حامد محمد علي الرمضان الخزاعي

"نماذج رئاسية " المهندس سالم منصورالسليمان ابو محمدالرئيس الحالي لنادي المحيط والاستاذ عبدالله الجارودي ابووسام الرئيس السابق للمحيط من النماذج التي نعتز بها ونتمنى ان يكثر من امثالهم علاقة وطيدة ربما على غير المعتاد بعض الاحيان للاسف مجرد تنتهي فترة رئاسية يصير اللي الواحد مايتوقعه بدل مايكون التعاون سائد لمصلحة النادي تشوف العكس تماما تبادل اتهامات وعلى عينك يتاجر أسأل احد الأخوة اقول بس ابووسام وابو محمد كذا علاقتهم او كل رؤساء المحيط؟قال اولا اللي تشوفه بين ابو محمد وابو وسام هذا في المحيط طبيعي جدا وترى في قروب يجمعهم كلهم ياسلااااام ولما تشوفهم في مناسبات افراح او حزن رايحين سوا هذا مو تصنع هذا طبيعي جدا مو بس كذا واللي قاعد تشوفه بينهم في لقروب الفلاني الكل يسدد للاخر هذا طبيعي مع ان يمكن هالاثنين علاقتهم مع بعض أقل من اي علاقة بين رئيسين!!!! بعد؟ عجل الثانيين كيف؟ بالعربي هذا اللي نتمناه يسود بين رؤساء مؤسساتنا الرياضية والاجتماعية ترى انتو مو بس رئيس نادي حالي وسابق انتم مدارس اجيال اعلموا لما يشوفوكم الاولاد يؤشرو عليكم دكم فلان وفلان رؤساء نادينا هذي الكلمة بحد ذاتها كبيرة مانمبا نشوفكم تتشابقو في السوشل ميديا بين الناس مهما كان المحق فيكم ولا نمباكم كما يعمل البعض من تحت لتحت يخرب الدنيا وكنه مومسوي شي المحيطيين عيني عليكم باردة والله يكثر من امثالكم تابى الرماح إذا اجتمعن تكسرا وإذا افترقن تكسرت احادا. @AlmuheetClub