EL_Metwally 🦅🇵🇸

New pic 😉 لايك وانت معدي ♥️

ده اعظم Down gradeحصل للاعب كرة مصري في اخر 15 سنة مثلا ، من لاعب بيقال انه مهاجم مصر الاول للحال ده ، دي نتيجة الاحتراف الوهمي انا في اوروبا وخلاص مش مهم بلعب فين وبلعب ولا لا، اتمني مصطفي يكمل اللي فاضله في الكورة في مصر ويلحق يعمل حاجة تذكر خصوصا انه 29سنة

بعيدا بقي عن اي حاجة ، الاتنين دول دمهم تقيل بشكل لا يوصف حرفيا ..

استهدوا بالله يا شباب ، ايه كمية الغلط والسب في بعض ع السوشيال ميديا دي عشان خاطر صلاح ، لا حبك ليه هيدخلك الجنة ولا عدم حبك هينجيك من حساب القيامة ، متحجرش علي راي غيرك لمجرد اختلافكوا ، انت شايفه مش غلطان براحتك وانت شايفه غلطان ووحش ده رأيك ، كل واحد حر ..

لو استمر بالمستوي ده هيكون افضل لاعب وسط في مصر ❤👏 ..

الحمد لله الواحد مبسوط بهدوء معظم جماهير الاهلي من ناحية الراجل وسادت حالة من العقلانية في التفكير واحساسهم ان الوضع ممكن يتحسن اكتر والفرقة ماشية في طريقها لتصحيح المسار ، ده كمان اغلب الجمهور بدأ يتفائل بالفوز علي بيراميدز ..

طبيعي ان اول قائمة للراجل هيكون في توازن في الاختيارات وهيحاول يختار من اكتر من نادي ويجيب لاعيبة الجمهور كان بيطالب بيها الراجل عايز يبدأ في هدوء ويكسب الكل ..

هل تعلم يا سيدي الفاضل انه حتي الآن لا الاتحاد المحترم ولا الاعلام المبجل قالولنا السبب الرئيسي في رحيل حسام حسن !! كله عمال يجيب كلمة من الشرق علي كلمة من الغرب طيب هو ليه مطلعش بيان محترم مترتب يتقال فيه اسباب الرحيل متبوعا ب شكر وتقدير ونقفل القصة؟!

عن نفسي اتمني التجديد للراجل ده ويكمل معانا موسمين كمان ولا حاجة ، بن شرقي الموسم ده مختلف تحسه اخد ع الفرقة وبقي جزء اساسي من المنظومة ، اعتقد حتي الاسماء المطروحة لو مشي مش بنفس الجودة ، خلي بالك انا عارف انه لسه مجبش نص بن شرقي بتاع زمان رغم كل ده ..

مع احترامي والله لكل الناس بس هو امام عاشور عمل ايه ؟ يعني كل الصفحات الاهلاوية وبعض صناع المحتوي الاهلاوية نازلين سلخ فيه طيب حد يفهمنا عمل ايه يعني شتم زميل او جمهور ، رمي تيشيرت النادي و تف ع مدربه ؟ يعني حد يفهمنا هو غلط في ايه غير انه مكنش موفق كام ماتش؟

الراجل ده عنده ازمة ثقة واضحة جدا القرارات بتبين ده ، اغلب كراته بيأخد قرار خاطيء فيها ، حتي واحد ع واحد تحسه خايف يروح ويرقص ، محتاج ميطلعش من الملعب كتير ويسجل لو سجل هنشوف حاجة مختلفة ..

الولد ده خامة ممتازة محتاج بس اهتمام وتوظيف وثقة وهنتفرج علي حاجة عالية ..

لو حضرتك فاكر ان حسام وابراهيم هيعدوا الموضوع في هدوء كده يبقي حضرتك محضرتهمش لاعيبة ، اصبر بس يأخدوا نفسهم وهيطلعوا مع ابراهيم فايق نفسه وهيقولوا حاجات مستخبية انا وانت هنتصدم لما نسمعها القصة مخلصتش هنا واتفرج الفترة الجاية علي احلي اكشن في الوسط الرياضي

ارقام الحسين عموتة مع الاهلي : لعب 13 مباراة فاز 11 مباراة تعادل 2 مباراة سجل الفريق 30 هدف استقبل 7 اهداف 9 مباريات كلين شيت نسبة الفوز 84.6 %

ثنائية مطمئنة بشكل كبير قبل ماتش بيراميدز ..

محمد هاني عامل" come back" عالمية بصراحة 👏👏❤

القميص 2⃣5⃣ يتوهج 💥 زيزو اون فاير 🔥

مبسوط عشان علي ماهر وحاسه يستاهل بجد تدريب المنتخب ، الراجل بقاله سنين شغال كويس وعنده بصمة واضحة علي اي فريق بيدربه ، مبروك للأهلاوي علي ماهر وبالتوفيق

مش عيب انك تغير قناعاتك في لاعب وتعترف انك اتسرعت في الحكم عليه ، وانا من الناس اللي اتسرعت في الحكم علي الساعي ، اتمناله الاستمرارية وانه ميخرجش من الملعب ، الراجل جعان كورة ونجومية وتحسه عايز يعمل حاجة ونوعية مختلفة من لاعبي الوسط . عاش يا ساعي استمر 👏👏❤

لسه شايف ان الراجل ده عنده حاجة بس مشكلته في التوظيف فقط ..

صفقة جت في هدوء ومعملتش ضجة اعلامية لكن تأثيرها في الملعب واضح وكبير ..