Parimal Heda

पुण्यात डीजेच्या वापराबाबत सुरू असलेल्या वादाविषयी एका पत्रकार मित्राने माझे मत विचारले. या विषयावर अनेकांनी आपापली मते मांडली असल्याने त्याची पुनरावृत्ती करण्यात मला विशेष स्वारस्य नाही. मात्र, चर्चेत पुरेशा स्पष्टतेने न आलेली एक मूलभूत वस्तुस्थिती लक्षात घेतली पाहिजे. ध्वनीप्रदूषणासंबंधीचे कायदे आणि नियम हे केंद्र शासनाने केलेले आहेत. त्यामुळे त्यांचे उल्लंघन करणे म्हणजे केंद्र शासनाने घालून दिलेल्या कायदेशीर चौकटीचाच अवमान होय. व्यापक अर्थाने तो संसदेने निर्माण केलेल्या कायदेव्यवस्थेचा आणि त्या कायद्यांची अंमलबजावणी करण्याची जबाबदारी असलेल्या केंद्र सरकारचाही अवमान ठरतो. त्यामुळे महापौर असोत, कोणत्याही राजकीय पक्षाचे पदाधिकारी असोत किंवा इतर कोणीही प्रभावशाली व्यक्ती असो—ध्वनीप्रदूषणविरोधी कायद्यांच्या अंमलबजावणीला विरोध करताना आपण प्रत्यक्षात केंद्र शासनाला विरोध करीत आहोत, याची जाणीव त्यांनी ठेवली पाहिजे. -महेश झगडे