي تهتز في مرحلة المفروض تكون من أجمل مراحل حياتي.

#فضفضه قريباً سأتملك في فترة الملكة كم عدد الزيارات اللي المفروض ازورها في بيتها او اطلع معه كفي او مطعم ؟

#فضفضه عمري ٢٦ وبعمر الزواج لما كنت صغيره معالجه شعبيه كوت كامل بطني بحديده مدري سيخ وصار عندي اثار ندبات بيضاء منتشره بكامل البطن (افتح من بشرتي) سويت فراكشنل ليزر خفّت بس ماراحت وفهمت من الدكاتره ان الندبات البيضاء مستحيل تروح نهائي سؤالي هل الرجال يهتمون لهذا الشيء وهل تنصحون بمصارحة الخطيب قبل ما نتدبس في بعض وممكن يكون انسان يحب المرأه تكون كامله ويجرحني بذا الموضوع واتورط وانفصل لاسمح الله شورو علي تكفون.

#فضفضه ابوي له شهرين معلمنا انه بيتزوج بسبب عماني حسبي الله وجابوا له وحده من اقاربهم هو مايهمنا بس صاير يتكلم بكلام ولا يحترمنا ويقول تطفشوني بالطلبات ويقول ليت اطلقك لو كنت رجال صاحي كنت تطلقت امكم وقعدت بالملحق حاولنا فيه وطلباتنا كلها مصروف بيت واشياء سخيفه حتى امي ماطالبت برضاوه وانه بيتزوج شالحل ياجماعه شنسوي فيه وعماني كيف نجلدهم او عطوني دعاء يدمرهم مو طبيعي ٣٠ سنه ويتغير علينا واثنين من اخواني اعاقه لكن تدمر كل شي ومعاد يبي يدفع والدوله ماقصرت بس قلب علينا معاد هو ابونا الي نعرفه شورو علينا.

#فضفضه عمري ٢٠ ومتوظف وراتبي ٨٠٠٠ وش تنصحوني لمستقبلي مع العلم عندي رغبة كبيره فالزواج وأحتاج رأيكم.

#فضفضه عمري ١٨ وملكت وكنت رافضه فكرت الزواج لكن أهلي أقنعوني وبعد ماملكت صرت رافضه اكثر خلاص عرفت أشياء كثير ماعجبتني وماتناسبني وابغى انفصل بس بنفس الوقت العيشه عند اهلي متعبه وصعبه مليانه مشاكل امي وابوي منفصلين وكل شهر شهرين بالشرطه واخواني مشاكلهم ماتخلص وبرضو دايم بالشرطه ونفسيتي تعبت عند اهلي وبرضو تعبت من موضوع الزواج مدري أرضى بالامر الواقع وخلاص اكمل زواجي بالأشياء الي مو عاجبتني واغصب نفسي عالزواج عشان ارتاح من اهلي ولا اقعد عندهم أعاني من مشاكلهم فكل الحالات الموضوعين قاعدين ياخذون من صحتي ونفسيتي.

#فضفضه عندي اخ اصغر مني بعد مانقلنا من المدينه إلي ساكنين فيها لمدينه اخرى تغير بسبب بعض اصدقائه وصار مثلهم بدينا نلاحظ نعومه ومياعه في الكلام نفس طريقة اصدقائه الجدد وقلنا بعد فتره بيتعدل بس بتمر اربع سنين وحالة جالس يزيد صار يتناقش في الدين ويعطينا فتاوي من شيوخ ما يأخذ منهم علم وينتقي الفتوى إلي تعجبه ومهما حاولنا فيه انه يعدل طريقته في الكلام او حتى افكاره ماقدرنا وهو مُصر انه صح واننا غلط والموضوع مو بس اننا احنا اهله ملاحظينه حتى اقاربنا بدو يلاحظون ويكلمون ابوي بس محد عارف كيف يتعامل مع حالته بالذات انه في سن مراهقه وافكاره غريبه وماخذ افكار الغرب بشكل كبير وليتها اشياء زينه حتى صار ما يبغا يقابل اقاربنا كلهم وفيه حركات غريبه ماكانت موجوده من قبل وكلها ظهرت بعد ماصادق الشله الغريبه ذي ورافض رفض تام انه يتركهم وغير افكاره للحياه الورديه عند الغرب بشكل كبير وتفكيره انه يبغا يهرب بشكل مستمر وأفكار لاتمت للواقع بصله وصار عدائي ضد ابوي ويحس انه يكرهه وافكار مشوهه وابوي ماعمره حتى رفع صوته عليه من كثر ما هو يحبه إللي عنده حل او طريقه يفيدنا لأننا عجزنا فيه وبتابع كل تعليق على الفضفضه واتمنى تاخذون الموضوع بجديه لأنه شي حقيقي وندور حل حاسم له.

