RAJSTEE 3.O(ஸ்டிபன் ராஜ்)

ஆர்எஸ்எஸ் கும்பலுடன் கூட்டணி வைத்த நம்ம தோழர்கள் என்றுமே விமர்சனத்துக்கு அப்பாற்பட்டவர்கள். ஏன்னா They are more privileged even to criticize anyone's political stand. 1967: பீகார் உள்ளிட்ட மாநிலங்களில் CPI, ஜனசங்கத்துடன் இணைந்த காங்கிரஸ் எதிர்ப்பு கூட்டணி அரசுகளில் பங்கேற்பு. 1977: CPI(M), ஜனசங்கம் இணைந்த ஜனதா கட்சியுடன் தேர்தல் தொகுதி உடன்பாடு. 1989: வி.பி. சிங் தலைமையிலான தேசிய முன்னணி அரசுக்கு பாஜகவும் இடதுசாரிகளும் வெளியிலிருந்து ஆதரவு. இதையெல்லாம் இவங்க அம்பேத்கரிய இயக்கங்களுக்கு முன்னாடியே பண்ணிட்டு உடுவாங்க பாருங்க ஒரு பேய்க்கதை...இந்தியாவிலே ஏன் இந்த உலகத்திலே சங்பரிவார கும்பலுடன் கூட்டணி வைக்காத ஒரே கட்சினு 😂😂.. ஜோக்ஸ் அப்பார்ட் அம்பேத்கரிய இயக்கங்கள் எப்பொழுதும் இன்குலுசிவ் பாலிடிக்ஸை பேசுகின்றன. ஆனால் சாதிய சமூகத்தில் இருந்து வந்த கம்யூனிச மார்க்சிய பண்ணையார்கள் இன்றும் அதே பண்ணையார் தனத்தோடுதான் அம்பேத்கரிய இயக்கங்களை அணுகுகின்றன. இவர்களின் அரசியல் தலித்துகளுக்கும் தான்தான் அத்தாரிட்டி என்பதுதான்... உடனே வராதிங்க பெ.சண்முகம் மு. வீரபாண்டியன் லாம் யாருனு... அங்க உள்ள என்ன புகைஞ்சுட்டு இருக்குனு தெரியாமலாம் இல்லை. எல்லோருக்குமான அரசியல் தீர்வு அம்பேத்கரியமே. ஜெய் பீம் ! அல்லாஹு அக்பர்!! இன்குலாப் ஜிந்தாபாத்!!!

வர்க்க ஒற்றுமை பேசும் கம்யூனிஸ்டுகள்; சாதி ஒழிப்பில் நூற்றாண்டு காலத் தோல்விக்கு யார் பொறுப்பு? நேஹா போரா விவகாரத்தில் வட இந்தியாவில் அவரை விமர்சிக்கும் சில தலித் குரல்களை முன்வைத்து, தமிழ்நாட்டில் சில கம்யூனிஸ்டுகள் அம்பேத்கரையும் அம்பேத்கரிய இயக்கங்களையும் கேள்விக்கு உட்படுத்துகின்றனர். ஒருவரை விமர்சிப்பதற்காக ஒட்டுமொத்த அம்பேத்கரிய அரசியலையும் எதிரியாக நிறுத்த வேண்டிய அவசியம் என்ன? இதனால் யாருக்கு என்ன அரசியல் லாபம்? இந்தியாவில் சாதி இன்னும் ஒழிக்கப்படவில்லை. ஒரே தொழிற்சாலையில் வேலை செய்யும் தொழிலாளர்களுக்குள்ளும் சாதிய வேறுபாடுகளும் தீண்டாமையும் தொடர்கின்றன. பொருளாதாரச் சுரண்டல் பொதுவானதாக இருந்தாலும் சமூக ஒடுக்குமுறையின் அனுபவம் ஒன்றல்ல. சாதியால் பிளவுபட்டிருக்கும் உழைக்கும் மக்களை ஒன்றிணைப்பதற்கு, முதலில் அந்தப் பிளவுக்கான அடிப்படையான சாதிய ஒடுக்குமுறையை எதிர்கொள்ள வேண்டாமா? 