🇱🇧Max🇱🇧

إذا مفكّر إنو بس يصير عمرك ٦٥ رح تحزم غراضك وترجع ع بلدك ومعك ولادك… أكيد لأ. ما حدا بيرجع هيك بسهولة. وقتها ولادك بيكونوا صار عمرن ٣٠ وفوق، حياتن صارت هون، شغلن، أصحابن، ذكرياتن… ما رح يتركوا كل شي ويرجعوا معك. وإنت ما فيك تتركهن وتفلّ ع بلدك وتعيش لحالك وإنت ختيار. وإذا قررت ترجع لحالك، بتكون عم تتغرّب من جديد… بس هالمرة ببلدك الأصلي. بتوصل وبتحس حالك غريب. لا نفس الوجوه، ولا نفس الضحكات. اللي مات مات، واللي هاجر هاجر، واللي كان يسأل عنك صار بدنيا تانية. بتكون عشت شبابك مغترب عن أمك وبيّك وإخوتك وأقاربك… وبآخر عمرك بتصير مغترب عن ولادك وأحفادك. هي الغربة مش بس سفر… الغربة إنو قلبك يضلّ معلّق بين مطرحين، لا إنت هون كامل، ولا إنت هونيك بعدك متل ما كنت.

Durango ❤️

Parts of my speech at my son’s wedding😍😍😍😍

TRUMP FAILED AT REGIME CHANGE IN IRAN, BUT HE SUCCEEDED IN TEXAS!

الأخوّة مش بس دم واحد، الأخوّة سند ومحبّة ورفقت عمر. ❤️ اليوم عم تجهّزوا خيكن الكبير لفرحة عمره، وبكل حركة وإيد عم تعدّل ربطة عنقه في محبّة وفخر ما بينوصفوا. الله يخليكن لبعض، وتضلّوا دايماً ضهر وسند لبعض… لأنو العريس إلو عروس جديدة، بس أخواته هنّي عزو مدى العمر. ❤️

مين قال إنّ النجاح بس بالغربة؟ ومين عطى المغترب حقّو يحاكم اللي بقي ببلدو؟ من كم يوم، كنت عم أتسمع عمساحة على X، ولفتني حوار ما اكتمل. مغترب سأل شخص قرّر يبقى بلبنان: «شو إنجازاتك إنت ببلدك؟ وشو إنجازاتي أنا بالغربة؟» حسّيت إنّو السؤال كان أقرب لمحاولة تسجيل نقاط على حساب اللي اختار يبقى. اللي بقي بلبنان مش بالضرورة لأنّو ما قدر يسافر، يمكن لأنّو آمن إنّو النجاح مش مربوط بجواز سفر. هيدا الإنسان اشتغل وتعب وبنى حالو ببلد منهار، بلا اقتصاد مستقر ولا ضمانات للمستقبل، ومع هيك صمد ونجح بإرادتو وإيمانه بأرضه. وبالمقابل، ما عم قلّل من تعب المغترب ولا من نجاحه، أنا واحد منّن. بس النجاح بالغربة مش المقياس الوحيد، والنجاح بلبنان رغم كل الظروف إنجاز كبير كمان. وبصراحة، بتمنّى لو بقيت بلبنان وحاولت متل هالناس، بس أنا سافرت من أوّل فرصة إجتني. مش كل مين سافر نجح أكتر، ومش كل مين بقي خسر أكتر. في ناس بنت مستقبلها بالغربة، وناس بنتو بلبنان رغم كل شي. المغترب بيقدر يشتري بيت بلبنان، بس اللي بقي قدر يبني حياتو بلبنان… وهيدا إنجاز ما لازم حدا يستخفّ فيه. والأهم إنّو المقيم نجح بين أهلو وناسو وأحبّتو، وشاركهنّ تعبو وفرحتو، وكان حدّن بكل لحظة. أمّا المغترب، فمهما كان نجاحه كبير، حقّقو بعيد عن أهلو وبيئتو، والفرحة اللي بيعيشها لحالو أو بعيد عن الناس اللي بيحبّن ما بتنقارن بفرحة اللي نجح بين أهلو وأحبّتو كل الاحترام لكل لبناني بقي وصمد وآمن إنّو بعد في أمل بهالأرض. 🇱🇧❤️

بفرحة احبانا كملت فرحتنا🙏🏻🙏🏻🙏🏻

الله يرحم ستي ويطول عمر هالست❤️ الفديو منقول😍

في لبنانيين عم ينهاروا عوضع باريس ومدن فرنسا.. وين كنتو لما إسرائيل محت قرى كاملة من جنوب لبنان؟ عفوا ما تؤاخذوهم كانوا مشغولين وواقفين بالصف عم ياخدوا توجيهات واوامر من اسبادهم شو الإشاعات والأكاذيب اللي بدهن يروجوها كل يوم ب يوم🤷‍♀️

