በርግጥ #ኢትዮጵያ፣ "#መከላከያሠራዊት" አላት… ? ቀድሞ #ብአዴን አባል፣ የሰሉ ሀገራዊና ቀጠናዊ የፖለቲካ ትንታኔዎችና ውስጣዊ መረጃዎችን በማውጣት የሚታወቀው ብእረኛ #ሙሉአለም ገ/መድህን በፌስ ቡክ ገጹ የከተበው እንደሚከተለው ይነበባል ። በ #ህወሃት/ኢህአዴግ ዘመን ከነበረው መከላከያስራዊት ውስጥ የነበረው የህወሃት የበላይነት የከፋና የከረፋ የ #ኦህዴድ ብልጽግና የበላይነትና ዘረፋ ሁኔታ አለ ማለት ይቻላል። በርካታዎቹ መረጃዎች የተረጋገጡ፣ ሀቅነት ያላቸው፣ ከዚህ ቀደም ከልዩ ልዩ የመረጃ ምንጮች በመጡ መረጃዎች ማስመሳከር እና ማረጋገጥም ይቻላል ። በርግጥ ኢትዮጵያ፣ "#መከላከያ ሠራዊት" አላት… ? ➽ በቅድሚያ "መከላከያ ሠራዊት" የሚለው ሥያሜ፣ በአዋጅ እና በሥርዓት አገርን ከውጭ ወረራ የሚከላከል፣ የሐገረ መንግሥቱ ዘብ በሚል የትርጉም ማዕቀፍ ውስጥ ሊቀመጥ ይችላል። በኢትዮጵያ፣ አኹን በተጨባጭ እየታየ ያለው ግን የጦር ወንጀል መገለጫዎችን በተላበሰ ኹኔታ፥ የአገር ውስጥ ጦርነትን በሙሉ አቅሙ በመሳተፍ ላይ ነው። እናም "መከላከያ" የሚለውን ሥያሜ መጠቀም ፍትሐዊ አይደለም። ይህ ተቋማዊ እሴቱን ቀርጥፎ እንዲበላ የተደረገ ኃይል፣ ከጠራነው "የዐቢይ አሕመድ ሠራዊት" በሚል ነው። *** ኢትዮጵያ በተግባር መከላከያ የሌላት ሀገር ብትሆንም አገዛዙ በዛሬው ዕለት "የመከላከያ ቀን" በሚል ሲያከብር ውሏል፡፡ የብልጽግናው ኢታማዡር በኤርትራ ላይ ግልጽ የጦርነት ዛቻ ሲያሰማ፤ ሕወሓትን ደግሞ አምስተኛ ዕድል አንሰጠውም ሲል ተደምጧል። የእኛ ጥያቄ፦ አራት ጊዜ ያህል ዕድሉ በእጃችሁ እያለ ለምን አላጠፋችሁትም…? የሚል ነው። መልሱ ግልፅ ነው። ሰሜን ኢትዮጵያን አልፎም ሰሜኑን የአፍሪካ ቀንድ ቀጣና ከሸዋ እስከ ምፅዋ እያፈራረቁ ለማውደም፣ በወረራ ለማስገበር በመታሰቡ ነው ለሕወሓት ተደጋጋሚ ዕድል የተሰጠው!! በዐቢይ አሕመድ ሰይጣናዊ ስሌት፣ አማራ እና ኤርትራን ለመምታት ዕድሜ የተቀጠለለት ሕወሓት በመጨረሻም ለሁለት ተሰንጥቆ አደጋ ሲያመጣበት፣ "ለ5ኛ ጊዜ ዕድል አንሰጠውም" የሚል ትርክት መጣ። የሆነው ሆኖ፣ አገዛዙ የፓርቲውን ሥልጣን ለማስጠበቅ፣ የጦር ወንጀል መሳሪያ ያደረገውን ኃይል፣ "የመከላከያ ቀን" ሲል በሰየመለት በዛሬው ቀን ለተራዛሚ አልፎም ድንበር ተሻጋሪ ጦርነት ሲቀሰቅስ ውሏል። በቅድሚያ ይህ ሠራዊት አገራዊ ቁመናና ተልዕኮ አለውን ? የሚል ጥያቄ እናንሳ… ጥያቄችንንም በወታደራዊ የአመራር ሹመት እና ስምሪት መረጃዎች አስደግፈን እንመልሳለን። ዐቢይ አሕመድ ወደሥልጣን ከመጣ ጀምሮ ባለፉት ስምንት ዓመታት ሦስት ጊዜ ወታደራዊ ሹመት ሰጥቷል፡፡ ❶. የመጀመሪያው ጥር 9/2012 ላይ ሲሆን፤ በወቅቱ ለ65 ጀኔራሎች መኮንኖች ሹመት ሲሰጥ፤ ከእነዚህ ውስጥ 6ቱ ሌተናል ጀኔራል፤ 19 ሜጀር ጀኔራል፤ 40 ብርጋዴየር ጀኔራሎች ወታደራዊ ማዕረግ ሰጥቷል፡፡ ❷. ከሕወሓት ጋር በነበረው ጦርነት መካከል ታኀሳስ 2014 ዓ.ም. ላይ ለ100 ጀኔራሎች ወታደራዊ ማዕረግ የሰጠበት አነጋጋሪ ሹመት ነበር፡፡ በዚህ ወቅት ኢታማዡር ሹሙ ብርሃኑ ጁላ፣ የፊልድ ማርሻል ማዕረግ ያገኘበት እንደነበር ይታወሳል፡፡ በታኀሳስ 2014 በተሰጠው ሹመት እነ ጀኔራል አበባውን ጨምሮ፦ 4 ባለሙሉ ጀኔራል፣ 14 ሌተናል ጀኔራል፣ 24 ሜጀር ጀኔራል፣ 58 የብርጋዴየር ጀኔራል ማዕረግ መስጠቱ ይታወሳል፡፡ እዚህኛው ሹመት ላይ 65% ከመቶ ለአንድ ብሔር ወታደራዊ ማዕረግ የተሰጠበት ጊዜ ነበር። ❸.ኛው ዙር ሹመት ደግሞ መስከረም 10/2018 የተሰጠው ወታደራዊ ሹመት ሲሆን፤ አብላጫው ድርሻ ኦህዴድ የወጣበት ብሔር የሸፈነው ነበር። በዚህ ወቅት፣ ለከፍተኛ የጦር መኮንኖች በተሰጠው ወታደራዊ ማዕረግ በሹመቱ፡- ባለሙሉ ጀኔራል 4 ተሿሚዎች፤ በሌተናል ጀኔራል 2 ተሿሚዎች፤ በሜጀር ጀኔራል 17 ተሿሚዎች፤ በብርጋዴየር ጀኔራል 43 ተሿሚዎች፤ በድምሩ ለ66 ከፍተኛ የጦር መኮንኖች ሹመት ሰጥቷል፡፡ ከእነዚህ ውስጥ 50 ከመቶው የኦሮሞ ተወላጆች ናቸው፡፡ ባለ አራት ኮከብ ባለ ሙሉ ጀኔራል ማዕረግ የተሰጣቸው፡- ጀኔራል አለምሸት ደግፌ፣ ጄኔራል ድሪባ መኮንን፣ ጄኔራል ደስታ አብቼ፣ ጄኔራል ይመር መኮንን ናቸው፡፡ ከእነዚህ አራት ተሿሚዎች ውስጥ ሁለቱ የአሮሞ ተወላጆች ናቸው፡፡ በአሁኑ ሰዓትም ሠራዊቱ በአመዛኙ በኦሮሞ ወታደራዊ መኮንኖች በመመራት ላይ ይገኛል፡፡ አየር ኃይሉ ካሉት አምስት ምክትል አዛዦች ውስጥ አራቱ የይልማ መርዳሳ ቋንቋ ተጋሪዎች ናቸው። በሠራዊቱ ጠቅላይ መምሪያ ውስጥ፦ በመምሪያ እና በዕዝ ደረጃ አመራር ብንቆጥር በርካታ ከፍተኛ ወታደራዊ የሥልጣን እርከኖች በዚህ ቡድን ቁጥጥር ስር የወደቁ ናቸው። በጥቅሉ፣ "የመከላከያ ሠራዊቱ" በአመራር ስብጥሩም ሆነ በተልዕኮው ለአንድ ጠባብ የብሔር አጀንዳ ማስፈፀሚያነት ተጠልፎ፣ የጦርነት ፖሊሲ ማስፈጸሚያ ሆኗል፡፡ ጦሩ "የሀገር መከላከያ ሠራዊት" ተደርጎ ሊቆጠር አይችልም። በአጠቃላይ ግምገማ ሠራዊቱ --ከጦርነት ወደሌላ ጦርነት በመሸጋገሩ ከፍተኛ መሰላቸት እያሳየ ነው፤ --የከፍተኛ መኮንኖች ስብሰባ ላይ የሚታዩ ከባድ ግምገማዎች በአመራሩ ዘንድ አለመተማመንን አሳድጓል፤ --በአማራና የደቡብ ተወላጅ በሆኑ ከፍተኛ መኮንኖች ዘንድ ቅሬታዎች አሉ፤ የሥልጣን ተረኝነት ስሜቱ በመከላከያ ሠራዊቱ ዘንድ የፈጠረው ቅሬታ በጦሩ አንድነት ላይ አደጋ ደቅኗል፤ --የኦሮሞ ተወላጅ በሆኑ ጀኔራሎች ዘንድ በአማራ ሕዝብ ላይ የሚያሳዩት ንቀት እያደገ መሄዱ በሠራዊቱ ውስጥ በአማራ ተወላጆች ላይ ቅሬታዎች እያደጉ መጥቷል፤ በሌላ በኩል፡- --በሰራዊቱ ውስጥ በየክፍሉ የኦሮሞ ተወላጅ የሆኑ ኃይሎችን የማብዛት ስራ እየተሰራ ነው፤ የ Elite Forces ግንባታው ኦሮሞ ላይ ትኩረት ያደረገ ሆኖ ይታያል፤ የመረጃ ሰዎችን ቁጥር የማሳደግ ሥራው ዘርን መሰረት ባደረገ መልኩ በስትራቴጂ እየተሰራበት ነው፤ የመከላከያ ጀኔራሎች በሕዝብ አስተዳደርና ፖለቲካዊ ጉዳዮች ላይ እጃቸውን እንዲያስገቡ በመደረግ ላይ ነው (ይህ ልምምድ አገሪቱን ወደለየለት ወታደራዊ አገዛዝ የመምራት ዝንባሌ ተደርጎ ይታያል) በሌላ በኩል፣ የዐቢይ አሕመድ ጀኔራሎች በከፍተኛ ዘረፋ ላይ ተጠምደው ይታያሉ። በጠረፍ አካባቢ ኮንትሮባንዲስት፤ በመሀል አገር ደግሞ ደላላ ሆነዋል፡፡ **እነዚህ ጀኔራሎች ዘይት፣ የመኪና መለዋወጫዎች፣ መድሐኒቶች፣ ብረትና ሌሎችንም ቁሳቁሶች በከፍተኛ ደረጃ ወደ አገር ውስጥ አስገቢዎች ሆነዋል፡፡ **ሌሎች ነጋዴዎች በተለይ ባሁኑ ጊዜ ንብረታቸውን የሚጭንላቸው መርከብ ማግኝት በተቸገሩበት ወቅት፣ የኢትዮጵያ የመርከብ ድርጅት ቅድሚያ እየሰጠ ያለው ለዐቢይ አሕመድ የግል ጀኔራሎች እና ከ'ነዚህ ጀኔራሎች ጀርባ ላሉ ነጋዴዎች ሆኗል። **በዐቢይ ይሁንታ ልቅ የሆነ የዘረፋ መብት ያገኙት የብልጽግና መለዩ ለባሽ ጀኔራሎች የጠረፍ ኮንትሮባንዲስትና የመሀል አገር ደላላ ሆነው ዘረፋ ላይ ተሰማርተዋል፡፡ **የወቅቱ ሁኔታ በዶላር ንግድ ላይ እንዲሰማሩ ተጨማሪ የቢዝነስ ዕድል ፈጥሮላቸዋል፡፡ **በመሬት ድለላ፣ ነዳጅ አከፋፋይና የፔትሮሊየም ኩባንያ ባለቤትነት፣ ማዕድን፣ ወደደቡብ ሱዳንና ሱዳን የሚወጣ ድንበር ተሻጋሪ መሳርያ ንግድ፣ ወደኬንያ እና ሶማሊያ የሚሻገር የኮንትሮባንድ ነዳጅ፣ አራጣ ብድር፣ የፖሊሲ ባንኮችን ደውሎ ብድር ማዘዝ፣ ዶላር ልቅ በሆነ ሁኔታ ከብሔራዊ ባንክ መውሰድ፣ ትልልቅ ባለሃብቶች ጋር ከፍተኛ ቢዝነስ መስራት የወቅቱ የብልጽግና ጀኔራሎች የዘረፋ መስኮች ናቸው፡፡ **እነዚህ ሁሉ የዘረፋ ዕድሎች የተፈጠሩት ዐቢይ አሕመድ የጦርነት ፖሊሲውን እንዲያስፈጽም ታዛዥ እንዲሆኑት በጥቅም ለመያዝ ያሰበ በመሆኑ ነው፡፡ እናሳ ይህን ኃይል በምን መመዘኛ የኢትዮጵያ መከላከያ ሠራዊት ብሎ መጥራት ይቻላል? ቀደም ሲል "የኢትዮጵያ መከላከያ ሠራዊት" ይባል የነበረው ተቋም ዛሬ ከፍ ሲል የኦሕዴድ-ብልጽግና ወታደራዊ ክንፍ፤ ዝቅ ሲል የዐቢይ አሕመድ የግል ዙፋን ጠባቂ ሆኗል። የሰራዊቱ ወገንተኝነት በህወሓት/ኢሕአዴግ ጊዜም ነበር። ሆኖም የብልጽግናው ዘመን በአውዳሚ የአገር ውስጥ ጦርነት ራሱን የሚበላ ሰራዊት መሆኑ የተለየ ያደርገዋል። ብልጽግና በሚዲያ ፕሮፖጋንዳው "እየተገነባ ነው" የሚልለት ሰራዊቱ፣ በውስጡ የዘር ፖለቲካ ገብቶ አንድነቱን አጥቶ በቋፍ ላይ የሚገኝ ነው። አሁናዊ ሁኔታዎቹን በአራት ነጥቦች ማየት ይቻላል፡- አንደኛ፡- ከሰራዊቱ እየከዳ የሚኮበልለው ቁጥሩ እጅግ ጨምሯል፤ ሁለተኛ፡- ሰራዊቱ የሚዋጋለት ዓላማ የለውም፤ በከፍተኛ ሁኔታ ተሰላችቷል፤ ሦስተኛ፡- ከሕዝብ ተነጥሏል፤ አራተኛ፡- እግረኛ ተዋጊውን ለመደገፍ ኮማንዶ፣ ሪፐብሊካን ጋርድ፣ የባሕር ኃይል፣ ... ወደ ውጊያ ያልተጣደ ኃይል የለም። በዚህ ሁሉ ወታደራዊ ስምሪት ውስጥ ግን ጠብ ያለ ውጤት የለም። ዛሬም ውጊያዎች እንደቀጠሉ ነው። እንደወታደራዊ ጉዳይ ትንታኞች ድምዳሜ👇 "ይህ የአንድ ፓርቲና ግለሰብ ወንበር ጠባቂ የሆነ ሰራዊት በአገር ውስጥ ውጊያ ተጠምዶ ወሳኝ አቅሞቹን በማጣቱ ኢትዮጵያን መከላከያ የሌላት አገር አደርጓታል፡፡" እነ ብርሃኑ ጁላ፣ "ሰራዊታችን የቀጠናው ተጽዕኖ ፈጣሪ ኃይል ሆኗል" የሚሉን በተላላኪነት ከሆነ ትክክል ናቸው። ሠራዊቱ በአመራር ስምሪትም ሆነ በተልዕኮው ባለቤትነቱ የኢትዮጵያ ሳይሆን የኦሕዴድ እና የ UAE ነው❗️