RedaGhanem (@RedaGhanem) header
RedaGhanem (@RedaGhanem) profile picture

محرر في موقع الأهلي دوت كوم https://teapaw.org/t.co/jO7E9CmBK8 معد في قناة الأهلي برنامج خط أحمر

Cairo, Egypt
Joined July 2009
Photo by RedaGhanem (@RedaGhanem)Photo by RedaGhanem (@RedaGhanem)Photo by RedaGhanem (@RedaGhanem)Photo by RedaGhanem (@RedaGhanem)Photo by RedaGhanem (@RedaGhanem)Photo by RedaGhanem (@RedaGhanem)Photo by RedaGhanem (@RedaGhanem)Photo by RedaGhanem (@RedaGhanem)Photo by RedaGhanem (@RedaGhanem)Photo by RedaGhanem (@RedaGhanem)
#تريكه_اسطوره_عربيه مين يكرهك مين ؟
18
905
29
1,422
عفت نصار: الكلام ده مينفعش أقوله، بس فيه شهود عليه أنا لما رحنا منتخب مصر 88، كنت أنا الفرود مجدي عبد الغني: 88 اللي هو كأس العالم 90 عفت نصار: المباريات اللي كانت بتتلعب في الأول، أنا اللي كنت بلعب فرود، مش حسام مجدي عبد الغني: وحسام كان بيلعب إيه؟ عفت نصار: مكنش، كان احتياطي مجدي عبد الغني: مش عارف أنا مشفتش عفت نصار: قعدوا اتكلموا معايا إسماعيل يوسف وأحمد رمزي وإبراهيم حسن وحسام، إن ، أنا نص ملعب كويس أوي. فقول للكابتن جوهري إن أنا عايز ألعب نص ملعب وما ألعبش فرود مجدي عبد الغني: تلعب فين نص الملعب؟ ده كان فيه وحوش أنا واسماعيل ييوسف وأشرف قاسم وأحمد الكاس عفت نصار: لولا الإصابة أنا ألعب على أي حد ولو موجود دلوقتي برضه ألعب على أي حد. مجدي عبد الغني: اصحى تلعب على أي حد مين عفت نصار: انت بتلعب ديفندر يا كابتن
46
13
4
141
49,331
مهيب عبد الهادي: رأيك إن المهندس هاني أبو ريدة يروح لمحمد صلاح ويسافر له ويقعد معاه؟ أنت كمدير فني في هذا التوقيت، أو عندك لعيب أو عندك زيدان وعمل حاجة، ورئيس الاتحاد سافر له وأنت موجود، وكنت مطالب أنت كمان إن أنت تسافر للعيب، رأيك إيه في الجزئية دي؟ الأسطورة حسن شحاته: ما يصحش إن هو رئيس اتحاد الكورة يسافر للعيب عشان يستسمحه مش يصالحه، يستسمحه إن هو يتغاضى عن اللي حصل، أنا مش راضي ومش موافق على سفر المهندس هاني أبو ريدة لتركيا عشان يصالح محمد صلاح. ده لعيب لازم يتصالح من خلال، من خلال الجزئية اللي هو فيها المهندس هاني أبو ريدراجل رئيس اتحاد الكرة ويقول الحق هو كمان يكلم الكلام ده ويقول لأ وما يصحش وما أعرفش إيه، لكن مش هسافر عشان يتغاضى عن اللي هو عمله مهيب عبد الهادي: هو طلب من الكابتن حسام إن هو يسافر ورفض لو طلب منك كمدير فني إن أنت تسافر للعيب، كنت ترفض ولا توافق؟ الأسطورة حسن شحاته: لأ، ما أوافقش أبدًا، أبدًا، ما أوافقش أبدًا، كنت لازم أرفض مهيب عبد الهادي: حتى لو محمد صلاح؟ الأسطورة حسن شحاته: حتى لو الجن الأزرق، مش هقولك حتى محمد صلاح، لو الجن الأزرق مروحش عشان أصالح لعيب مهيب عبد الهادي: ممكن لعيب يشيل مدرب؟ الأسطورة حسن شحاته: ما هو حصل أهو مهيب عبد الهادي: يعني أنت في وجهة نظرك إن حصل؟ الأسطورة حسن شحاته: اللي حصل أمال ده إيه؟ اللي حصل ده إيه؟ أنت تقدر تقول لي اللي حصل ده إيه؟ مهيب عبد الهادي: أنا ما أعرفش أقول الأسطورة حسن شحاته: لا تعرف تقول؟ لا ده أنت أستاذ مهيب عبد الهادي: وأنا مالي أنت عاجبك أنت الكلام إكرامي: و مش مسألة عاجبني الكلام، صح، لأن أنا قلت الكلام ده قبل كده مهيب عبد الهادي: هل ممكن إن لعيب كرة يبقى أقوى من المدير الفني؟ أقوى من اتحاد الكرة؟ الأسطورة حسن شحاته: ما إحنا فيها أهو، أمال اللي حصل ده إيه؟ مش فيها؟ مهيب عبد الهادي: بس أنا عايز أقول لحضرتك حاجة، مصر أقوى من أي حد مصر أقوى من أي حد، منتخب مصر هو اللي باقي