يا جماعة الخير، شو عم بصير عالمساحات؟! لهالدرجة وصلنا بالانحطاط؟ صار الواحد بس لأنو ما عجبو رأي شخص، بيبلّش سبّ وشتم بأقذر العبارات، وبيجيب سيرة الأم والأخت والشرف، وكأنّو الشتام ما عندو أم وأخت وبنت وعرض! يا عيب الشوم! وين الأخلاق؟ وين كرامة الإنسان؟ وكيف بيهون عليك تجيب سيرة أمّ غيرك، وإنت عندك أمّ وأخت وناس بتحبّك؟ للشاتم بقول: قلّة ألادب ما بتقلّل من قيمة اللي عم تشتمو، بتكشف تربايتك وإفلاسك الأخلاقي. واللي ما عندو حجّة، بيستعين بالشتيمة، واللي ما عندو أخلاق، بيفكّر إنّو صوتو العالي ووساخة لسانو بيعطوه قيمة! #اتقو_بالله. وللمشتوم بقول: ما تنزل لمستوى اللي عم يشتمك، لأنّو أوقات سكوتك ورفعة أخلاقك أكبر ردّ عليه. بدّك تنتقد؟ انتقد. بدّك تردّ؟ ردّ. بس إذا ما عندك غير الشتيمة، وفّرها لحالك، لأنّو الكلمة الوسخة ما بتهين غير صاحبها، والكرامة ما بيحميها إلا صاحبها.

‼️ من ابن عز إلى بائع البونبون.. هذا الرجل بيعلم كتار معنى الكرامة! إذا شفتوه بشوارع النبطية شتروا منو، مش شفقة، كرامة إلو.. هالشب بتشوفو كل يوم، جارر عرباية بيبي صغيرة، حاطط فيها كم كيس بونبون وكراميل، الكيس بـ 100 ألف، بيمشي من أول النبطية لآخرها تحت الشمس والشتا، كرمال كم كيس يبيعهم ويجيب أكل لبيتو. هالشب مش متسول، هيدا بطل بكل معنى الكلمة!! هيدا عم يعطي لكتار درس كبير وعم يوصل رسالة إنو مش عيب تشتغل شو ما كان، العيب تمد إيدك لمين ما كان. وللقصة وجع تاني،، هيدا الشب كان ابن عز، ابن المرحوم حسن سامي اللي كان فاتح محل بمدخل حي السرايا، والناس كلها بتعرف أصله الطيب، بس برمت فيهم الأيام، وقسيت عليهم الدني. اليوم مش عم يطلب مساعدة.. عم يطلب شوية احترام لتعبه وتقدير لموقفه،، إذا لاقيتوه، اشتروا منو، ابتسمولوا، وأقلها قولولوا الله يرزقك، الكلمة الطيبة بهالأيام بتسوى الدني كلها. 🙏🏼

💔 وين بدنا نندفن… بلبنان أو بأميركا؟ كنت قاعد مع مجموعة من الأصدقاء، صرلنا عمر بالغربة بأميركا، وكلنا ولادنا انولدوا وكبروا هون. وفجأة، طرح واحد من الأصدقاء سؤال: «إذا إجى يوم الرحيل، بتحبّوا تندفنوا بلبنان أو هون؟» جاوبت من دون تردّد: هون، بأميركا، حدّ ولادي. استغربوا وسألوني ليش، فقلتلهن: نحنا كبرنا، أهلنا توفّوا، وإخوتنا كمان كبروا، ومنهن اللي رحلوا. أما ولادنا، فحياتهن ومستقبلهن هون. ما بدي حتى بعد موتي تكون المسافة عائق قدّام زيارة قبري، أو يضطرّوا يسافروا لحتى يترحّموا عليّي. لبنان رح يضلّ بقلبي، وأرض أجدادي ما بتتعوّض، بس الحياة أخدتنا لمطرح، وصار ولادنا هني أهلنا ومستقبلنا. نحنا جيل ترك أهله ليبني مستقبل ولاده، وبآخر العمر صار بدّه يضلّ قريب منهن حتى بعد الرحيل. إنتو يا أهل الغربة، شو رأيكن؟ بتحبّوا تكون تربتكن الأخيرة بلبنان، أرض الجذور والذكريات، أو حدّ ولادكن بالبلد اللي صار وطنهن؟ وليش؟ 💔

مش زابطة معك لا بين الرجال رجل ولا بين النساء امرأة! ضايع بين هوني وهونيك ومش عارف وين واقف. إذا عندك شي تعلنه، اطلع من الخزانة، ويمكن الناس تتعاطف معك أكتر من هالمهزلة. كفاك ضحك عحالك وععقول الناس، وعالقليلة زبّط هالصوت لأنو عن جد مآذي للأذان!