1925 முதல் நூற்றாண்டுக்கும் மேலாக வர்க்க ஒற்றுமையைப் பேசி வரும் இந்திய கம்யூனிஸ்ட் இயக்கங்களால், சாதியைக் கடந்து உழைக்கும் மக்களை ஏன் முழுமையாக ஒருங்கிணைக்க முடியவில்லை? தொழிற்சங்கங்கள், விவசாயிகள் இயக்கங்கள், நில உரிமைப் போராட்டங்கள் எனப் பங்களிப்புகள் இருந்தாலும் சாதிய வன்முறையும் தீண்டாமையும் தொடர்கின்றன. தங்களது அமைப்புகளுக்குள் இருக்கும் சாதிய அதிகார உறவுகள், தலைமைத்துவம், பிரதிநிதித்துவக் குறைபாடுகள் குறித்து எவ்வளவு சுயவிமர்சனம் செய்திருக்கிறார்கள்? 1979 மரிச்ஜாப்பியில் ஜோதிபாசு தலைமையிலான மேற்கு வங்க இடதுசாரி அரசால் நாமசூத்திர தலித் அகதிகள் வெளியேற்றப்பட்ட வரலாற்றையும் கேள்வி கேட்க வேண்டாமா? ஒரு இயக்கத்தின் பங்களிப்புகளை ஏற்றுக்கொள்வது அதன் தவறுகளை மறைப்பதற்கான உரிமையை வழங்காது. சாதி என்பது பொருளாதார ஏற்றத்தாழ்வு மட்டுமல்ல; அது சமூக அதிகாரம், பண்பாட்டு ஆதிக்கம், அரசியல் பிரதிநிதித்துவம், மனித மாண்பு ஆகியவற்றோடு தொடர்புடையது. எனவே சாதி ஒழிப்பைத் தனது அரசியலின் மையத்தில் வைக்காத வர்க்க ஒற்றுமை முழுமையான விடுதலை அரசியலாக இருக்க முடியாது. கம்யூனிஸ்டுகளின் அரசியல் தோல்விகளைக் கேள்வி கேட்பது மார்க்சியத்திற்கு எதிரானது அல்ல. அம்பேத்கரியர்களின் தனித்துவமான அரசியல் உரிமைகளை வலியுறுத்துவது வர்க்க ஒற்றுமைக்கு எதிரானதும் அல்ல. நூற்றாண்டு காலத் தோல்விகளைச் சுயவிமர்சனம் செய்யாமல் அம்பேத்கரியர்களை எதிரிகளாக நிறுத்துவதால் யாருடைய விடுதலை சாத்தியமாகப் போகிறது? - தேசாந்திரி

75 ஆண்டுகாலப் பெருமிதம் பேசும் திமுகவின் பெண்கள் பாதுகாப்பு வரலாறு என்ன? “நாங்கள் 75 ஆண்டுகாலக் கட்சி! எங்கள் வரலாறு தெரியுமா? தாத்தா காலத்து திமுக தெரியுமா?” என எதிர்க்கட்சியினரையும் பொதுமக்களையும் இப்படியாக மிரட்டுவது திமுக உடன்பிறப்புகளின் வழக்கம். ஆனால், உண்மையில் திமுக யார் என்பதை அதன் ஆட்சிக்கால பதிவுகள் வழி பார்க்கலாம். NCRB தரவுகளின்படி பெண்களுக்கு எதிரான குற்றங்கள்: 2021 – 8,501 | 2022 – 9,207 | 2023 – 8,943 | 2024 – 11,363. குழந்தைகளுக்கு எதிரான குற்றங்கள்: 2021 – 6,064 | 2022 – 6,580 | 2023 – 6,968 | 2024 – 10,046. 