1
1
10
1,487
شواف يا اشرف المذيع: إيه اختلاف شيكوبانزا عن الموسم الماضي يا كابتن؟ أشرف حماده امام: شيكوبانزا بعد ما مشي بيزيرا ، بقى رمز لنادي الزمالك. الشباب الصغير بيحبه، الولاد الصغيرين بيحبوه. هو حس بالنجومية في نادي الزمالك بعد ما بيزيرا مشي حاسسبنفسه أكتر، حاسس بنفسه، أنت نادي الزمالك برضه الـ11 دلوقتي معندهمش النجم اللي باين أوي، كان بيزيرا واكل الجو شوية، عشان كده أنا متوقع لو الجفالي لعب ورقص له ترقيصتين هياكل الجو من شيكوبانزا فحاليًا شيكوبانزا واخد القصة دي ومن هنا أنا بقول برضه كانت حاجة لطيفة، السؤال العالمي اللي هو دايمًا الأندية المنافسة بتاخد إعلانات على لعيبة لسه رايحة لها وبتاع والكلام ده أنت عندك شيكوبانزا ده وجه إعلاني رهيب، على فكرة المذيع: ياخبر أبيض ده انت تكسب منه دهب أشرف حماده امام: الحاجات اللي هي العشوائية اللي بيعملها دي، ويعمل حاجات في راسه ويرقص ومش عارف إيه، ده أنت لو عملت له إعلانات هتكسب جامد جدًا دلوقتي بتجيب لعيب من الدرجة التانية وتعمل له إعلان بـ50 مليون و60 مليون لكن واحد زي شيكوبانزا ده، إعلانات رهيبة جدًا فتوح نفس الكلام دخلنا في حتة تانية
3
2
3
39
5,127
محمد الليثي عبر اون سبورت اف ام: ناصر منسي واحد من اللعيبة الطيبة جدًا جدًا، واللي حصل غلط، أنا مش مختلف إنه غلط، هو غلط، ولكن غصب عنه، هو بني آدم، هو بشر، هو مضغوط. ناصر منسي يغيب، ميلعبش، بره الإسكور، مش موجود، وأول ما يرجع يسجل وده اللي حصل الماتش اللي فات، ماتش الجيش الرواندي، مش موجود، مش موجود، مش موجود، مبيلعبش، مبيلعبش، وأول ما نزل راح جايب جول دي طاقة مكبوتة جواه. أنا مش معاه، أنا بقول اللي حصل غلط، لكن ما ن * بحوش بقى تحقيق، ويتمرن، يتمرن مع الفرقة، وخصم مش عارف مبلغ مغلظ، رفقًا بيه غرامة مالية مغلظة، ماشي، ، وهو قال: أنا متقبل ده، أنا متقبل، واعتذر ما ن * بحوش بقى، منخلصش عليه بقى، لأن هو فعلًا إنسان طيب، أنا أعرفه كويس، ويمكن كان ليا حلقة كنت عملتها معاه في أون، وكانت بيّنت مدى طيبة هذا البني آدم , لازم نبقى بالراحة شوية طب أنا هقول: لو لعيب معين، مش عايز أقول أسماء بقى بعينها، عمل كده، كان هيحصل كل ده؟ أتحدى، أتحدى، في اتنين تلاتة أربعة في الفرقة لو واحد فيهم عمل كده، والله ما كان هيحصل كل اللي بيحصل ده مكانش هيحصل إحنا منجيش على الطيب وندبحه. غلط، غلط طبعًا، لكن عقوبة مالية، ياخد عقوبة مالية حتى لو كانت مغلظة وخلاص انتهينا لكن إن اللعيب ميتمرنش مع الفرقة ويتحول للتحقيق ومش عارف إيه، العقوبة المالية، وفي إيه؟ غلط، غلط طبعًا، لكن بالراحة شوية
7
1
3
17
2,839