#فضفضه لي حدود 5 شهور احس بتعب واعراض غريبه اول ماجاني الالم مسكني في رقبتي من ورا بعدين نزل لجوانبي والألم زي الشد سويت تحاليل واشعه وقالوا مافيك شي بس الالم مستمر يفكني ايام ويرجع لي وانا شايله الغده الدرقيه كامله وشيكت عليها مافي شيء وش ممكن تكونه منه المشكلة ؟

#فضفضه امانه اساليهم هل فيه احد مع إستخدام حبوب مارفيلون صارت عظام صدره توجعه ؟

#فضفضه تقدم لي واحد يقربلنا من بعيد سألنا عنه يقولون كويس وابوي يعرف ابوه لكن اخوانه وعايلتهم مشاكل يعني يتضاربون ضرب اخوانه وزوجاتهم ومدري مين، محتاره هل ممكن الولد غير عنهم أو نفس طبعهم ؟

#فضفضه علاقتي مع خطيبتي سنتين الا شوي وخطبتها من اهلها وخلاص زواجنا بيكون بعد 3 شهور وفركشت الخطوبه لأنها كررت اسم رجال 5 مرات وانا اتكلم معها اسمه مو من اهلها وتكرره في عز سوالفنا واقولها من هالشخص وتعطيني اعذار سخيفه وكل مره عذر مختلف وانهيت العلاقه هل قراري سليم ؟

#فضفضه انا اعتني بنفسي بس اقل من عاديه كانت امنيتي اتزوج شخص وظيفته زينه او غني او شخص كويس بيسفرني وكذا اشياء بأختصار بس اذا شفت البنات بالجامعه اقول مره كثيرين وحلوين ومهتمين يعني ماراح يتركونهم اللي كذا ويجوني خصوصا الزواج تقليدي أحتاج رأيكم 😞

#فضفضه عمري 27 كنت مرتاح البال وناجح بشغلي وحياتي مستقره مادياً ونفسياً متزوج قبل اربع شهور، اعترف اني ضعيف شخصية من اول يوم الى اليوم حياتي باهته والي اخذتها العكس تماماً تشك بكل شي وتطلب انظف البيت ولاتشتري الا اغلى شي واذا سافرنا تشغل كل مكيفات البيت بحجة اذا رجعنا يكون البيت بارد مافيه ود ومحبه الفتور بعلاقتنا من اول يوم للأسف تكبدت خساير عشان زواجي على امل اكمل ديني واعصم نفسي دفعت تحويشة عمري على السياره والبيت والمهر والذهب صار عندي شعور ان زواجي نكد حياتي شكلياً صار عندي زوجه وبيت وسياره بعضها بالديون الآن اعيش بحالة ضيق و قلق هل الفراق هو الحل احتاج رأيكم.

#فضفضه شعور اني ابي أتطلق وامي وزوجي رافضين رغم انها ملكه أنا معاد ابيه وهو مايفهم ولايعطيني مجال اكلمه مبلكني وامي رافضه وانا عندي نوبات هلع وكل ماشفته اتعب اكثر مدري وش اسوي ابي أتطلق منه مو قادره وجهوني تكفون.

#فضفضه ياناس وش تسوون اذا عندكم اخت عاقه مرا ونرجسيه مع امكم وتكسر بخاطرها كل يوم، بعطيكم مثال، زواجها بعد كم يوم وامي شرت لها فستان لزواجها باختيار اختي واليوم تهاوشت معها قالت "ذي اعفن هديه وصلتني بحياتي والله يقرفك عليها " ويوم بكت امي قالت لها عيشي دور المظلومه! وقسم بالله انها حرقت قلبي قبل تحرق قلب امي والمشكله امي تزعل اذا ردينا عليها وهاوشناها وقت ما ما تتهاوش معها بس ياخي ابا اسلوب او حل نسويه معها بيحث ماتتعرض وتتمادى كل يوم. بليز لحد يدعي عليها لان نبيها تتزوج على خير ونفتك منها.

#فضفضه أنا رجل متزوج ثنتين عمري ٢٧ وراتبي زين فوق ال ٢٠ ماعندي اقساط ولا ديون وعندي عماره وخصصت دورين منها لكل زوجه وافكر اتزوج الثالثه لكن شايل هم المصاريف كل وحده تبي هدايا وتبي شغاله ب ١٥٠٠ شهري وافكر ابيع ارض عشان اتزوج الثالثه وأوسع على نفسي وش تشورون علي ؟

#فضفضه تم عقد قراني اليوم وشفت صورة زوجتي في ابشر وبصراحه ماعجبتني أبداً هل الصوره في ابشر تختلف عن الواقع او لا أتمنى الكل يجاوب بصراحه لاني في حيررره.

#فضفضه عمري ٢٦ سنة وبكل مره يجي احد يخطبني ارفض او مايصير نصيب والرفض اللي يجي مني هو ان عندي ندبتين بصدري اثر عملية جراحية ومتخوفه من هالشي ايش اسوي ومابي هالشي يكون عائق لي بالمستقبل وماعاد صار عندي ثقه من هالموضوع هل الشي فعلًا ياثر مستقبلاً ؟ لو حصل نصيب بعدين وشافها ممكن بيحصل شي ؟

#فضفضه ودي انفصل عن زوجتي وارغب اخذ اولادي الخمسه اكبرهم 20 واصغرهم 5 سنوات واخاف بعد الانفصال تاخذهم واكون ملزوم اصرف عليها معهم سكن واعاشه انا ابي طريقه انها تتركنا انا واولادي وتروح لاهلها كيف الطريقه تكفون ؟