2024-ல் மட்டும் 6,969 POCSO வழக்குகள்! குழந்தைகளுக்கு எதிரான பதிவான குற்றங்கள் 2021-ஐ ஒப்பிடும்போது 65.7% அதிகரிப்பு. இவை வெறும் எண்கள் அல்ல; சிதைக்கப்பட்ட பெண்களின் வாழ்க்கையும் குழந்தைகளின் எதிர்காலமும்! இத்தனை ஆண்டுகாலம் ஆட்சியில் இருந்த நீங்கள் பெண்கள் மற்றும் குழந்தைகளின் பாதுகாப்பிற்காக என்ன செய்தீர்கள்? சமூகக் கல்வி, பாலியல் கல்வி, பாலின சமத்துவம் ஆகியவற்றை வலுப்படுத்துவதில் உங்கள் அரசின் சாதனை என்ன? அன்பில் மகேஷ் மீதான பள்ளி அங்கீகார முறைகேடு வழக்கு, கே.என். நேரு தொடர்புடையதாகக் கூறப்படும் ரூ.634 கோடி வேலைவாய்ப்பு முறைகேடு விவகாரம் என உங்கள் கட்சியின் முன்னாள் அமைச்சர்கள் மீதான குற்றச்சாட்டுகள் விவாதிக்கப்படும் நேரத்தில் அத்தை கனிமொழி பெண்கள் பாதுகாப்பு குறித்துப் போராட்டம் நடத்துகிறார். குற்றச்சாட்டுகள் நிரூபிக்கப்பட வேண்டியவைதான். ஆனால் அவற்றிலிருந்து கவனத்தைத் திசைதிருப்பும் அரசியலாக இந்தப் போராட்டம் பார்க்கப்படுவதில் வியப்பில்லை. உங்கள் கட்சியின் முன்னாள் எம்.பி.யின் சாதியப் பதற்றத்தைத் தூண்டும் பேச்சைக் கண்டிக்கத் தயக்கம்; ஆனால் பெண்கள் பாதுகாப்பில் மட்டும் திடீர் அக்கறை! சமூகநீதியைப் பேசிய நீங்கள் இன்று சாதிய அமைப்புகளை அணிதிரட்டும் அரசியலையும் முன்னெடுக்கிறீர்கள். வட இந்தியாவில் எதிர்க்கட்சிகள் SIR விவகாரத்தில் மோடி அரசுக்கு எதிராகப் போராடிக் கொண்டிருக்கின்றன. இங்கே நீங்கள் உங்கள் கட்சியின் அரசியல் நெருக்கடிகளை மறைக்கப் பெண்கள் பாதுகாப்பை அரசியல் மேடையாக்கிக் கொண்டிருக்கிறீர்கள். கனிமொழி அவர்களே, பெண்கள் பாதுகாப்பு என்பது இன்று ஆட்சியில் இருப்பவர்களிடம் மட்டுமல்ல; இத்தனை ஆண்டுகள் ஆட்சியில் இருந்த உங்களிடமும் கேட்கப்பட வேண்டிய கேள்விதான்! 75 ஆண்டுகால வரலாற்றைப் பேசுவதற்கு முன், பெண்களுக்கும் குழந்தைகளுக்கும் நீங்கள் வழங்கிய பாதுகாப்பின் கணக்கைச் சொல்லுங்கள்! -தேசாந்திரி @KanimozhiDMK @mkstalin @arivalayam

சமூகநீதிப் போர்வையில் சாதிய அரசியல் நடத்தும் திமுக! சிறு சிறு ஜாதிக் கட்சிகளான பாமக முதல் தென்தமிழ்நாட்டில் பரவிக்கிடக்கும் சிறு குறு ஜாதிய இயக்கங்கள் வரை ஒண்றினைக்கும் திமுக ! இரண்டு நாட்களுக்கு முன்பு ஒரு பதிவில், 2012-ல் பாமக கட்டமைக்க முயன்றதைப் போல, தலித்துகள் இல்லாத ஓர் அரசியல் அணியை OBC சமூகங்களை ஒருங்கிணைத்து உருவாக்கி, தமிழ்நாட்டு அரசியலில் மீண்டும் ஆட்சியைப் பிடிக்க திமுக தயாராகி வருகிறதா என்ற கேள்வியை எழுப்பியிருந்தேன். முன்னாள் திமுக