الزمالك ومن خلال بيانه الرابع بعد خسارته من الأهلي في الجولة السادسة بثنائية محمد هاني وبقرار قال ثانيًا: التنسيق مع اتحاد الكرة لإرسال وفد من النادي للاستماع إلى تسجيلات غرفة تقنية حكم الفيديو المساعد (VAR) الخاصة بالمباراة، للوقوف على ما دار داخل الغرفة وأسباب عدم تدخل التقنية في الحالات التي أثرت على سير المباراة ونتيجتها. "وأسباب عدم تدخل التقنية في الحالات التي أثرت على سير المباراة ونتيجتها" الزمالك عاوز يعرف ليه حكم الفار متدخلش في بعض اللقطات، مع أن قانون كرة القدم بيقول اصلا عادي، آه عادي قانون كرة القدم في القصة دي بيقول صلاحية أي مباراة لا تتأثر "​من حيث المبدأ، لن تتأثر صلاحية المباراة بسبب: ** ​عطل (اعطال) في تقنية حكم الفيديو المساعد (كما في تقنية خط المرمى) (GLT) ** ​قرار (قرارات) خاطئة تتعلق بحكم الفيديو المساعد (على أساس أن حكم الفيديو المساعد هو حكم).. ** ​قرار (قرارات) عدم مراجعة حالة. ** ​مراجعة (مراجعات) حالة أو قرار غير قابل للمراجعة. ​عجز مشغل حكم الفيديو المساعد (VAR) أو مساعده (AVAR) أو مسؤول إعادة التشغيل يعني عادي لو حكم الفار مراجعش حالة المفروض كانت تتراجع او راجع حالة بالخطأ، فانت عاوز تسمع عشان ايه؟ عشان تقول ان المباراة كده فيها خطأ ويالا نعيد الماتش ، لأ مفيش منه الكلام ده حسب القانون أنا بقى مع عرض "كل" محادثات الفار وكل حاجة تتسمع وتريح كل الناس وتبقى كده في فيديوهات محترمة والناس في لجنة الحكام يشتغلوا بقى زي ما الكتاب بيقول وهرجع تاني وتالت اللي قاله المهندس هاني أبوريدة في مايو اللي فات انه عاوز يعمل التجربة الانجليزية في تحليل الأداء التحكيمي بس اللي بنشوفه دلوقتي دي الطريقة العصامية في فن التحليل وهنفضل نقول دايما انت خايف من ايه في ان الناس تسمع المحادثات ايه المرعب في ده ؟
1
5
1
43
2,382
المعايير المصرية كلمة جديدة في التحكيم المصري وطبعا دي حاجة جديدة لسه مشفنهاش غير اليومين دول ما تقول احتواء وخلاص لازم تكبر القصة وتغير الكلام عشان متبانش يعني بتقولولنا ان التحكيم في أمريكا الجنوبية او اوروبا او الدوري الهندي كل دوري له معايير؟ هل ممكن تشرحولنا يعني كله بيشتغل من دماغه ولا كله عنده زي ما بتقولوا تعليمات وفيه كتيب ارشادات او نشرات بتتبعت للجان التحكيم؟ طيب ما حدش يفتح IFAB يجيب قانون كرة القدم ويشوف كل حالة تنطبق عليها اي بند ولا اي كرة جاية بقى هنعمل زي حماده سلطان الكرة دي معيار مصري الكرة دي معيار برازيلي لااااا يا سيدي الكرة دي مخدنهاش لسه ايه يا جماعة اللي بتقولوه ده على الهواء ايه ده بجد بكره الكابتن أمين عمر الحكم رقم واحد في مصر رايح يحكم مثلا في دوري أبطال أفريقيا هيكون معاه المعيار المصري ولا المعيار ايه؟ انتم عاوزين تخلعوا من ان فيه حالة اتحسبت وحالة متحسبتش صح؟ ياباشا رضا عنده الحل وما تتعبش نفسك انت اللي بتحلل غلط في حالات كل أسبوع انت تعرض اولا حوار الحكم السلوفيني مع الفار في الكرتين اللي الزمالك عامل عليهم هيصة والناس هتشوف تفكير الحكم وتفكير حكم الفار وبعد كده طبق القصة دي على الحالات في الدوري المصري انت وقتها هتنقل للجمهور "معيار" الحكم شوفت بقى انا بحل معاك ازاي والجمهور بقى هو اللي يحدد المعيار ايه الإتحاد الأوروبي لكرة القدم في 28 يوليو اللي فات اجتماع الاتحادات الوطنية الـ55 والاتحاد الأوروبي وتم الإتفاق على إرشادات نحو نهج أكثر اتساقًا في تطبيق قوانين اللعبة يمثل إنجازًا مهمًا". وأضاف أنه سيساعد على تحسين فهم قرارات التحكيم بين اللاعبين والأندية والجماهير، وأن إزالة الشكوك وضمان تطبيق القوانين بوضوح أمر ضروري لشعبية كرة القدم. توافق المشاركون