"आश्वासनांपलीकडे, उत्तरदायित्वाकडे" पदवीधरांच्या प्रश्नांना केवळ आवाज नाही, तर उत्तर आणि परिणाम मिळवून देण्याचा संकल्प..! छत्रपती संभाजीनगर विभाग पदवीधर मतदारसंघातील बेरोजगार तरुण, स्पर्धा परीक्षांचे विद्यार्थी, शिक्षक, शिक्षकेतर कर्मचारी आणि उच्चशिक्षित युवकांच्या प्रश्नांसाठी एक स्पष्ट, कृतीशील आणि उत्तरदायी कार्यदृष्टी देण्याचा माझा प्रयत्न राहील..! १. रोजगारासाठी ठोस पाठपुरावा शासकीय विभागांतील रिक्त पदांची माहिती संकलित करून भरती प्रक्रियेबाबत शासनाकडे पाठपुरावा. रखडलेल्या भरती प्रक्रिया, निकाल आणि नियुक्त्यांबाबत संबंधित विभागांकडून उत्तर मागणे. सुशिक्षित बेरोजगारांसाठी रोजगार मेळावे, करिअर मार्गदर्शन आणि कौशल्यविकासाच्या संधी वाढवण्यासाठी प्रयत्न. २. MPSC व स्पर्धा परीक्षा विद्यार्थ्यांना न्याय परीक्षा वेळापत्रक, निकाल, नियुक्त्या आणि भरती प्रक्रियेतील विलंबाचे प्रश्न प्राधान्याने मांडणे. परीक्षा प्रक्रियेत पारदर्शकता आणि विद्यार्थ्यांना वेळेत अधिकृत माहिती मिळावी यासाठी पाठपुरावा. ग्रामीण विद्यार्थ्यांसाठी अभ्यासिका, ग्रंथालये आणि स्पर्धा परीक्षा मार्गदर्शन केंद्रांची उपलब्धता वाढवण्यासाठी प्रयत्न. ३. शिक्षक व शिक्षकेतर कर्मचाऱ्यांच्या प्रश्नांना प्राधान्य प्रलंबित वेतन, सेवा विषयक अडचणी, पदोन्नती आणि निवृत्तिवेतनविषयक प्रश्नांचा विभागनिहाय आढावा. अनुदान, रिक्त पदे आणि भरतीसंदर्भातील प्रलंबित मागण्यांवर शासनदरबारी पाठपुरावा. कर्मचाऱ्यांच्या तक्रारींसाठी नियमित संवाद आणि प्रश्नांच्या स्थितीचा आढावा. ४. शिक्षण, शिष्यवृत्ती आणि विद्यार्थी सुविधा शिष्यवृत्ती व फेलोशिपच्या प्रलंबित अर्जांचा प्रश्न संबंधित यंत्रणांकडे मांडणे. महाविद्यालयांतील मूलभूत सुविधा, ग्रंथालये आणि डिजिटल शिक्षणासाठी पाठपुरावा. ग्रामीण व आर्थिकदृष्ट्या दुर्बल विद्यार्थ्यांना शैक्षणिक संधी उपलब्ध व्हाव्यात यासाठी प्रयत्न. ५. आठही जिल्ह्यांसाठी जिल्हानिहाय कार्ययोजना छत्रपती संभाजीनगर, जालना, बीड, धाराशिव, लातूर, नांदेड, परभणी आणि हिंगोली येथील पदवीधरांच्या प्रश्नांची स्वतंत्र नोंद. जिल्हानिहाय प्रश्नसूची तयार करून संबंधित विभागांकडे निवेदने आणि पाठपुरावा. स्थानिक प्रश्न, रोजगाराच्या संधी आणि शैक्षणिक सुविधांचा नियमित आढावा. ६. प्रत्येक कामाचा सार्वजनिक लेखाजोखा पदवीधरांच्या तक्रारींसाठी संपर्क व्यवस्था उभारण्याचा प्रयत्न. कोणता प्रश्न कोणत्या विभागाकडे मांडला, त्यावर काय उत्तर मिळाले आणि पुढील कार्यवाही काय, याची नोंद ठेवणे. नियमित आढावा बैठका आणि कामाच्या प्रगतीचा सार्वजनिक अहवाल मांडण्याची कार्यपद्धती विकसित करणे. आमची भूमिका स्पष्ट आहे! आम्ही अशा राजकारणाची बाजू मांडतो, जिथे पदवीधरांना निवडणुकीपुरते आठवले जात नाही; त्यांच्या प्रश्नांचा सातत्याने पाठपुरावा केला जातो. जिथे बेरोजगार तरुणांच्या प्रश्नांना गांभीर्याने घेतले जाते. जिथे शिक्षक-कर्मचाऱ्यांच्या न्याय्य मागण्या शासनापर्यंत पोहोचवल्या जातात. जिथे प्रत्येक प्रश्नाच्या पाठपुराव्याची नोंद आणि प्रत्येक कामाचा हिशोब जनतेसमोर ठेवला जाईल, आम्ही केवळ आश्वासनांची यादी मांडत नाही; प्रश्नांची नोंद, कालबद्ध पाठपुरावा आणि सार्वजनिक उत्तरदायित्वाची कार्यपद्धती उभी करण्याचा संकल्प करतो..! कारण पदवीधर मतदारसंघ म्हणजे सन्मान, रोजगार, शिक्षण आणि न्यायासाठीची जबाबदारीआहे . "आश्वासनांपलीकडे, उत्तरदायित्वाकडे " डॉ. प्रतापसिंह वेदप्रकाश पाटील महाविकास आघाडी व मित्रपक्षांचे अधिकृत उमेदवार छत्रपती संभाजीनगर विभाग पदवीधर मतदारसंघ #Vision2026 #उत्तरदायित्व #पदवीधरांचेप्रश्न #रोजगार #शिक्षण #मराठवाडा