میں نواز شریف کا ساتھی رہا ہوں اور مرتے دم تک رہوں گا ان کا ساتھ نبھاؤں گا۔میرا ان سے نظریاتی رشتہ ہے، میں نے ان سے بہت کچھ سیکھا ہے وہ مجھے باقی سیاست دانوں میں سے اس لئے بھی زیادہ اچھے لگتے ہیں کہ انہوں نے ریاست کیلئے بہت ڈلیور کیا ہے۔ نوازشریف 21 اکتوبر کو پاکستان اس توقع اور حوصلے سے آتے ہیں اور پاکستان کے لوگ ان کا جس طرح مینار پاکستان پہ استقبال کرتے ہیں تو اس سے اندازہ ہو جانا چاہیے تھا کہ لوگ نواز شریف سے کیا توقعات وابستہ کیے ہوئے ہیں۔مگر ان کو گھر میں بٹھایا جاتا ہے عوام میں جانے سے روکا جاتا ہے۔ آج وزراء کہہ رہے ہیں کہ فلاں فلاں فارم 47 کی پیداوار ہے اپوزیشن لیڈر بھی فارم 47 سے آیا ہے ،یہ بھی کہہ رہے ہیں کہ جھنگ فیصل آباد سیالکوٹ میں نتیجہ بدلا گیا۔مگر ڈھائی سال پہلے جب میں یہ باتیں کر رہا تھا تو ہماری جماعت کے یہی وزراء کہتے تھے کہ ایسا نہیں ہے۔