على ضرورة اتباع نهج أكثر اتساقًا في مشاركة حكام الفيديو (VAR). ووفقًا لتعديلات IFAB الأخيرة، تمت مشاركة تعليمات حول التفسير الصحيح لحالات "الهوية الخاطئة". وتم التأكيد على أن VAR يجب أن يتدخل فقط في حالات الخطأ "الواضح والجسيم"، وليس لإعادة تحكيم المباراة. المراجعات الطويلة والميكروسكوبية غالبًا ما تشير إلى أن القرار الميداني لم يكن خاطئًا بوضوح، ويجب الحد منها. التعاون مع قادة الفرق: تم التأكيد على أهمية تعزيز بروتوكول التعاون بين قادة الفرق والحكام لمواصلة تعزيز الاحترام للمسؤولين عن المباراة، بناءً على النهج الذي طُبّق بنجاح في يورو 2024 وبعدين في الآخر ايه المهم للكرة المصرية اي معيار نشتغل عليه؟
4
10
4
55
1,339
6 آراء تحكيمية لخبراء أجانب "مفيش أي ضربات جزاء للزمالك" ابقوا اعرضوهم بقى زي ما بتستعرضوا كل الآراء ‼️​‼️​ السوري جمال الشريف لموقع العربي الجديد ✅​ في الدقيقة الثالثة والستين، شن الزمالك هجوماً وتصدى الحارس مصطفى شوبير للكرة لتعود إلى محمد شحاتة بالقرب من خط المرمى، والذي أعاد رفعها عالية داخل المنطقة حيث يوجد مروان عطية وشيكو بانزا اللذين مرت الكرة من خلفهما، مما دفع شيكو بانزا للرجوع والقفز برأسه دون أن يتمكن من الوصول إليها بشكل مناسب، ودون أن يتعرض لأية مخالفة دفع؛ وبناءً على ذلك، كان قرار الحكم صحيحاً باستمرار اللعب لعدم وجود أي مخالفة تستوجب احتساب ركلة جزاء ✅​ في الدقيقة 78، رُفعت الكرة إلى الحدود الخارجية لمنطقة الجزاء وتنافس عليها مدافع الأهلي، أشرف داري ومهاجم الزمالك بانزا، الذي كان يتحرك بسرعة وأصبحت الكرة في الأعلى وخلفه فلم يبحث عن لعبها بل تحرك ليقف في مسار أشرف داري الذي كان يريد لعب الكرة برأسه. وسعى لاعل الزمالك إلى التوقف ومنح داري من الوصول إلى الكرة دون أن ينظر إليها. وعند الاحتكاك بادر بالسقوط داخل منطقة الجزاء لدفع الحكم إلى احتساب ركلة جزاء، ولكن قرار الحكم باستمرار اللعب كان صحيحاً لعدم وجود مخالفة من أشرف داري ‼️​‼️​ كيث هاكيت الحكم الدولي الإنجليزي والمدير العام السابق لهيئة حكام البريميرليج لقناة أون سبورت: ✅​ أود أن أوضح أنني لن أحتسب ركلة جزاء. ما نراه هو المهاجم يطارد الكرة، والمدافع يتبعه، حيث يقرر المهاجم أنه لن يملك فرصة لاستعادة الكرة، فيضغط على المكابح ويبطئ من سرعته، دافعًا المدافع الذي يطارده إلى الاحتكاك به، ثم يسقط أرضًا بحثًا عن ركلة جزاء ✅​ تكتيك أراه بانتظام في أوروبا، ومثل الكثيرين غيري، لن أحتسب ركلة جزاء في مثل هذه المناسبة عندما نعود مرة أخرى إلى المدافع الذي يمد ذراعيه، فهذه حركة حماية تقريبًا، إنه ليس دفعًا متعمدًا، لأننا مرة أخرى لا نرى ذراعًا مثنية تمتد أفقيًا في حركة دفع، ولذلك لا توجد ركلة جزاء ✅​ يجب أن نتذكر أولًا أن كرة القدم رياضة احتكاكية، فعندما تمرر الكرة إلى منطقة الجزاء عبر المرمى نحو القائم البعيد، وتلعب طويلة، وعلى الرغم من أنه ربما كان هناك بعض الاحتكاك بذراع المدافع، إلا أن القوة لم تكن كافية لجعل ذلك حكمًا بالخطأ ✅​ لم يكن للدفع تأثير يُذكر على المهاجم الذي وصل بعد ذلك لمس الكرة عندما ننظر إلى حادثة دفع، فإننا نبحث عن انحناء الذراع ثم استقامتها، ففي هذه الحالة فقط نعرف أن القوة قد أُعملت بالفعل لذلك، بالنسبة لي، لا توجد