நாடாளுமன்ற உறுப்பினர் செந்தில்குமாரின் இந்தப் பதிவு, அந்தச் சந்தேகத்தை மேலும் வலுப்படுத்துகிறது. இன்று நடைபெறும் குருபூஜையை மையப்படுத்தி, OBC Vs தலித் என்ற முரண்பாட்டை அரசியல் ரீதியாகக் கூர்மைப்படுத்துவது எத்தகைய ஆபத்தான அரசியல்? ஓரளவுக்கு அமைதியாக இருக்கும் தமிழ்நாட்டில், சாதிய அடையாளங்களை மீண்டும் மோதலுக்கான அரசியல் ஆயுதமாக மாற்றுவதன் மூலம் திமுக சாதிக்க நினைப்பது என்ன? பெரியாரின் கொள்கை வாரிசுகள் என்று தங்களைப் பிரகடனப்படுத்திக்கொள்ளும் திமுகவினர், இத்தனை ஆண்டுகால ஆட்சியிலும் பெரியாரின் சாதி ஒழிப்புக் கொள்கைகளை OBC சமூகங்களிடம் ஆழமாகக் கொண்டு சேர்த்திருக்கிறார்களா என்ற கேள்வி எழுகிறது. பெரியாரைப் பேசுவதும், அண்ணாவைப் போற்றுவதும் அரசியல் மேடைகளுக்கான அடையாளங்களாக மட்டுமே சுருங்கிவிட்டனவா? உண்மையில், திமுகவின் சமூகநீதி பிம்பத்தைத் தொடர்ந்து பாதுகாத்ததில் விசிகவின் பங்கு மிக முக்கியமானது. திமுக ஆட்சியில் இருக்கும்போதெல்லாம் எங்காவது சாதிய ஆதிக்கமும், சாதியத் திமிரும் தலைதூக்கும்போது, ஆட்சியாளர்களின் மண்டையில் குட்டி, அவர்களின் சமூகநீதிப் பொறுப்பை நினைவூட்டியது விசிகதான். ஆனால் இன்று? திமுகவை கொள்கை ரீதியாக வழிநடத்தவும், அதன் அரசியல் தடம் மாறும்போது தட்டிக்கேட்கவும் விசிகவை போன்ற வலுவான குரல்கள் இல்லாத சூழலில், முனைமழுங்கிக் கிடக்கும் சாதிய முரண்பாடுகளுக்குக் கூர்தீட்டி அரசியல் ஆதாயம் தேட முயற்சிக்கிறதா திமுக? சமூகநீதி என்பது பெரும்பான்மைச் சமூகங்களைத் திரட்டிக்கொண்டு சிறுபான்மையாக ஒடுக்கப்பட்ட மக்களை அரசியல் ரீதியாகத் தனிமைப்படுத்துவதல்ல. சாதிய ஆதிக்கத்தை எதிர்த்து, ஒடுக்கப்பட்ட மக்களையும் உள்ளடக்கிய சமத்துவச் சமூகத்தை உருவாக்குவதுதான். திமுகவின் இன்றைய அரசியல் நகர்வுகள் இந்த அடிப்படைக்கே முரணாக இருக்கின்றன. பெரியாராவது, அண்ணாவாவது! எங்களுக்கு அரசியல் லாபம்தான் முக்கியம்; அதற்காக எந்த அரசியல் எல்லையையும் கடக்கத் தயார்! என்ற மனநிலையைத்தான் முன்னாள் நாடாளுமன்ற உறுப்பினரின் இந்தப் பதிவு பொதுவெளியில் வெளிப்படுத்துகிறது. இது வெறும் தனிநபரின் கருத்து என்று கடந்து செல்ல முடியாது. திமுகவின் இன்றைய அரசியல் திசை குறித்துப் பேச வேண்டிய பதிவு இது. -தேசாந்திரி @arivalayam @mkstalin @Udhaystalin @DrSenthil_MDRD What Bro❓❓❓