روجين Rojin

اللي بيده أغلى من اللي بجانبه!

ياروميو..حتى بيت الله ماسلم من غرامك...❗

من كثر ماحيرني صرت اشك اني فاهمة الزواج غلط!

طيب والكرامة وين قطيتوها بالطريق...!

الرجال داخل بعلاقة وهي داخلة بعقد خدمات!

افحص حسابي واعطني روابط التغريدات الغير اصلية @grok

وحدة بنت معنا في الدوام تزوجت شخص غريب الاطوار، الاغلب يحسبة مليونير عشان سيارتة الفارهة وسكنة بفلل فاخرة... بس الصدمة ان الرجال ماينام اليل نهائياً ويقضي ليله كله يكتب بمعادلات برمجية غريبة على جدران الغرفة!! والاغرب ان زوجتة تقول انة يمنع دخول اي اكل من برا البيت ويعتمدون على طحين عضوي يوصلة بكرتون اسود بدون علامة تجارية كل اسبوع... والناس كلها حاسدتها على الرفاهية، واللبس والسفرات، وهي ميتة رعب من طريقته العجيبة بالتفكير وصمتة الطويل اللي كأنه قاعد يراقب شيء احنا مو شايفينه!.

وحدة من البنات الله يهديها جابت مقياس جديد للغيرة المجنونة... تقول انها كل اسبوع تسوي تفتيش دقيق لسيارة زوجها، واليوم لقت شعرة طويلة بالمرتبة اللي ورا، قامت اتصلت على اختة وخاصمتها لانها ركبت معه بدون اذن، والمصيبة ان اختة سافرت برا البلد من شهرين وماتدري وش السالفة اساساً.

اغرب طبع اكتشفتة في زوجي بعد الزواج، انه مستحيل يخلي جوالة يشحن بأي مكان في البيت...! عندة شاحن متنقل يجيبة طول اليوم، حتى لين ينام يحط الجوال تحت الوسادة وهو يشحن... سألتة بعفوية: لية ماتحطة على الكومودينة؟؟ قال: اخىاف تنفىجر البطارية!! يعني تحت وسادتك وانت نايم آمن من الكومودينة اللي تبعد متر!! التبرير يدوخ اكثر من التصرف نفسة.

توني راجعة من عزومة حمولتي ومازلت تحت تأثير الصدمة...! اخت زوجي اللي طول عمرها رسمية ومستحيل تمدح، اليوم وقدام الكل وقفت وقالت: فلانة هي اللي غيرت حياتنا للأفضل... طلع زوجي قايل لهم كل موقف وقفت معاه فية بدون مااعرف انه مكلمهم!! احياناً الصمت والوفاء يوصل بدون ماتتكلمين.

قبل فترة وانا باالجامعة شفت موقف يدوخ من الغرابة...! بنت كانت تمشي بالممر وجايبة معها شنطة غريبة جداً، فجأه فتحتها وطلعت منها كاميرا فورية قديمة ورسالة مغلفة بشمع احمر... راحت حطتها على طاولة فاضية ومشت بدون ماتتكلم ولاكلمة!! الفضول اكلني واللي معي ونبي نعرف لمين الرسالة، بس هيبتها وهي تتحرك بهدوء وغموض خلت الكل يطالع فيها ويسولف عنها طول اليوم.

اليوم وانا بالسيارة راجعة من الدوام، طرت على بالي فكرة غريبة بس لما استوعبتها ادركت كم هي حقيقة: نص الاشياء اللي نطارطها ونحس اننا نبيها، احنا بس عاجبتنا صورتها بخيالنا... وإلا لو دخلت حياتنا فعلياً بترهقنا وتغيرنا لأشخاص مانعرفهم.

جارتنا تطلقت من شهرين طبعاً كانت متوهقة اليوم في المواقف وسيارتها تعطلت وماكانت عارفة تتصرف... فجأة وقف شاب غريب شكلة مسافر او جاي من طريق طويل، المهم نزل الشاب بكل هدوء وساعدها تصلح المشكلة بدون مايكثر كلام ولاحتى ينتظر كلمة شكر ثم مشى بعدها وكان شيأ لم يكن...! التصرف هذا رجع لي الأمل ان الشهامة والذوق للحين موجودة.

طالعين نسولف ونتمشى وبنص الطريق جاء بوجهنا موكب شباب يسوون حركات غريبة ومريبىة بنفس الوقت، يرفعون جوالاتهم ويرسمون قلب بالهواء ويضحكون بطريقة تثير الشك...! البنت اللي تسوق بغت تلفت الطاره من التوتر ونحسبهم يصوروننا... يوم ركزنا زين طلعوا يصورون قطوة صغيرة متعلقة بالصدام الخلفي وحنا ولادارين عن الدنيا.

وحدة من البنات تقول: جارتي خطبها واحد ممتاز بس رفضتة عشان انه طالع في صورة البطاقة الشخصية ومو عاجبها شكلة فيها...! تقول اللي يطلع شيّن بالبطاقة اكيد بالواقع فية إنّ... الباقيات قعدوا يضحكون ومنصدمين من المعيار الغريب اللي بنت علية قرار عمر كامل.