دائماً أحس إني أميرة وما يليق عليا إلا أمير فـ يارب طلبتك لا تردنـي.

لما يكون كل همّك إن الناس ما تتكلم عليك وتضحك عليك،لدرجة تطلب مني أختار وقت أعصّب فيه وأعبّر عن زعلي،اعرف إنك مهتم بصورتك قدام الناس أكثر من اهتمامك بوجعي أنا مو مطالبة أكتم مشاعري عشان أحافظ على كرامتك،ولا زعلي إهانة لك اللي يحبني يحتوي مشاعري،مو يخلّيني أحس إني عار لازم يتخبى

علّمتني أنت قبل الحياة إن أي شيء ما أرتاح فيه، أسحب نفسي منه، وإن راحتي وسلامي النفسي ما أساوم عليهم، لا عشان أحد ولا حتى عشانك، وإنّي ما أجي يوم على نفسي عشان أحافظ على شيء يستنزفني. شكرًا لأنك، من حيث لا تدري، وصلتني لمرحلة أختار فيها نفسي أولًا💚.

كنت لنفسي كل شيء في الوقت اللي احتجت فيه كل شيء، كنت السند والقوة والأمان لنفسي، وكنت الحضن اللي ألجأ له كل ما ضاقت فيني الدنيا،وببقى لنفسي كل شيء، ما دمت أتنفس؛ ما راح أنتظر أحد ينقذني، لأني تعلّمت كيف أنقذ نفسي كل مرة🤍.

والله فعلاً ما أستحق أكون أخر الأهتمامات والله الحب أفعال وأهتمام قبل الكلمة وربي حتى فتعب أكون بعد المهم فحياته ليه حقيقي ليه؟ ليه انا دايماً كنت أخليه الأهم والحين انا الأخيرة ليه؟ حقيقي الحمدلله على كل حال الحمدلله دايماً وأبداً.

اتعودت أعطي أكثر مما آخذ، وأهتم بغيري وأهوّن على نفسي، لين أهملت عواطفي واحتياجي. كنت أشيل همّ الكل وأنسى نفسي، لين استنزفت روحي. غلطتي إني أعطيت أكثر مما يستحقوا، ونسيت إن لنفسي عليّ حق، وإن كثرة التنازل تخلي الناس تنسى إنّي كمان أستحق الاهتمام.

يا رب لك الحمد على ما أعطيت ولك الحمد على ما منعت ولك الحمد على ما مضى ولك الحمد على ما هو آتٍ اللهم إني أحمدك بقلبٍ ممتن ولسانٍ ذاكر ونفسٍ راضية بقضائك فلك الحمد حتى يبلغ الحمد منتهاه. الحمد لله على كل شيء، الحمد لله دائمًا وأبدًا، الحمد لله حمدًا كثيرًا طيبًا مباركًا فيه. 🤍🤲🏻

مافي شيء اسمه«أنا رجال ومن حقي أسوي اللي أبغاه»الرجولة مو بكثرة العلاقات ولا بلفت انتباه كل بنت،الرجولة إنك تعرف تكتفي بالمرأة اللي اخترتها،وتحفظ قلبها وكرامتها حتى في غيابها.الرجل اللي يحب بصدق،ما يشوف الوفاء تقييد لحريته،يشوفه احترامًا لنفسه وللإنسانة اللي اختارها شريكة لحياته

يوم تحس إنك مو فمكانك والمكان بارد عليك مو قادر تتحمل برودته منتا عارف تجلس مرتاح قووم بدون لا تفكر أكيد بتلقى مكان تاني دافي وحنون وترتاح فيه ودايماً مرحب فيك فيه ما أقصد المكان فعلاً.

أبغى أرجع أستمتع بالأشياء البسيطة، وأضحك من قلبي، وأتحمس لبكرة، وأبني حياة أحبها، وأصير إنسانة مرتاحة مع نفسها، مو معلّقة راحتها على رسالة، أو اهتمام، أو وعد، أو وجود أحد. أؤمن إن الحب الحقيقي يُحسّ، مو يُطلب، وإنّي أستحق أعيشه بكل تفاصيله. 🤍

واتذكر دائمًا: أنت تدعو ربًا إذا أعطى أدهش، وإذا جبر أذهل، وإذا عوّض أنسى، وإذا كتب لك الخير ساقه إليك من حيث لا تحتسب. ثق بربك، فوالله ما خاب قلبٌ أحسن الظن بالله، ولا ضاع عبدٌ جعل رجاءه في الله. 🤍🌿

التواريخ المميزة تتكرر كل شهر الا الشخص المميز دا فرصة تجي مره وحدة للأنسان المحظوظ وممكن تتحول حياته من كآئبة لحيات فعلاً يخليه يحب الدنيا.

بمناسبة هذا التاريخ المميز اعلن ان يومي زي الزفت وحياتي كلها زفت واختياراتي ازفت اقسم بايات الله هلكني القهر والحزن وربي ياريتني ما حطيت نفسي هنا من البداية.

سرت أكره أصحى وأحب أنام والله ادري غلط بس أحسني مستنفزة للحد اللي ايش يحمس اصحى عليه ياريت على قد ما استنزفت نفسي فالحب اخدت ولا مره اتحمست اقوم اتكلم ولا انتظرت وقت النوم عشان اتكلم ولا حبيت الاهتمام ولا الحُب من زمان ما أحبه ولا اتغيرت نظرتي فيه ابداً ليه يسير معايا كذا؟

كل مره أحط نفسي فنفس المكان وأرجع لنفس الدوامة كأني راضية اشوف نفسي تتعذب من نفس المكان اللي كل مره تتأذى منه،طيب ليه أسوي فيني كذا؟

تذكري دائمًا: أنتِ تبغين رجلًا يتحدى العالم كله عشانك، أنتِ تبغين رجلًا ما يسمح للعالم إنه يغيّره عليك. 🤍

حسبي الله في كل شيء عجزنا عن تغييره، وحسبي الله في كل وجعٍ لم نستطع شرحه 😪🙏🏽 «يا رب، أنت أعلم بما في قلبي، وأنا لا أملك إلا أن أضع أمري بين يديك، فدبّر لي فإني لا أُحسن التدبير، واجبرني بما يرضيني، وارزقني الصبر والرضا واليقين.» 🤍

اللهم إني رضيت، فَأرضِ قلبي بما كتبت، وطمئن روحي بما قسمت، واجعلني أخرج من هذا الألم أقوى، وأهدأ، وأقرب إليك. 🤍

يارب يارب يارب 😪.

«اللهم أجرني في مصيبتي، واخلف لي خيرًا منها».