أ.النوري

معالي الوزير، بدل فرحة التخرج عشنا حسرة الانتظار. تعبنا ودرسنا، ومن شهر خمسة مستقبلنا معلّق. نبي منكم قرار يرد لنا الأمل، وفرصة نخدم فيها ديرتنا بتخصصنا. #وزير_التربية #سيد_جلال_الطبطبائي

معالي الوزير، إحنا عيال الكويت، ومع كل خطوة فيها خير لديرتنا وتطوير تعليمها. لكن نناشدك تشوف حالنا بعين الأب قبل المسؤول تخرجنا شهر واحد، وترشحنا شهر خمسة، وللحين ننطر بداية حياتنا. كل يوم يمر علينا له ثقله، وكل وعد نتعلق فيه ونقوللعل هالمرة تفرج #وزير_التربية #سيد_جلال_الطبطبائي

معالي الوزير، ضاقت فينا السبل، وكل باب نطرقه نرجع منه ننتظر. ما نبي نبدأ حياتنا المهنية بهالحسرة، ولا نبي يذبل حب التعليم في قلوبنا قبل ندخل فصولنا. إحنا درسنا هالتخصص بمحبة، وحلمنا نكون معلمين نفتخر بخدمة عيال الكويت. نناشدك ترد لنا الأمل #وزير_التربية #سيد_جلال_الطبطبائي

وراء كل اسم ناطر التعيين إنسان عنده التزامات وأهل وأحلام أجّلها. إحنا مو مجرد أعداد في كشف فائض، إحنا خريجون تعبنا واجتهدنا، واليوم مستقبلنا معلّق. معالي الوزير، نناشدك تلقى لنا حل يحفظ تعبنا ويخلينا نعيش بكرامة ونخدم وطننا. #وزير_التربية #سيد_جلال_الطبطبائي

معالي الوزير، حتى يوم قيل لنا «معلم متدرب» رضينا، وقلنا نبدأ ونتعلم ونثبت نفسنا. كل اللي تمنيناه فرصة ندخل فيها الميدان. لكن طال الانتظار، وتبدلت علينا الردود، وصرنا ما ندري متى نبدأ ولا شنو مصيرنا. نناشدك تحسم ملفنا وتفرّح قلوب أهل ناطرين #وزير_التربية #سيد_جلال_الطبطبائي

أنا خريجة رياض أطفال،اخترت هالتخصص لأني أحب التعليم وأؤمن بأثر المعلمة في بداية عمر الطفل تعلمت وتدربت واستعديت للحلقة والحركية والأنشطة وكل مسؤوليات المهنة. مؤلم إن كل هالشغف يظل واقف عند رسالة تعيين ما وصلت نبي فرصة نحول فيها دراستنا إلى عطاء. #وزير_التربية #سيد_جلال_الطبطبائي

إحنا نقدّر مسؤوليتك ونعرف إن الإصلاح يحتاج جهد، لكن نرجوك يكون لنا مكان في حلولك مشكلة الفائض ما صنعناها، وصعب نتحملها من أعمارنا وأرزاقنا. نبي معالجة تنصفنا وتحفظ مستقبلنا؛ إحنا مع الكويت، وكل أملنا نخدمها بالمهنة اللي درسنا وتعبنا عشانها #وزير_التربية #سيد_جلال_الطبطبائي

معالي الوزير، نبي يجي اليوم اللي نكتب فيه لك: شكرًا لأنك سمعتنا وأنصفتنا وفرّحت بيوتنا. نبي نطوي شهور الانتظار ونبدأ مع عيالنا الطلبة بكل حب وحماس. ما زال عندنا أمل إنك تسمع مناشدتنا وتلقى لنا مخرج يليق بتعبنا وبوطننا الكويت. #وزير_التربية #سيد_جلال_الطبطبائي

معالي الوزير، مصلحة الكويت نحرص عليها كلنا، وشباب الكويت جزء من هالمصلحة. الكويت تقوم بسواعد أبنائها، وإذا الخريج درس وتعب وترشح وظل بلا فرصة يعمل فيها، شلون يشارك في بناء ديرته؟ نطالب بحل ينصفنا ويتيح لنا خدمة الكويت. #وزير_التربية #سيد_جلال_الطبطبائي

معالي الوزير، الكويت وشعبها ما ينفصلون، ومصلحة المواطن واستقراره من مصلحة ديرته. إحنا خريجون نبي نشتغل ونخدم بلدنا بتخصصاتنا. من شهر خمسة مترشحين وللحين ننتظر، ألا يستحق مستقبلنا حلًا واضحًا وموعدًا للمباشرة؟ #وزير_التربية #سيد_جلال_الطبطبائي

نؤيد الإصلاح ونحرص على مصلحة الكويت، ونأمل أن يشمل الإصلاح إنصاف الخريجين المنتظرين. درسنا وتعبنا عشان نخدم ديرتنا. شنو المطلوب من الخريج يسوي وهو بلا وظيفة ولا دخل ولا موعد واضح؟ نطالب بحسم ملف تعييننا. #وزير_التربية #سيد_جلال_الطبطبائي

الكويت تستحق الإصلاح، وأبناؤها يستحقون فرصة يشاركون فيها بهالإصلاح. إحنا معلمات درسنا وتدربنا وترشحنا، ونبي نخدم ديرتنا في تخصصنا. نناشدكم تحسمون ملفنا؛ استمرار تعليق مستقبلنا يعطل طاقات نبي نقدمها للكويت. #وزير_التربية #سيد_جلال_الطبطبائي