#Quasquara ⁉️ 𝗔 𝗰𝗿𝗼𝗰𝗲 𝘂̀𝗻 𝘀𝗶 𝘁𝗼𝗰𝗰𝗮 ! Una volta di più, a Corsica si vede impone decisioni chì vanu à l’incontru di a so identità, di a so storia è di e so tradizioni. A sentenza resa stu venneri, chì impone di caccià una croce cristiana piazzata à l’entrata di u paese di Quasquara, hè u simbulu d’una scunessione prufonda trà certi tribunali è a realità di a nostra sucetà isulana. Sta croce, messa quì in u 2022, ùn hè micca un’attitudine di pruvucazione, ma a spressione d’un patrimoniu materiale, culturale è spirituale ch’hà fattu è face parte di u prufondu di l’anima corsa di sempre. Hè ora ch’ella finisca : mai stu populu ùn si lascerà spatrunà di a so memoria sacra è di i simbuli di a nostra fede è di e radiche di a nostra cultura ! Detta è capita quessa, u PNC torna à ricusà e decisione di certe tribunalate chì volenu nigà ciò ch’è no simu. Cù tutta a nostra forza è per ciò ch’è no purtemu, Purghjimu u nostru sustegnu à a municipalità di Quasquara è à l’eletti.