علياء هنا ماتقارن نفسها بمريم ولا محورت النقاش وخلته عنها! هي هنا تلوم جيهان على تسرّع قراراته لما يخسر وقساوته على نفسه.. تعاتبه إنه لما يحس بخساره علطول ينسى يعيش وينسى نفسه ورغباته، يضحي بسعادته ويضحي براحته ومايقدم نفسه لالبورا والتزاماتها.. هي هنا تعاتبه وتلومه إنه لما يخسر مايكتفي انه يعيش ألمه، يروح يعاقب نفسه على القدر اللي انكتب له لكن هالمره هو مايعاقب نفسه فقط هو يتجاهل حتى اللي يحبونه ويحبون يشوفونه مرتاح.. وفعلاً هذا اللي صار جيهان مجرد ماظن انه خسر علياء ماعاد يفكر بنفسه ولا بالطرف الثاني، تقدم لاقرب حل بدون تفكير ولا اهتمام للمستقبل.. وعلياء تلومه على هالشيء بعيد تمام البعد عن المقارنات او التذكير بخساراته، تبيه يفكر بنفسه حتى لو خسر! تبيه مايتخلى عن نفسه ويغرق بألمه وحزنه، علياء هنا تبي تحمي جيهان من نفسه😔
جيهان طول الحلقة وهو يقول لها خلّينا نتكلم لأن الحاجز اللي بينهم هالمرة صار من جهته هو، يي عليا تتكلم وتقول كل شيء، يبي يبرر كل تصرف وكل نظرة، وما يي يكون بينهم أي مجال
لسوء الفهم
جيهان ما يسمع ولا يستوعب الأشياء إلا من كلام عليا، لو سكتت عليا بيغرق جيهان بأفكاره وبيضيع بينها. هي بالنسبة له بوصلته ويحس إنها الوحيدة اللي تفهمه وهي فعلًا الوحيدة اللي تفهمه بدونها يضيع وشفنا وش صار بغيابها ضاع لدرجة إنه ما عاد يعرف نفسه ولا يعرف وش يسوي، حتى لما سألته «جيهان، هذا أنت؟» كان جوابه «هل هذا أنا؟» كأنه فقد نفسه لدرجة ما عاد يعرف حتى مين يكون بدونها😔💔💔
وعشان كذا يوم بدأت تتكلم وتطلع كل اللي بداخلها استوعب إنه هو بعد غلطان مثلها وإن الغلط كان مشترك بينهم جيهان ما كان مستوعب إن الاثنين غلطوا بحق بعض خصوصاً بعد ثلاثة شهور من كلام صداقات اللي كانت تحمّل عليا مسؤولية اللي صار بزواجهم وهو اقتنع بهالفكرة وصار يشوف الأمور من هالمنظور عشان كذا سكت بها للحظة لأنها أخيرًا قالت الحقيقة بصوت عالي الحقيقة اللي ما كان قادر يشوفها قبل إنهم الاثنين غلطوا بحق بعض✨


























