بھارت کی ریاست تمل ناڈو نے ایک قابلِ ذکر قدم اٹھایا ہے: سرکاری کوٹے کے تحت داخلہ لینے والی اہل مسلم طالبات کی انڈرگریجویٹ تعلیم کی ٹیوشن فیس حکومت برداشت کرے گی، اور پہلے مرحلے میں 20 کروڑ بھارتی روپے مختص کیے گئے ہیں۔ 🎓 سوچنے کی بات یہ ہے کہ جس ملک کو ہم اکثر مسلمانوں کا دشمن کہہ کر اپنا دامن جھاڑ لیتے ہیں، وہاں ایک ریاست مسلم بچیوں کی اعلیٰ تعلیم کے لیے عملی سہولت دے رہی ہے۔ اور ہمارے ہاں؟ بیٹیوں کی تعلیم پر تقریریں، جلسوں میں دعوے، اخبارات میں اشتہارات اور سوشل میڈیا پر نعرے تو بہت ہیں… مگر جب باری تعلیم پر سرمایہ کاری کی آئے تو خزانہ اچانک ’’قومی مفاد‘‘ میں غائب ہو جاتا ہے۔ 😂 قومیں صرف میزائلوں، موٹرویز اور بلند و بالا نعروں سے ترقی نہیں کرتیں؛ قومیں اپنی بیٹیوں کو کتاب، قلم اور یونیورسٹی تک رسائی دے کر ترقی کرتی ہیں۔ مسلم بچی کو خیرات نہیں، مساوی تعلیمی موقع چاہیے۔ اور جس حکومت کو یہ بات سمجھ آگئی، وہی مستقبل کی معمار ہے۔