Final Words

پاکستان میں سیاسی بیانیہ X کیوں بناتا ہے، حالانکہ فیس بک اور ٹک ٹاک کے صارفین اس سے آٹھ گنا زیادہ ہیں؟ حالیہ Pew Research کے اعداد و شمار کے مطابق تقریباً ایک کروڑ پاکستانی X استعمال کرتے ہیں، جبکہ ٹک ٹاک اور فیس بک کے صارفین کی تعداد تقریباً آٹھ آٹھ کروڑ، سنیپ چیٹ کے چار کروڑ تیس لاکھ اور انسٹاگرام کے دو کروڑ ستر لاکھ بنتی ہے سوال یہ ہے کہ اتنے بڑے فرق کے باوجود پاکستان میں سیاسی بیانیے کی جنگ کا سب سے اہم میدان X کیوں ہے؟ DGISPR کی پریس کانفرنسوں میں بار بار یوٹیوبرز اور X پر موجود اکاؤنٹس کو ہی کیوں نشانہ بنایا جاتا ہے؟ پاکستان میں سیاسی بیانیے کو کنٹرول کرنے کی کوششوں کے دوران X پر پابندی لگانے کی ضرورت کیوں محسوس ہوئی؟ اس کی ایک بڑی وجہ یہ ہے کہ سوشل میڈیا پر صارفین کی تعداد اور سیاسی بیانیہ بنانے کی طاقت دو بالکل مختلف چیزیں ہیں X پر موجود پاکستانی صارفین کا ایک اہم حصہ وہ طبقہ ہے جو سیاست میں گہری دلچسپی رکھتا ہے، وہ صرف خبریں نہیں پڑھتا بلکہ مختلف سیاسی شخصیات، صحافیوں اور تجزیہ کاروں ک موقف کا موازنہ کرتا ہے، سوال اٹھاتا ہے، بحث کرتا ہے اور پھر اپنی سیاسی رائے قائم کرتا ہے یہ وہ طبقہ ہے جس کا ایک بڑا حصہ کبھی جیو نیوز ARY نیوز اور دنیا نیوز جیسے بڑے چینلز سے خبریں حاصل کرتا تھا، ٹیلی ویژن پر بیٹھے اینکرز اور تجزیہ کار اس کی سیاسی سوچ پر اثرانداز ہوتے تھے، لیکن اب اس طبقے کے لیے X ایک اہم متبادل ذریعہ بن چکا ہے بڑے یوٹیوبرز، ٹی وی چینلز اور سیاسی تجزیہ کاروں کے اپنے ذرائع اور زمین پر موجود صحافی ضرور ہوتے ہیں، لیکن بہت سی ایسی خبریں اور معلومات بھی X پر سامنے آتی ہیں جن تک روایتی میڈیا کی براہِ راست رسائی نہیں ہوتی، یوں X صرف خبر پہنچانے کا ذریعہ نہیں بلکہ خبروں کی تلاش، ان کی جانچ پڑتال اور سیاسی مباحثے کا ایک اہم مرکز بن چکا ہے تاہم اس کا مطلب یہ ہرگز نہیں کہ فیس بک کی سیاسی اہمیت کم ہو گئی ہے پاکستان میں یونین کونسل، گاؤں، محلے، تحصیل اور ضلعی سطح پر فیس بک آج بھی مقامی سیاست کا ایک انتہائی طاقتور پلیٹ فارم ہے۔ مقامی فیس بک پیجز اپنے علاقوں کی سیاست، شخصیات، مسائل اور واقعات کو عوام تک پہنچاتے ہیں، کئی علاقوں میں یہیں پیجز مقامی سیاسی رائے بنانے میں بنیادی کردار ادا کرتے ہیں لیکن جیسے ہی کوئی مقامی خبر قومی اہمیت اختیار کرتی ہے، وہ X پر پہنچ کر ملک گیر بحث کا حصہ بن سکتی ہے وہاں صحافی، سیاسی رہنما اور بڑے اکاؤنٹس اسے اٹھاتے ہیں اور پھر وہی خبر قومی سطح پر سیاسی بیانیے کا حصہ بن جاتی ہے اس پوری جنگ کا ایک اور انتہائی اہم پہلو مختصر ویڈیو کلپس ہیں آج سیاسی بیانیہ صرف لمبی تقریروں، ٹاک شوز یا اخباری کالموں سے نہیں بنتا، کبھی تیس سیکنڈ کا ایک کلپ گھنٹوں کی پریس کانفرنس پر بھاری پڑ جاتا ہے، اور اس کلپ کی اہمیت صرف اس میں کہے گئے الفاظ سے نہیں بلکہ یہ بھی طے ہوتی ہے کہ وہ الفاظ کہنے والا کون ہے مثلاً شہباز گل، عمران ریاض خان یا معید پیرزادہ کی کسی بات کو ان کے سامعین ایک عام نامعلوم شخص کے بیان کے مقابلے میں زیادہ توجہ سے سنتے ہیں، ان شخصیات کی پہچان، ساکھ اور ان کے ساتھ جڑے لوگ ان کے پیغام کو مزید طاقت دیتے ہیں یہاں ٹک ٹاک اور فیس بک کا کردار انتہائی اہم ہو جاتا ہے، X پر شروع ہونے والی بحث جب کسی معروف شخصیت کے مختصر ویڈیو کلپ کی شکل میں ان پلیٹ فارمز تک پہنچتی ہے تو اس کی رسائی کئی گنا بڑھ سکتی ہے یوں X سیاسی بیانیہ بنانے اور اسے سمت دینے کا ایک اہم میدان ہے، جبکہ فیس بک، ٹک ٹاک اور یوٹیوب اس بیانیے کو وسیع عوامی حلقوں تک پہنچانے میں اہم کردار ادا کرتے ہیں یہی وجہ ہے کہ پاکستان میں سیاسی طاقت کے مراکز کے لیے X کی اہمیت اس کے صارفین کی تعداد سے کہیں زیادہ ہے، یہاں کسی خبر کو دبانا، کسی بیانیے کو مسلط کرنا یا کسی سیاسی شخصیت کے خلاف یک طرفہ مہم چلانا اس لیے مشکل ہو سکتا ہے کہ اس کا جواب فوری طور پر سامنے آ جاتا ہے ماضی میں ایک ٹی وی چینل پر بیٹھا اینکر لاکھوں لوگوں تک اپنی بات پہنچا سکتا تھا جبکہ اس کی بات کو چیلنج کرنے والے کے پاس اتنا بڑا پلیٹ فارم نہیں ہوتا تھا، آج ایک عام X صارف بھی کسی بڑے اینکر، وزیر یا طاقتور عہدیدار کے بیان کو ثبوت اور دلیل کے ساتھ چیلنج کر سکتا ہے، اور اگر اس کی بات میں وزن ہو تو وہ لاکھوں لوگوں تک پہنچ سکتی ہے پاکستان میں سیاسی بیانیے کی جنگ اب صرف اس بات کی نہیں رہی کہ کس کے پاس کتنے بڑے چینلز ہیں، بلکہ اس بات کی بھی ہے کہ کس کی بات پر لوگ اعتبار کرتے ہیں، کون سوال اٹھاتا ہے اور کون عوام کو اپنی بات کا قائل کر سکتا ہے

علیم ڈار کرکٹ ایمپائر نگ سے ریٹائر ہونے کے بعد شاہد آفریدی یا وہاب ریاض کی طرح اشرافیہ کو سلام کر کے اپنی زندگی شاہانہ گزار سکتے تھے اور اپنی چیئرٹی کے لیے لمبے لمبے چیک بھی لے سکتے تھے لیکن علیم ڈار نے پاکستانیوں کی خدمت کرنا زیادہ مقدم سمجھا علیم ڈار کی کاز کا حصہ بنیں