محمد همدان المري

الشاعر الكبير محمد الشمالي رحمه الله : الخميس اللي لبس ثوب الحزن و اعلن حداده قلت له وش فيك ليه و وش بلاك و قال ودّه من ظلامه يستفز اخر ظلام و من براده الهبوب اللي من القطب الشمالي مستهدّه وآعذاب اللي سهر ذاك الخميس ويا هجاده وان بغيت الحق ياقو الظروف اللي تحدّه انولد حلم الفقير و مات عاده في مهاده لا قطع ياسه ولا وصل الطموح اللي يودّه وانت يا اللي تدعي فن المعرفه و القياده وش تقول لمن فتح له باب و ازرى لا يسدّه لا تقول انه طلع عقب انور السادات ساده ان بغيت تعدهم والله ما تلقى اللي تعدّه والبعير اللي مع زمل البدو يزهى شداده صفقو له و انثنا راس البعير لصوب بدّه قلت احاول لـ اجل اصحح نظرته و اطلق قياده واكتشفت انه لا زال يعيش في جلباب جدّه وش حشرني جعل ذيب مصلخه ياكل فواده وانت لا طاح الجمل يا راعي السكين حدّه الردا و الذل والراي المخالف و القراده تدفع الرجال ياقف ماقفً ماهو بقدّه والرفيق اليا غدت عينه مثل عين الجراده خل من بينك ومن بينه صحاريً مجرهدّه لو تحدك حاجتك تقضي العمر صبر و جلاده ان قدرت تعيش من دون البحر ولا تعَدّه صاحبي لهمتني الله يلهمك الشهاده مثل ماجبت الخبر يا مودي الأخبار ودّه لا غريب الا الغريب اللي غريبً في بلاده والحضور اللي مايغني عن غيابه لا تعدّه خل هامات القصايد تنحني لـ عيون غاده عيطموسً تذبح العشاق بـ سهوم المودّه إن تمادا صمتها و ان سولفت سكر زياده مستعده تغرق الدنيا حلاوه مستعدّه والقصيد اللي ما صار لـ جيدها مثل القلاده ويش ابي به لا رحم جد القصيد وجد جدّه