𝒮𝓎𝓇𝒾𝒶★

#كي_لا_ننسى لحظة الاعلان عن مقت ل جميع المختفين قسريا في #سجون_الاسد الذي تم توثيق من يقارب 100 الف شخص بينهم أطفال ونساء عدا عشرات الالاف غير الموثقين جميعهم من الغالبية باستثناء ٣ اشخاص مسيحيين #ما_تغير_شيء #كنا_عايشين

البحث عن الذات بالمناخلية... شكلك يا جولاني ضيّعت حالك وعم تدوّر عليها بالمكان الغلط! يا جماعة، شو قصة هالإصرار المفاجئ على إثبات إن الجولاني ابن دمشق وبيعرف حاراتها ومحلاتها؟ وليش كل هالاستعراض إذا كان الموضوع طبيعي وما فيه شي؟ كل ما حاول يقنع الناس إنه ابن هالأرض، بتطلع أسئلة أكتر من الأجوبة. حتى حكايات عمره وتواريخ انتقاله للعراق فيها تناقضات بتحتاج تفسير واضح. أما مسرحية المناخلية الأخيرة، فحدّث ولا حرج! عناصر بتروح قبل الزيارة، وبتسأل عن أقدم محل، ومرافق رسمي بيتصل بصاحب المحل وبيقله: السيد الرئيس بدو يحكي معك! وبعدها اتصال فيديو والسؤال الجاهز: تذكرتني؟ أنا كنت أجي لعندك! طيب يا سيدي، إذا القصة مجرد ذكرى عابرة، ليش كل هالترتيبات؟ وليش المنطقة بتتسكر، وليش الكاميرات جاهزة، وليش لازم صاحب المحل يتذكرك بهاللحظة بالذات؟ شو بدنا نفهم من هالمشهد؟ إننا أمام زيارة عفوية، ولا أمام محاولة إخراج مشهد لإنتاج ذاكرة دمشقية على قياس الحاجة السياسية؟ يا جولاني، السوري ما بيحتاج يعمل استعراض حتى يثبت إنه سوري، وابن دمشق ما بيحتاج يستأجر ذاكرة الناس حتى يقنعهم إنه بيعرف حاراتها. فالرئيس بشار الأسد ما كان محتاج يلف على المحلات ويقول لأصحابها: بتتذكروني؟ أنا ابن الرئيس! لأن الناس كانت بتعرفه وبتعرف محيطه من دون هالعروض ولم يكن بحاجة إلى استعراض زياراته القديمة للمحال والمطاعم كي يثبت أنه ابن دمشق. فالانتماء لا يحتاج إلى إخراج تلفزيوني، ولا إلى تلقين أصحاب المحال ما ينبغي أن يتذكروه أمام الكاميرات أما أنت، فكل ما حاولت تثبت إنك ابن دمشق، عم تفتح على حالك أبواب أسئلة جديدة. الهوية ليست بدلة رسمية، والانتماء ليس مشهد تلفزيوني، والجذور مو شهادة بيقولها صاحب محل محرجا تحت أضواء الكاميرات! #دمشق #المناخلية