مؤمن محمد | تسويق 💡

محتوى مدونتك أو موقعك بقى قدامه فرصة حقيقية يرجع زي زمان >> أصل استثماري مش مادة رخيصة لبوتات الذكاء الاصطناعي! يعني إي الكلام ده، وازاي هيحصل؟ Cloudflare أطلقت نسخة تجريبية من موديل جديد سميته pay per use (الدفع مقابل الاستخدام)، وده وجاي بديل عن نموذج الـ pay per crawl (الدفع مقابل الزحف) القديم. طيب يعني إيه الكلام ده عملياً؟ الفرق ببساطة إننا بنتحول من "الدفع مقابل الزحف" (إن البوت يعدي على موقعك) لـ"الدفع مقابل القيمة" (إن البوت يستخدم معلومتك فعلياً عشان يجاوب مستخدم). زمان كان البوت "يزور" صفحتك وخلاص. دلوقتي القيمة الحقيقية هي إن محتواك يكون هو "الإجابة" اللي الذكاء الاصطناعي قدّمها، وهنا بتحدد سعرك بناءً على الاستخدام مش مجرد Visit. طيب إزاي العملية دي هتتم عشان تضمن حقك؟ ✅ شركات الذكاء الاصطناعي بتقدّم "عرض مادي" مقابل استخدام المحتوى. ✅ الناشر هو اللي بيقرر يقبل العرض ده أو يرفضه. ✅ شرط أساسي: الشركة لازم تعلن عن الـ crawler بتاعها بصدق وشفافية. وليه شرط الشفافية ده مهم؟ عشان ببساطة مفيش عقد عادل من غير "هوية واضحة"؛ لازم تعرف مين اللي بيسحب بياناتك وبيربح منها عشان تقدر تتفاوض صح. الرسالة واضحة: قيمة محتواك دلوقتي بتتحدد بـ"المنفعة" اللي البوت بيطلع بيها، مش بعدد المرات اللي دخل فيها الموقع. وبكده ده هيرجع المحتوى زي زمان، وهيحوله من مجرد صفحات بتتقرأ، لـ أصل استثماري بيجيب فلوس كل ما حد يسأل والذكاء الاصطناعي يجاوب منه! 🚀

تخيل تصرف ٢٥ ألف دولار في الهواء عشان "غلطة كتابة"! 💸 دي قصة حقيقية مع شركة إعلانات اسمها Cross Screen Media.. كانت بتشغل حملة لسيناتور أمريكية اسمها "سوزان كولينز" من ولاية (Maine)، والمفروض الإعلانات تظهر في (Portland) اللي في ولاية Maine.. بس حصل غلط في التركيز، وشغلوا الإعلانات في (Portland) اللي في ولاية تانية خالص اسمها (Oregon)! 🤦‍♂️ والنتيجة كانت كارثية! الإعلانات راحت لناس في ولاية تانية ميعرفوش سوزان كولينز، والفلوس طارت، والشركة اضطرت ترجع الفلوس للجهة الممولة بعد ما الكارثة حصلت. الدرس العملي: "الاستهداف الجغرافي (Geotargeting) مفيش فيه هزار، والغلطة فيه بفورة." عشان متكونش أنت بطل القصة الجاية، ركز في الـ Checklist دي: ✅ راجع إعدادات الاستهداف مرتين وتلاتة قبل ما تدوس Launch. ✅ اعمل قائمة فحص (QA Checklist) ثابتة لكل حملة، متعتمدش على ذاكرتك. ✅ اتأكد من اسم المنطقة بالولاية أو الكود الجغرافي (ممكن تلاقي مدينتين بنفس الاسم في ولايتين مختلفتين). ✅ ابدأ بميزانية صغيرة للتأكد إن كل شيء تمام قبل ما تفتح الميزانية الكبيرة. ✅ راجع الحملات اللي "شغالة فعلاً" — أحياناً الأخطاء القديمة بتفضل تسحب ميزانية وأنت مش واخد بالك. ركز في التفاصيل الصغيرة.. عشان متبقاش "غلطة صغيرة" بتكلفك آلاف الدولارات! 🚀🎯

