یا الہی دکھا دے جمالِ نبی ﷺ ورنہ ہم ان کی فرقت میں مر جائیں گے شاملِ حال تیرا اگر ہے کرم، پھر تو دُنیا میں دیدار کر جائیں گے خالقِ نعمت دو جہاں ہے خدا، بانٹتے ہیں انہیں خلق میں مصطفے ﷺ کر لیا اُن ﷺ کو تسلیم قاسم اگر پھر تو دامن مُرادوں سے بھر جائیں گے قبر کی وہ گھٹا توپ تاریکیاں جن کو سُن کر لرزتے ہیں پہلوؤں میں دل مصطفے ﷺ کے قدم اس میں جب آئیں گے، نور ہی نور ہر سمت کر جائیں گے پلصراط ایسی دُشوار ہے رہ گزر، پُر خطر جس میں ممکن نہیں ہے گزر ربّ سلم جو ہو گی ندائے نبی ﷺ پھر بہ لُطفِ الہی گزر جائیں گے دل ہے سیلاب محشر سے خائف اگر، رحمت مصطفے' ﷺ پر مگر ہے نظر اُن ﷺ کی جب بھی نگاہ کرم ہو گئی ساحلِ عافیت پر اُتر جائیں گے عشق سے اُن ﷺ کے کھلتے ہیں راز حیات عشق سے اُنکے ہوتا ہے عرفان ذات عشق اُن ﷺ کا جو اپنا بنا رہنما پھر تو اپنے مقدر سنور جائیں گے اک دفعہ تو در پاک پر حاضری، ربّ اکبر کے لطف و عطا سے ہوئی آس اب بھی ہے اُن ﷺ کے کرم پر لگی ہے یہ امید بار دگر جائیں گے ہو جو طیبہ میں رہنا ریاضِ حزیں عالم آخرت کی طرف بالیقیں! سرزمین مدینہ سے ہم زندگی اُن ﷺ کے قدموں میں کر کے بسر جائیں گے کلام ۔۔پیر سید ریاض الدین سہروردی رحمۃ اللّٰه علیہ Eid mubarak Pakistan wali