مخالفة تستوجب عقوبة، ولا توجد ركلة جزاء، والقرار المأخوذ صحيح ‼️​‼️​ الحكم السويسري أورس ماير في تصريحات خاصة مع الصديق حسام مصطفى ✅​ الكرة المشتركة بين أشرف داري وشيكو بانزا: "لم تكن بالتأكيد ركلة جزاء. اللاعب سقط من تلقاء نفسه، فهو من بحث عن الاحتكاك وسعى للحصول على ركلة جزاء، لكن في الواقع لم يكن هناك أي شيء يستدعي احتسابها" ✅​ أما عن الحالة الأخرى: "لم أرى سوى أن الحكم كان يجب أن يمنح اللاعب صاحب القميص الأبيض(شيكو بانزا) إنذارًا، وكانت هناك مخالفة عليه بسبب لمس الكرة بيده، لا أعرف لماذا لم يتخذ الحكم أي إجراء بشأنها" ‼️​‼️​ الخبير التحكيمي الإنجليزي مارك هالسي مع الصديق سيد نبوي عبر winwin ✅​ اللقطة الجدلية الأولى في الدقيقة 71 والتي شهدت التحام بين مروان عطية وشيكو بانزا، خلال تأتي الكرة العرضية، ويقفز اللاعب المهاجم، ثم يمسك حارس المرمى الكرة، التي تخرج بعد ذلك لاستئناف اللعب بركلة مرمى. لا أرى وجود مخالفة من المدافع ضد المهاجم تبرر احتساب ركلة جزاء. أعتقد أن المهاجم بالغ في إظهار تأثير الاحتكاك مع المدافع، ومن وجهة نظري، يجب استئناف اللعب بركلة مرمى ✅​ وعن مطالبات ﻻعبي الزمالك بالحصول على ركلة جزاء لصالح شيكو بانزا بعد التحام مع أشرف داري في الدقيقة 78، أوضح: "نرى المدافع والمهاجم يتجهان إلى منطقة الجزاء، بعد تمريرة بينية، ويتنافسان على الوصول إلى الكرة. يمكنكم أن تلاحظوا بوضوح أن المهاجم، الذي يرتدي القميص الأبيض، يتعمد إمالة جسده إلى الخلف والارتداد بجسمه نحو المدافع، ثم يلقي بنفسه إلى الأمام ✅​ من وجهة نظري، لا توجد ركلة جزاء في هذه الحالة. المهاجم يبالغ في إظهار تأثير الاحتكاك، وكما ذكرت، فهو يميل بجسده إلى الخلف باتجاه المدافع، ثم يقذف بنفسه في الهواء. لذلك، أرى أن القرار الصحيح هو استمرار اللعب وعدم احتساب ركلة جزاء
10
58
3
143
4,555
‼️​‼️​ الحكم التركي السابق سيركان شينار مع برنامج نمبر وان عبر سي بي سي ✅​ رغم اتكاء مروان على ظهر شيكو بانزا، إلا أن لاعب الزمالك لم يفقد توازنه في نفس موضع سقوط الكرة، لأنها بالفعل كانت خلفه، بل قفز باتجاهها وبالغ في إظهار تأثير الدفع البسيط ✅​ الدليل أنه لمس الكرة بيده قبل سقوطه على الأرض مباشرة، وهذا يؤكد أن قفزته في موقعه الأول أثناء الدفع لم تكن المكان المناسب للوصول إلى الكرة وتسجيل الهدف ✅​ شيكو بانزا يسقط بشكل مبالغ فيه أيضًا، والثنائي كانا في صراع على الكرة، وشيكو بانزا تعمد تصدير ظهره للمدافع، الذي ركز نظراته طوال اللعبة على الكرة المعلقة في السماء ويرغب في الوصول إليها ✅​ المدافع في هذه اللعبة لم يستخدم يديه من أجل ارتكاب مخالفة، بقدر ما كان يحاول حماية نفسه من المهاجم الذي يعود بكامل قوة جسده للخلف، وقد يرتكب مخالفة دون أن يشعر أنا أؤيد قرار استمرار اللعب وعدم احتساب مخالفة في اللعبتين ‼️​‼️​ الحكم الإنجليزي السابق جوناثان موس للصديق حسام مصطفى: ✅ عن الحالة الأولى ومطالبة الزمالك بركلة جزاء لصالح شيكو بانزا ضد مروان عطية: "ليس هناك أي خطأ على المدافع الأحمر، أعتقد أن احتساب لمسة يد سيكون هو القرار الصحيح من الحكم". ✅ الحالة الثانية بين شيكو بانزا وأشرف داري: "التحام طبيعي، ثم قام المهاجم الأبيض برمي نفسه على الأرض من أجل الحصول على ركلة جزاء".
