الشعب تَشَرَّب البيروقراطية لدرجة إن واحد طالع يعمل ريفيو عن منتجات بقى مُطالب يلم تفويضات. والإرشاد تمكن منهم لدرجة إن الراجل بيهدده بإنه ممكن يحبسه تاني في قضية العسل زي ما اتحبس في قضية المية.
في كل شارع في بلادي في مرشد عالبوكس بينادي
بخصوص الفقر والغنى والسرسجة
أنا كنت من أكبر معارضي ثقافة الـdoor selection لكن حدة معارضتي قلت مع الوقت. بنظرة محايدة أي حد فينا هيحب يعيش بعيد عن نفس الشعب اللي بنلوم على الأغنيا إنهم محاوطين نفسهم بأسوار بعيد عنه. أي حد هيحب يعيش في مدن مؤمنة ونضيفة ومنظمة عمرانيًا....
ولا الأغنيا المنتفعين الأوائل من سياسات البلد في التعامل مع المستثمرين وغياب الحماية الحقيقية للعمال واللي مش بس بيكتفوا بالابتعاد عن العامة أو حتى انتقاد ما يجب انتقاده في سلوكهم دول بيحتقروا وبيسخروا من كل ما يمثله هذا الشعب اللي انسلخوا عنه خلاص...
1
6
محاولة قولبة البني آدم دي حركة بضان أوي يعني. اللي يقبل بالديفولت سيتنجز دي هو اللي جابه لنفسه ماتفرضهاش على غيرك. عايزة تقعدي تعملي كيكة البرتقان بالهنا والشفا يا ستي بس ماتطفحيش خلق الله كلهم معاكي غصب
سيزيف retweeted
لعبة اختيار أغنية واحدة لمطربك أو مطربتك المفضلة من باب إن دي الغنوة اللي ممكن تفضل تسمع فيها إلى ما لا نهاية، لعبة سخيفة وغير عقلانية طبعا، لكن بنحبها زي ما بنحب فكرة قوائم أفعل التفضيل للكتب والأغاني والأفلام عشان بتعمل لنا حالة إنعاش للوجدان وتصحصح ذكرياتنا مع الأغاني والأفلام والكتب.
بالنسبة للست أم كلثوم الاختيار كان دايما محسوم بالنسبة لي، أجمل وأحب أغنية ليها عندي (هو صحيح الهوى غلاب)، وبعد كده في أغاني كتير بس غنوة بيرم وزكريا في حتة تانية خالص، لعبد الوهاب كل الأغاني اللي مالهاش حل في كوم و(يا دنيا يا غرامي) كوم تاني، لنجاة ما فيش زي (عيون القلب)، لوردة ما فيش زي (في يوم وليلة)، لفايزة أحمد ما فيش زي (حبيبي يا متغرب)، لعبد الحليم أفعل التفضيل والمحبة مناصفة ما بين (أهواك) و(أنا لك على طول)، لعدوية ما فيش زي (والله ولعب الهوى)، لليلى مراد ما فيش زي (حيرانة ليه بين القلوب)، لعلي الحجار ما فيش زي (أحبك وأنطلق عصفور)، لمحمد فوزي ما فيش زي (تمللي في قلبي يا حبيبي)، لشيرين ما فيش زي (بتوحشني)، لمدحت صالح ما فيش زي (محبتك جنون)، لعبد الغني السيد ما فيش زي (البيض الأمارة)، لوائل جسار ما فيش زي (مشيت خلاص)، لصباح ما فيش زي (ساعات ساعات)، لبهاء سلطان ما فيش زي (يومين وعدّوا)، لسيد مكاوي ما فيش زي (وحياتك يا حبيبي)، لأنغام ما فيش زي (سيدي وصالك)، لعبد المطلب ما فيش زي (شفت حبيبي وفرحت معاه)، لعمرو دياب ما فيش غير (تمللي معاك)، والكلام في ذلك شرحه يطول ويطيب.
بالنسبة لفيروز ومنير الحكاية صعبة جدا بالنسبة لي، لإن الغنوة الأكثر تفضيلا ومحبة بتتغير من مرحلة للتانية، لسنين طويلة كانت (علموني عينيكي) لمنير هي الأقرب للقلب، بعد كده بقت (شبابيك)، وبعدها بقت (ع المدينة) وبعدها بقت (سؤال)، وبعدها بقت (عايش) وبعدين رجعت تاني لقديمو و(طال بينا الطريق) وبعدين رجعت تاني لـ (شبابيك) وفضلت واقف عندها لحد دلوقتي ولا أظن أنني سأغادرها.
بالنسبة لفيروز كانت أكتر غنوة باحبها هي (نسّم علينا الهوى) وفضلت كده لسنين طويلة، بعد كده (هموم الحب) خدت مكانها، وبعدين سابت المكان لـ (سكن الليل) مناصفة مع (غنيت مكة)، وبعدين قعدت فترة طويلة أحب لها شغل المسرحيات أكتر، وفي آخر سنتين ولأسباب لها علاقة بعوامل التعرية النفسية والضحضحة الوجدانية بقت (دارة دوري فينا) من كلمات الأخوين رحباني وألحان فيلمون وهبي هي الأقرب للقلب والوجدان، ومتهيأ لي هتفضل كده كتير واحنا بنحاول "نتخبّى من درب الأعمار".
كل سنة والست فيروز طيبة، وربنا يخلي لنا الأغاني اللي بتهوّن المشوار.
#أغانيّا













