ْ

أبوي قاعد يعلمنا أن كل شيء يزيد عن حده ينقلب ضده وعزز مقولته بمثال "البنت اللي تكثر مكياج بدل ماتطلع أحلى تصير أشيّن" قالت له أمي ممم ماشاءالله وأنت وين شايفها تكفين يايمه مو وقت غيرة نبي نتربى

شيء غريب أن الأيام الحافلة تصدّق مرة أنها حافلة وتدعسك

نتي صاير بطيء مرة على غير العادة وأتصلت على موبايلي بشوف وش السبب ورد علي حساوي وهذي كانت أول مرة بحياتي أشوف شيء أبطىء من نتي

أهلي مسوين فيمتو بموية زمزم والله ببكي يحسبون كذا بتصير فيه بركة ومابيضرهم صبوا لي ماتيسر بس

واحتسب الاجر لوجه الله وانا شاريه فستان مايرضي الله

ماتهاوشنا بس ننادي بعض تعالي ياعسل هاه ياحلو وش وش تبي يا أحلى أخ ، طلعنا مانعرف أسامي بعض

في ثنتين متان بالنادي يتناقشون عن وحدة نحيفة مرة والأولى قالت غريبة هذي ليش تدخل ايروبيك معنا تحرق ايش ؟ قالت الثانية تحرق قلوبنا 😭😭😭

اقسم بالله يالساوند كلاود هذا اخر يوم لك بجوالي نمت بسكينة وانا اسمع سورة الملك صحيت على صوت ساجدة عبيد وهي تقول لحم لحممم لحممممممم ابي لحم الله يخرشها دورته تحت السرير مالقيته

مشاركتي👇🏻🎆

لا تتمرنون مع طالبات تخصص الرياضيات اوريها التمرين واقولها الحين نرفع رجلنا بزاوية ٩٠ درجة تقول بس هذي مو ٩٠ هذي ٧٠ وزاوية حادة ارفعي اكثر علشان تصير قائمة ومقدارها ٩٠ طيب اسفة اعذريني جاهلة بالمقادير بس بإذن الله بكرا بجيب منقلة وارْرقها فيك

فوائد السواق السوداني : ١- يخاف على السيارة اكثر من ابوك ٢-يهدي قبل المطب بثلاثة كيلو ٣-يعرف كيف يقنعك تكنسلين ٥٠٪ من مشاويرك ٤-عندك موعد الساعة ١٠ تطلعين من ٥ ٥- ماتشيلين هم تتاخرين عليه لان يبيله وقت عشان يقنع اعضائه ان وراهم طلعه ٦-تقدرين تحطين مناكير بالسيارة

الواحد إذا شم ريحة النعناع يترك أزماته ومشاكله الوجودية على جنب شوي

السواق مايرد ولما كلمت اخوي قال مشغول قلت طيب وانا من بياخذني قال الله

قدمت برزنتيشن عن التنمر وانا ما انادي اختي الا يام رأس

ولد عمتي صار كابتن رسمياً وكلهم طايرين فيه جات بنت عمي الممرضة قالت شفيكم انتم تراه سواق بس بالجو قلت طيب وانتي شغالة بس بالمستشفى قالوا شف شف السباكة مسويه محامية نقاش ٥ دقايق فيه ٣ حالات تنمر ١ صياح واللي هي انا

ابوي وهو جاي مع اختي قال جبت الدبة معاي زعلت ومارضت تتغدا وبعد ما حاولنا فيها وافقت وهي داخلة سمعت ابوي يقول وين الدبة كملت زعلها وماتغدت وبعد ماخلصنا قال جيبوا الدبة من الثلاجة نذوقها