1
4
9
367
السادسة بتوقيت زمالكنا الشريف الذي لا يفوز الا بمجهوده وبشقاه ⚡​⚡​ دي بقى في إذاعة الزمالك.. بتقول ايه ايوه في إذاعة الزمالك، اعترافات من محمد إبراهيم لاعب الزمالك السابق واللي لف في أندية كتير وبيفتخر انه في ماتشات مرديش يلعبها وحتى اللي لعبها وكان فريقه الإتحاد "راكب الزمالك" طلب التغيير عشان دايخ ‼️‼️ الحاجات دي نحطها في الملف بتاع أسامه نبيه وناصر فاروق وعفت نصار وصالح موسى "الملف ده جامد" محمد إبراهيم في لحظات جميل قال 3 وقائع 🤡​ المباراة الأولى ✅​ أول ماتش ليا ضد الزمالك وأنا في طلائع الجيش، الفريق الأول. قلنا المحاضرة في الفندق وأنا بادئ الماتش، وبعد كده مشينا، فدخلنا استاد القاهرة فأنا دايمًا بقفل الستارة، ففتحت الستارة فلقيت ولد صغير لابس التيشيرت بتاعتي وبيشاور لي وبيقول: أنا بحبك أوي يا محمد إبراهيم، والجمهور كله: يا كابتن محمد. ✅​ وصلنا أوضة اللبس، فقمت قايل للكابتن: يا كابتن عايزك. قالي: إيه؟ قلت له: يا كابتن مش هقدر ألعب. قالي: إيه؟ قلت له: مش هقدر ألعب الماتش. قالي: ما تهزرش، إحنا قلنا التشكيل. ✅​ قلت له: والله يا كابتن ما هقدر ألعب، أنا مش هقدر ألعب ضد الزمالك. اعتبرها زي ما تعتبرها يا كابتن، معلش، مشيها مصاب، مشيها مش قادر، عندي برد. ممكن كنت أنزل أسخن وأقول لك الخلفية شدت في التسخين، أنا ما بعرفش أكدب وأنت عارفني وأنا صريح واتوقفت بعد الماتش وملعبتش مع الطلائع ماتش تاني بس بالنسبالي مش مشكلة 🤡​ المباراة الثانية ✅​ أنا في الاتحاد السكندري كنا خلاص متألقين تألق مش طبيعي، وكاسبين بتاع حوالي ست ماتشات ورا بعض في الاتحاد، وهنلاعب الزمالك. ✅​ الماتش جه وأنا عندي إنذار، كان ساعتها إنذارين مش تلاتة، وفي الدقيقة 80 كده كنا لاعبين حرس الحدود عندنا وكسبانين والدنيا جميلة جداً، وفي الدقيقة 80 قمت واقف، فضلت واقف قدام الفاول لحد ما الحكم اداني الإنذار التاني ✅​ ما هو أصل دي مش هينفع أقول للجمهور مش هلعب، ومش هينفع وأنا نجم الفرقة ، مش هلعب، يا إما مصاب يا إما موقوف اتوقفت 🤡​ المباراة الثالثة ✅​ ماتش الاتحاد السكندري والزمالك 4/3 العجيزي جاب جونين تقريباً، وأوتوبونج جاب جون. أنا الشوط الأول طلبت تغيير برضه، لما ابتدينا نركب الجيم، احنا راكبين على الزمالك وأنا عامل ماتش جامد ✅​وفجأة كده قمت باصص لكابتن محمد عامر، قلت له: تمش قادر دايخ 🔥🔥 الحاجات دي ما حدش يعرفها على فكرة، دي أول مرة أقولها في حياتي، أول مرة أقولها في حياتي بجد والله؛ لأن الحاجات ‼️‼️ مذيع اذاعة الزمالك: الحاجة دي حصريات عايز أقول لك الزمالك بكل تأكيد بيزرع فينا كل واحد فينا حاجة كده، ما تعرفش، في ارتباط قوي غير طبيعي مع نادي الزمالك احنا لسه مخلصناش يا جماعة هتلاقوا في أول تعليق تقرير حلو هنعمله أبديت قريب
22
40
9
113
4,633
في ليلة من ليالي شتاء مصر الساخنة كان يا ماكان حسام حسن ضيف دائم في استوديو ام بي سي مصر وكانت بطولة الأمم الأفريقية شغاله وفي ماتش للمنتخب اتصاب صلاح والمنتخب قال هيغيب ماتشين وبعد كده بيان انه هيروح يتعالج في ليفربول ولو كملتوا يا رجالة صلاح هيلحقكم بس احنا خرجنا واصلا صلاح إصابته طولت قال حسام حسن ايه؟ اللي جاي ده كلام لما حد يقوله في استوديو عادي إنما لما تبقى في موضع مسؤلية يبقى لازم تنفذه " هقول لصلاح انت ممكن تتعالج هنا هتقعد هنا ولا تسافر، هيقولي هسافر هقوله خليك هناك ربنا يوفقك في ليفربول وهنا عندنا رجالة اذا شعرت ان محمد صلاح عاوز يسافر، يسافر وميرجعش تاني، خلاص انتهى الإصابة مكنتش قوية محتاج علاج طبيعي ومتوفر في المنتخب، الشد في العضلة الخلفية مش محتاجة الامكانيات الكبيرة بتاعت ليفربول" الشد مش محتاج تسافر ايه ده يعني الترتان اللي ينفع بقى