مش كل حاجة مكتوب عليها "AI" تبقى هي الحل السحري اللي هيوفرلك ميزانيتك! 🚩 دلوقتي الدنيا مقلوبة على الـ Agentic Media Buying، والكل بيسوق لها إنها المستقبل اللي هيشتري مساحات إعلانية لوحده بذكاء خارق. بس خليني أقولك الحقيقة.. أكبر الناشرين في العالم زي NYT و The Economist و Newsweek لسه مفرملين نفسهم، وبيتعاملو مع الموضوع بشكل وحذر! وده لأنهم ببساطة لسة مش مستعدين يغامروا؛ لأن ببساطة "قياس العائد" (ROI) لسه مش واضح، وده مخليهم لسه مركزين على الطريقة التقليدية واللي هي مضمونة 100 مرة أكتر وأأمن فلو أنت صاحب براند أو مسؤول عن حملات إعلانية، نصيحة: ماتقعش في فخ الـ Hype أو الزيطة قبل ما تلتزم بأي تكنولوجيا جديدة، اسأل الـ 3 أسئلة دول: 1️⃣ إزاي بالظبط هيتم قياس الـ ROI؟ (عايز أرقام مش وعود). 2️⃣ إيه مستوى الشفافية في الصرف؟ (الفلوس بتروح فين بالظبط؟). 3️⃣ هل فيه "بايلوت" أو تجربة محدودة قبل ما نلتزم بميزانية كبيرة؟ القاعدة الذهبية: ماتستعجلش اعتماد حل تقني ملوش طريقة قياس واضحة، وركز مجهودك وفلوسك في القنوات اللي بتجيب عائد ملموس ومؤكد. الذكاء الاصطناعي أداة مساعدة ممتازة، بس مش هو اللي هيشيل مسؤولية ميزانيتك قدام الإدارة. خليك عملي.. ماتمشيش ورا الترند!

لو تحققت رؤية شركات الذكاء الاصطناعي، ونجح وكلاء الذكاء الاصطناعي في تمثيل المستخدمين تمثيل كامل عبر الويب، فهل سيكون لـ البيانات التي نجمعها عن سلوك الوكيل ظنا منا انها سلوك المستخدم أي قيمة! بمعنى آخر، هل سنثق فيها، أو في أي استراتيجية تم بناءها عليها ؟ طيب خليني أسال بطريقة أبسط: هل مثلا المنصات الإعلانية هتكون قادرة على الاستهداف بنفس الدقة للجمهور المهتم والمستعد لشراء منتجك؟ سبب السؤال هنا هو إنه لو بقينا بنعتمد على نموذج ذكاء اصطناعي في تحليل سلوك نموذج تاني، فالسلوك والرغبات والفهم الحقيقي للمستخدم النهائي صاحب القرار هيكون في خطر حقيقي!

جوجل بدأت تسمم (وكلمة تسمم دي مقصودة وصحيحة) بوتات الذكاء الاصطناعي! ⚠️ لو شغال SEO أو في أي تخصص من تخصصات التسويق، لازم تركز في اللي جاي ده عشان في تكتيك جديد لجوجل بيحصل في الكواليس هيضر بعملك لو مخدتش بالك. جوجل بدأت تستخدم تكنيك #تسميم_البيانات للوكلاء، ببساطة يعني بتبدأ تحقن بيانات غلط أو مضللة في نتائج البحث. طيب وده ليه؟ ببساطة عشان تضايق البوتات اللي بتعمل Scraping للنتائج طيب وإي المشكلة؟ المشكلة إن أغلب أدوات الـ SEO والـ AEO اللي بنستخدمها بتعتمد على البيانات دي.. يعني احتمال كبير تكون الأرقام اللي بتشوفها في الداشبورد عن ظهور البراند بتاعك "وهمية" أو مش دقيقة. طيب تعمل إيه عشان ماتتغفلش وتطلع تقارير غلط لعملائك؟ 1️⃣ ماتثقش في داشبورد واحدة: لو بتعتمد على أداة واحدة بس لمتابعة ترتيبك، إنت في خطر! عشان كده نوَّع مصادر بياناتك. 2️⃣ الـ Search Console هو الأساس: ركّبه كمرجع أساسي ومباشر، لأن دي البيانات اللي جاية من جوجل نفسها مش عن طريق وسيط أو بوت. 3️⃣ التجربة اليدوية: خد عينات من الكلمات المفتاحية وجرب تبحث عنها بنفسك على وضع الـ Incognito عشان تقارن الواقع باللي الأداة بتقوله. 4️⃣ اسأل شركة الأداة: ابعت لـ Support الأدوات اللي مشترك فيها واسألهم: "إزاي بتتعاملوا مع الـ Data Poisoning بتاع جوجل؟" وشوف ردهم. 5️⃣ ظبط توقعات عملائك: عرّفهم إن أدوات القياس الخارجية حالياً فيها نسبة خطأ، وإن الاعتماد الكلي هيكون على البيانات المباشرة. الخلاصة: الزمناللي كنا بنثق فيه في أرقام أي Tool بنسبة 100% انتهى. اللي هيصمد هو اللي بيعرف يحلل بمنطق ويراجع بياناته يدويًا. راجع تقاريرك النهاردة.. قبل ما تكتشف إن الأرقام كانت مجرد وهم وسراب! 🚩

الطريق إلى ازدهار الذكاء الاصطناعي مرسوما ومحددا مُسبقا بجودة وازدهار المحتوى البشري! فلو تأثر الثاني، فالأول سيلحقه اليوم أو غدا!

