Faith

قافلتـ(ن) معي حسبي الله على كل الأسباب

جماليات نقشة الـ leopard & ocelot مو طبيعي قد ايش ذبت على هاللمسة

صدق من شهور وأنا هالشيء اللي استشعره أحس إني عطلت نفسي من كل شيء باستثنائه، كنت لما أكتب بمذكراتي أشكّل وأكتب بشتى الأفكار وتنوع الاهتمامات، بس هذا اللي صار نصب عيني وما أحس إني استنفدت الكلام عنه، هالحب ما اكتفى بأخذ مكان في حياتي فأخذ مكان حتى لغتي وفي أشيائي ولسى ماعبرت عنه.

أي شخص لازم يكون عنده حد أحمر عريض يقول له دايم أنا ما أقبل أكون الطرف اللي يفترض عليه يتفهم ويتجاوز كل مرة ولا أقبل إن مراعاة الآخرين تكون دائمًا واجب علي بينما مراعاتي أنا اختيارية (؟) الاحترام رقم واحد وإذا كان التقدير لأحد يتطلب التقليل منك فهو مايعرف هالمفهوم أصلًا، مفهوم؟

أشياء أحبها: - هيلز أطول من 12cm - طبطبة الپاودر بف العطري على البشرة - منظر باليتات ديور وشانيل على التسريحة - لوحة فيها صورة اثنين - ذوقي بشكل عام بكل شيء، بدون استثناء - هذا الوقت - القوثيك ميكب علي - الملابس الرمادية بالشتاء - المغناطيس التذكاري من السفر على الثلاجة

مدري بأي حالة شعورية كتبت فيها مو أنا اللي جعلت جدران الصمت ترتفع من حولي حتى صارت سجنًا؟ مو أنا من ارتدى قيوده برضا؟ بعت نفسي لأول خوف راودني وتركت العالم يشهد أني خصمي وصدقت الوهم حتى غدوت كذبة تمشي على قدمين. تبًا بملء الفاه بشكل عام. بس حسيت فيها الأسبوع اللي راح

الأيادي واللمس

تدرون لو قالوا لي أتحول لسيارة ولا أسمع نصايح رح أتحول لسيارة؟ خصوصًا لما تجي من شخص علاقاته مو كويسة ويبدأ يعمم تجربته على كل العلاقات وكل الرجال وكل النساء وكل الاحتمالات الموجودة على وجه الأرض. مشكلتي مع الثقة العجيبة كيف تجربتك بتصير مرجعي للحياة كلها؟ i hate this shit

الحياة تستحق العيش مليون مرة لأن بدت هالفجريات! هالفجر أنعم فجر بحياتي، من زمان هالنسمات الناعمة مالمست خدي، أحس إني محفووووفة. أحب الحب وهالبدايات وأحس إني مستحيل أمل منها، يارب أظل دايم ألقى في أيامي أسباب كثيرة تخليني أحب إني أعيشها