4
8
1
26
2,420
بالكاف ولا بالنون في واقعة جميلة كشف عنها الحكم المساعد الدولي السابق سامي هلهل في تصريحات لإذاعة اون سبورت اف ام مع الإعلامي هاني حتحوت القصة بترجع لماتش الزمالك ومصر المقاصة في يناير 2019 والموسم ده اللي كان فيه منافسة بين الأهلي والزمالك وبيراميدز الواقعة اللي حكام الحكم في الوقت الأخير من الماتش حازم إمام تلفظ ضد صلاح ريكو وهو تدخل واستدعى الحكم محمود البنا وفعلا طرده الحكم بيقول ان حازم إمام سب الدين لصلاح ريكو بس فيه مسئول في لجنة الحكام اتصل بيه وسأله "بالكاف ولا بالنون" قاله هو تلفظ وهي بالنون الحكم بيقول ان حازم إمام متعاقبش حسب اللايحة وقتها من 4-8 ماتشات وخد ماتشين بس مين كان مسئولين في لجنة الحكام كان عصام عبد الفتاح وعزب حجاج ووجيه أحمد وفعلا لجنة المسابقات برئاسة عامر حسين عاقبت حازم إمام ماتشين بس تفتكروا مين اللي قاله كاف ولا نون عشان يعدل العقوبة؟ عصام ولا وجيه ولا عزب؟
8
17
1
70
3,229
فلوس بيزيرا وصلت يا رجاله اللي مش هياخد فلوسه دلوقتي يبقى هو اللي غلطان الحقلك أي حاجة بسرعة
9
652
إبراهيم عبد الجواد: كابتن أيمن، أخيرًا زيزو ابتدى ينور مع الأهلي لما حطه عموتة النهارده ناحية اليمين أيمن يونس: نوع النور إيه اللي أنت هتقصده؟ الجون فرق، الجون فرق معاه جدًا طبعًا، هيديله ثقة جدًا، رغم إن التوقيفة لف بيها وعرف يتعامل مع جنش وحط كورة جون. هو كان محتاجه قبل ما الأهلي يكون محتاج الجون ده. أعتقد جون كان مفيد لزيزو جدًا في إحساسه بالملعب وشخصيته في الملعب لكن يظل أداء الأهلي علامة استفهام، تظل منطقة نص الملعب في الأهلي خالية من الطاقة الإيجابية، خالية من القدرات الإيجابية. لأول مرة قعدنا اتفرجنا بشيء من التمعن، فوارق الخطوط مرعبة، مش النادي الأهلي. دايمًا النادي الأهلي، الجماعية في الحركة، والجماعية في الأداء، والجماعية في الفكر، دي اسمها عناوين الفرق الكبيرة أنا عايز أشوف الجون بس الأول بتاع زيزو، وعايز أدي ملحوظة خارجة على زيزو يا ريت تتعاد بس، أنا عايز بس هو بعد ما جاب الجون وهو بينط ابراهيم عبد الجواد: إيه بقى؟ أنت إيه الملحوظة بقى يا كابتن؟ أيمن يونس: زيزو يعني "فيري لاكي" في الجون، واتعامل معاه ببراعة، أنا بس عايز أقول لزيزو: لازم يلبس شنكار في رجليه، وده عيب على الحكم. ممنوع لعيب يلعب في الملعب من غير شنكار في رجليه، دي ممنوعات ابراهيم عبد الجواد: لابس الشين جارد اللي هو الصغير ايمن يونس: ده هو منزل الشراب نازل لحد أنكل رجله. دي حاجة بس، الحاجة دي أنا لمحتها كده دلوقتي وأنا بتفرج على الجون هي اللمسة بس، هو استغلها، ذهنه صاحي. هو ذهنه كان صاحي أوي في الجول ده، فعرف يعمل التيرن حلو أوي، وعرف يتعامل مع جنش، جنش مش غلطان
4
20
5,023
