شعاع

المدح فيـه الزين جل و تراحيب والذم بالممدوح غيره وتشويش الهون هيّن نرخصَه بالمواجيب عليك بلي يشوّش الراس ويشيش #بن_شعلان هاني بن احمد الشعلان

صديت عني تقول ظروف و أعذرك واقـول تستاهل كل مره أسكت و أقول يطوف اخـاف اشـرَه ومـاجـامِل لك مني الحب و المعروف وانته على الحب مو عادل وقتي رمانِي ياليت تروف واللـي بـذرتـه بـلا طـايـل #بن_شعلان هاني بن احمد الشعلان

إبنِي الحياةَ كأنمَا ستدُومُ فيها و تبقى دائماً أبديَّا .. و أرغَبْ بدينِك و أقتدِي بفعُولِه والزَمْهُ تبقَى بالمكارِمْ حيَّا .. واعمَل لضعفِك في شبابِك واجتهد فالعُمرُ يُنهَى في ثيابِ منيَّة .. الموت يأتِي فجأةً ف أعملْ لهُ.. هذا الختامُ لعمرنَا مقضيَّا أقدارُنا بيد الإله جميعها .. كُتبَت و نحنُ بها نسيرُ سويَّا المالُ والرزقُ الكريمِ كقسمةٍ من ربنا خير الحياةِ الدُنيا اللهُ يعطِي كلّ خيرٍ دائمٍ وبحمدِ ربِّي في نعيم نحيى #بن_شعلان هاني بن أحمد الشعلان صوت : محمد العيد انشاد و تصميم : عمر ال جويبر

ياطير وش حدّك على مثله تطيح وتحط نفسك بين نابه و سمّه اعطاك ربي ريش واعطاك تلويح وش نزلك ياطير من فوق قمّه ضاقت على امثالك دروبٍ مفاسيح و الداب وسّع لك مفاتيح ثمّه مايستريح اللي وسط بطنه الريح مثل الذي دوم القراده بدمّه لولا السعي مابه طيورٍ مجاريح ولولا القهر مابلل الدمع كمّه دنيا تدور وخذ من العلم تصحيح اللي ردي ماتنفعه دعوة امه اقنع بمقسومك و بالسر لا تبيح احدٍ رغيد العيش وحدن بهمَّه #بن_شعلان هاني بن احمد الشعلان

كن مستعدآ

جعل كل عينٍ تحبك غير عيني للعما وجعل كل طيفٍ يزورك غير طيفي للعدم كنّ روحي يوم شفتك طايره وسط السما تفرح لشوفك و بسمات الشفايف ترتسم #بن_شعلان هاني بن احمد الشعلان

أتذكرك وتسيح دمعة من العين ماودي تبيّن و بالخد طاحت زرعت لكن يخلف الله ويعين ثري من الذكرى على ايام راحت #بن_شعلان هاني بن احمد الشعلان

استحالة معرفَة نيَة رِجَـال حتى لو بين من افعاله هدفها كل شي ينشاف مو لازم يقال احفظ لعينك كرامتها وشرَفها في الحياه اربع بميزانك ثقال ومن لقى الدبره عليها يغتنمْهَـا الصديق / الجار / و المال الحلال و الضيوف اللي طواري الخير معها جمَّل فعولك مع عمٍ و خال الله الله بالقَرَابَه / اكتسبها مايطيب العيش لك في كل حال ليله تزين و تشين اللي بعَدهَا انت مشّ الحال و بأمر الجلال تنفرج من حيث مالم تحتسبَها #بن_شعلان هاني بن احمد الشعلان

عسفت لي مهرة طويل رسَنها طوعتها تسبق على كل ميدان يومْ المحت غيري انا شمت عنها هذي عوايدنا وانا ابن شعلان #بن_شعلان هاني بن احمد الشعلان

صدر لا ضاق وبدا ظنك يخيب بالجيب دق السلف ، للبيد عنوه تسجّ وسط البيد في وقت المغيب ينسـاح بالك مـع قـدوعٍ و قهـوه اتغانم الفرصه قبل وقت المشيب اليـا تـردّا العمـر مـافيـه نخـوه خل العذول ليوم ضعفك مايصيب و مـد يـدينـك لـربّـك بـدعـوه رزقك على الله هو عطاك وهو يجيب اللـي تبـغـاه ذو الـمـنّ و قـوّه خل امعروفك واضح وساسك الطيب و وصايفك بالدين و منطق تفوه زمــان يـاغـربَتْـه بـأيـامَـه اْمْـرِيبْ اصبـر عليـه لـك الاجـر لـو تمـوه #بن_شعلان هاني بن احمد الشعلان

لاقالو القهوة يجي بخاطري الهيل ورجَـال قعدَتها على علوم حية لا ساح بالـي ياحلاها التعاليل بعيـد عن اهل النفوس الردِّيه وشاصٍ و رمث ونارنا و المعامِيل اسلومنا ماهي عليكم خفيَّه #بن_شعلان هاني بن احمد الشعلان

شريت من فرقى الحبايب وساده بريش النعام الناعمه صنَّعوها أسقطتهم كانوا بحياتي زياده ريّحت قلبي من همومٍ بدوها من اول اتبعهم تقل به قلاده في حلقي وامشي ليا حرّكوها والهم جمّع وسط قلبي عتاده و اللـوم والمحتـاه بيّ اتركـوها #بن_شعلان هاني بن احمد الشعلان

من ضميري كتبت لك القصيد صـافـيٍ مثـل عـاليـةَ الغيـوم و آتـمـنَّى و لـو قـلـبـك يعـيد القصايد ويحيي الشُّوق دوم #بن_شعلان

صرت اخاف ان العقل ينساك صرت اخاف الحب وسنينه صرت اخاف بلحظة من ذكراك مابي أذكر حُبنا وينه الله اكبر كيف ماألقاك قلبْ حبّك كيف تجفينه بالغلا كنتي محد يسواك بالغلا قدرك تخَبرينَه ليه تنسينه وهو ربّاك من يسمّي بدرب تمشينه كلّ صعبٍ تطلبينه جاك ذا جزا المعروف تنسينه؟ بتركك كود الزمن ينهاك لو عبرتي زينه وشينه وان كتب ربّي لقى ويّاك اعتذارك لي تمدّينه #بن_شعلان هاني بن احمد الشعلان