KashSM

القاهره بالنسبه للسيسي هي عاصمه التمرد و الثوره و الفقر شايفها مدينه عملت ثوره علي "نظام 52 " الممتاز المثالي الي مفيهوش غلطه اهلها ناس مجانين كده عايزين يدمروا بلدهم عشان هم بيحبوا كده و خلاص عمل العاصمه الاداريه بفلوس القروض عشان يبعد عن عاصمه التمرد و الفقر و يكون بينه و بينها ارض صحراويه مكشوفه تصلح لطلعات طيران في حاله توجه المتمردين لعاصمته المثاليه الجميله كان فاكر نفسه ناصح و مفتح و هياخد القروض يعمل بيها عقارات فخمه ويبيعها زي اي تاجر عقارات شاطر و يسدد القروض بسرعه و محدش هيكون خد باله انها اتعملت بالقروض و يكون حصل علي مدينه المثاليه الفاضله النضيفه + قلعته الامنيه المملوكيه الحصينه .. لكن اتفجأ ان محدش اشتري عنده و معرفش يسدد القروض راح ل plan b و افتكر ان الخليج هو الخليج بتاع زمان الي كان بيدي منح و عطايا بالمليارات كده و خلاص عشان "الاشقاء " و " الاخوه " و الهطل ده اتفاجئ برضو ان الخليج اتغير و بقي فيه قيادات بتستثمر عوائد النفط لصالح شعبها و بس ... اختار الحل السئ انه يستمر من اجل الاستمرار و خلاص وانه يدفع الشعب المصري كله تمن مغامراته الفاشله تضخم و غلاء و جوع و فقر و مرض و كل الموازنه رايحه بس لسداد الديون و فوايده يعني مافيش جنيه هيتصرف علي صحه و لاتعليم و لا خدمات كل انتاج مصر رايح لسداد قروض الزعيم و بس .....