بخصوص التموضع... التموضع ليس عبارة واحدة تصيغها ثم تعمل على تحقيقها في ذهن العميل، بل هو مركب من عشرات العوامل التي يقدرها العميل ويعتبرها أساسًا لاتخاذ قرار الشراء. وللوصول إلى التموضع بشكل صحيح، ابدأ دائمًا بهذا السؤال: ْمنتجي، على أي أساس، وما العوامل والمؤثرات والدوافع التي تحرك العميل للشراء؟ بعد ذلك، ببساطة، اختر لنفسك مكانًا في كل عامل من هذه العوامل، وفي النهاية، سيمثل هذا المركب والمزيج تموضعك في السوق. وهنا بالتحديد يجب أن نشير إلى قيمة الاستراتيجية التسويقية، وضرورة فهم وخبرة وذكاء من يُعدّها لك؛ لأن السوق يعج بمن يستخدمون الذكاء الاصطناعي لوضع عبارات التموضع بشكل سطحي، ويعج بمن يسألونك عن تموضعك وينتظرون من شخص غير مختص — قد لا يعلم أساسًا ما هو التموضع — أن يجيبهم عنه ببساطة. والقلة القليلة هم من سينتهجون النهج الذي ذكرته لك، خطوة بخطوة، وباحترافية شديدة.

عجبتني النصيحة: لا تأخذ رأيه في أي شيء !

لو لسة مقريتش الكلام ده ... بالله عليك تقراه

أعرف أن هذا الرأي غريب، ولكن صدقني، هو أكثر الآراء عملية ستقرأها... ليس هناك دليل واضح وموحد يدلك على المنصة الأنسب للإعلان عنها لعملك، سوى: - ميزانيتك الإعلانية، - وقدرتك الإنتاجية، - وتكلفة النتيجة، - والبنية التحتية لديك. العوامل الأربعة هذه هي التي تحركني أنا شخصيّاً في اختيار المنصة الإعلانية. فلا نوع العميل يؤثر، ولا كونه ذكراً أو أنثى، ولا كونه كبيراً أو صغيراً، ولا كونه غنياً أو فقيراً، ولا كونه يبحث أو لا يبحث، ولا كون منتجك معروفاً أو غير معروف، ولا كونك تجارة إلكترونية أو مطعماً أو عملاً يحتاج لتوليد عملاء محتملين! كل هذه العوامل لن تكون مؤثرة بقوة عند اختيارك للمنصة! وإنما… 1- هل لديك ميزانية تكفي لتشغيل 3-4 منصات؟ وأقصد بالتشغيل هنا أن تكفي ميزانيتك للمنافسة والمزايدة ثم تحقيق النتيجة المرجوة. 2- هل تستطيع إنتاج فيديوهات وتصاميم؟ 3- هل لديك صفحة هبوط، أو ربط تقني بين المنصات والواتساب مثلاً؟ 4- هل تكلفة النتائج متقاربة أو شديدة التفاوت بين المنصات التي أطلقت عليها إعلاناتك؟ عدا ذلك -سامحني- مجرد تنظير!

الكمال ووساوسه... كيف يمكن أن يؤثر عليك كمدير تسويق أو صاحب مشروع يتسلم أعمالًا إبداعية من مقدمي الخدمات أو الموظفين لديك؟ وكيف تتخلص منه بطريقة عملية وبسيطة؟ في هذا المقال أجيبك على ذلك بإذن الله... بالتوفيق🌱 moamencsm.com/blog/%D8%AA%D8…

لماذا لم نعد نصادف هذه الحبكات اللفظية الماتعة على الإنترنت؟

عجبتني ...

لم أرَ أقوى ولا أكفأ من تقديم الإثبات على ما تدعيه، ووفائك بما تعد به كأدوات لتعزيز الثقة في علامتك التجارية!

تجربتي أنا الشخصية تؤيد هذا الكلام، بل وأزيد عليه ... في فترة ما لم يكن عندنا مُصور، فاضطررنا لإنتاج الهوك فقط بالذكاء الاصطناعي، وباقي المحتوى رولينج على المنتجات باستخدام فويس اوفر مصنوع بالذكاء الاصطناعي ، ومكتبة فيديوهات مُصورة من قبل الحقيقة إن النتيجة كانت مُحبطة جدا جدا جدا ولما وظفنا مُصور، وطلبنا منه أن يعلق ويصور صور حيَّة تحسنت النتائج حقيقة بشكل كبير