شكلي صدق شيبت كنت أكره اذا ارسلت لاحد كلام كثير ولا يرد عليه كله
يرد فقط على جزئيه معينه
صرت اسويها انا هههههههههههه!!
ماتوقعت ذا اليوم يجي
تذكرتها
ما اظن في حياتي احد نظر لي مثلها
تنظر لي بنظرة في حياتي ما ظنيت احد ينظر لي بها اظن شافت مني جزء تمنيت احد يلاحظه وفي نفس الوقت ما ابي هالنظره الا انها تشوف فيني شي مهوب في العرب وللان مستغرب كيف مثلها يشده مثلي ما اقلل بنفسي بس هي مثل الؤلؤه النقيه وانا العكس
افكر مستحيل أتزوج وقلبي وروحي بهالحاله بظلم قلب مليحه قلبي
يمكن تقرأ في حسابي وتنصدم من كلامي بس الرغبات لا تكفي للزواج
احيان الانسان ماعنده طاقة الا لتحمل مسؤولية نفسه وياليته يقدر بعد
وهي تبي من يحفظ قلبها بكفينه ويضمه عن الدنيا ونكدها ويلطف بروحها
ما للمحارب المجروح طاقه
طرا علي امي يوم تسولف علي
تقول الاولين منول يقولون ان الموت كان طايح في بير! جات عجوز للبير وقال لها طلعيني واذوقك شي ماعمرك ذقتيه طلعته وذبحها
وجدي على العجوز تبي الحياة ذاقت شي ما عمرها ذاقته هههههههههههه
ياكثر الجهل منول والاساطير
فيه كلب بائس مسكين ما يهش ولا ينش جاي بالحارة امي تقول اطرده وتسمع صوته يوم يعوي بحزن عووووووو
تقول الاولين يقولون هذا يعني ان فيه احد بيموت! قلت هذا تطير يمه ولا يجوز قالت ادري بس منول يقولونه
قلت مب صحيح ومنول حتى الغربان يتطيرون بها ويقولون فال سيئ
هاذي اول سنة اكتب لي اهداف احققها
تحمست وقلت بقرأ ٢٤ كتاب في هذه السنة 🦧 مر على بدايتها ٥ شهور ولا خلصت الا ثنين واصلا بادي فيهم قبل بداية السنة
هاذي والله البلشه
تو انتهيت من
الفوائد لابن القيم
المحاسن والأضداد للجاحظ
