حسـن.

أخوي يشتغل بالتداول و مسوي حساب نسخ لقيت مصدر دخل ثاني، قربت خطوة للتقاعد المبكّر

اتوقع وزارة التربية مزهبه لنا مفاجأة بعطلة الشتا، مستحيل تكون عطلة طبيعية

مافي شخص يغث أكثر من زميلك اللي يسوي نفسه طيب بس يدوّر مشاكل

يا دراما مسوي حساب عام بتويتر و لما ينتشر شي كاتبه تقول تكفون لحد يتفاعل معاي في شي اسمه برايفت يا ملك الـ low IQ

ودي أعرف شعور الإداري لما يشوفنا نعتبر وظيفته النهاية السيئة للخريجين

"أستاذ شنو سيارتك؟" و أقعد أقول له عن كل شي بحياتي غير سيارتي عشان ما يعرفها و يفشش توايري

طالب يبي يطلع من الصف يشرب ماي و انا أمنعه لأني أدري يبي يضيّع وقت قالي أستاذ تكفى بروح أشرب ماي تبيني أموت يعني؟؟ قلتله عادي ما أحس أحد بيتأثر أهو ضحك بس انا حاس بالذنب شكلي بعوضه ببطول ماي، بعدين شسالفة طلابي و ربطهم بين الماي و الموت؟

من إبداعات طالب و انا أشرح أشوه انه شاطر

ياخي...

من يتم التقليل منك لازم تتخذ قرار التخطي، ما تهون العشرة إلا على الواطي

"هذا شفيه لابس شورت؟!" انا: و المشكلة وردي بعد "... اي والله" جان أستوعب ان اللي قاعد أكلمه لابس وردي، انا ليش تحمست و تسرعت جذي

اكتشفت ان الإنسان ما يكبر إلا بالجامعة، بعد ما يتخرج يرد مخه نفس الثانوي

اذا شفت واحد يسأل سؤال فلسفي بتويتر لا تنخدع بالمشاركة، بالنهاية اللي راح يقنعه هبد دواوين أغلب اللي يتطرّقون لهالمواضيع بهالتطبيق حافظين مش فاهمين، المثقّف مو من طبعه يعلن عن ثقافته بطريقة الـ show

ظل نفس ما انت و بتشوف نفس الشخص يحبك و يكرهك و يقولك تغيرت و يقطع عنك

تقول السر حق شخص تثق فيه، بعدين يقوله حق شخص يثق فيه، و هذاك يقوله حق شخص يثق فيه، آخر واحد يقولك لأنه يثق فيك دائرة الحياة

كل ما انخذلت أكثر كل ما زادت مناعتك

شاف درجاته تبن قالي أستاذ نسفتك قوية عطيتك درجة بس ما راح تشفع لك

أكثر شي يحسسني بالعار ان و انا صغير كنت أدش منتديات ناس يختلفون عني بالمعتقدات و أسبهم يعني جذي ساهمت بنشر الإيمان

اذا بتصير شخصية مهمة مستقبلًا لازم تمسح حسابك بتويتر، مو معقولة شخص مهم بنشوفه بالماضي كان يدافع عن قهوة الممية

الطلاب شفيهم؟ احنا مو تعودنا ان كل ما يتغير الجو او يطق مطر لازم اليوم اللي بعده يغيبون حتى لو ماكو شي؟ ليش يداومون بكامل أعدادهم؟ عيالكم قاعدين يتمرّدون عالعادات والتقاليد