"الأعلى للإعلام" يتخذ حزمة إجراءات بشأن تجاوزات تناول الحياة الخاصة لأسرة الكابتن/ حسام حسن المدير الفني للمنتخب المصري أولًا: استدعاء الممثلين القانونيين لقنوات "النهار" و"الشمس" و"مودرن إم تي أي"، لجلسات استماع، للوقوف على ملابسات التغطيات الإعلامية وما تضمنته من تناول لتفاصيل الحياة الخاصة والشخصية والأسرية، بالمخالفة للأكواد والمعايير الإعلامية الصادرة عن المجلس ثانيًا: إلزام جميع الوسائل الإعلامية والصحفية والمواقع الإلكترونية ووسائل التواصل الاجتماعي الخاضعة لأحكام قانون تنظيم الصحافة والإعلام رقم 180 لسنة 2018، بمنع ظهور السيدة/ دان آدم، زوجة الكابتن/ حسام حسن، عبر شاشاتها أو منصاتها، لأجل غير مسمى، أو نشر أو إتاحة أي محتوى يتعلق بهذا الموضوع. ثالثًا: مخاطبة الاتحاد المصري لكرة القدم، باعتباره الجهة صاحبة الاختصاص داخل المنظومة الرياضية، لإعمال شؤونه واتخاذ ما يراه مناسبًا حيال الكابتن/ حسام حسن وتداعيات الأزمة الأخيرة
2
1
17
1,087
لما احمد الطيب في 2015 قالك الأهلي بيشجعه سعد الصغير والزمالك عمرو دياب على ما افتكر حاجة زي كده كان البعض بيقولك صفوة ومش صفوة وكلام كان غريب اهو النهاردة نقدر نقول شوف مين المعلن عندك ومين المعلن عند الأهلي وشوف الفارق؟ لااا في سوق الإعلان كل واحد له حجمه وده حجمك ودي الشركات اللي تقدر تدفع وشايفة انك تقدر تعملها اللي عاوزاه ما هو مش كله زي بعضه ولو كده مكنش حد غلب دي في كل حاجة دي ما تزعلش يا جماعة ولا تزعلوا انا شايف ناس من جمهور الزمالك عاوزين معلنين تانيين ما هي مش بالعافية يا جماعة ده اللي قدامكم، كل واشكر بقى وخلاص كمان مجلسك قعد يعاير مجلس مرتضى منصور بالصورة الذهنية واحنا بتوع الجديد وهنغير هنغير ، دلوقتي الديانة واقفين على الباب والصورة الذهنية وصل بيها الحال ان اللاعيبة رفضت تقابل رئيس النادي عشان المستحقات اللي ليهم بضحك لما اشوف الكلام اللي كل سنة يتقال على الراعي اللي بيمشي من الاهلي، فودافون لما مشيت قالك ما تيجي الزمالك بقى ودلوقتي نفس الكلام على اتصالات
3
8
112
7,564
كريم حسن شحاتة لأبو المعاطي زكي: ✅ معلومة الحكم محمد معروف جات لي أنا وفريق إعدادي. ✅ مش عاوز أتكلم عشان محدش يحصله ضرر. ✅ المعلومة جاية من نادي زد، كانوا متضايقين من اللي حصل ومكانوش في الملعب. ✅ اللي مخليني متأكد: لما كابتن محمد معروف وكابتن وائل جمعة، وبعد كده حصل التغيير بتاع علي محمود، ترتيب الأحداث. ✅ مش عاوز أتكلم في تفاصيل، وأنا مش بتاع مشاكل مع أندية، ومفيش مذيع يتحدى نادي. ✅ مش عاوز أتكلم في تفاصيل، فيه ناس مش عاوز أضرها، ومش عاوز أدخل في تفاصيل مين قال. ✅ أنا متحمل مسؤولية اللي قلته، ولو ما كنتش متأكد ما كنتش قلت. أعتذر على إيه؟ ✅ نفي وائل جمعة؟ هو هيقول لك الحكم قال لي؟ ✅ أضعف طرف في القصة دي أنا. مفيش مؤسسة بتدافع عني، بيدافع عني؟ أنا بدافع عن نفسي. اتحاد الكرة يملك تسجيلات الـVAR وهيدافع عن الحكم بتاعه. ✅ أتمنى أستمع للـVAR، ومفيش حاجة تتشال وتتمنتج من الحتة دي، الخمس دقايق قبل تغييرة الأهلي. ✅ الموضوع واخد أبعاد كبيرة أوي، ما كنتش عاوز أعمل الأزمة دي كلها، وبقول لنفسي: كنت ريّح دماغك يا كريم. فيه معلومات كتيرة ما بنقولهاش على الهوا. ✅ أنا استفزيت شوية من تعامل محمد معروف مع الأندية الشعبية، مش أهلي، وله أسلوب، وعندي تجارب مع محمد معروف، وعارف بيتعامل إزاي. ✅ اتكلمت مع كابتن عصام عبد الفتاح وقلت له: إحنا بنساند الحكام، وعندي ثقة فيك. وقال لي: إنت شخص محبوب وما بتعملش أزمات. ✅ هما سمعوا وعارفين، والكابتن عصام سأل: هو لسه هيستنى لبكرة؟ ✅ أنا، ككريم، حاسس إني هتظلم في القصة دي. كل الأطراف اللي في الموضوع قلقت. هو إنت متخيل إن يحصل ويتقال إن الحكم قال وأخطأ؟ هو فيه شخص هيغلط الحكم؟ ✅ أنا عارف تفاصيل مش قادر أحكيها وأحرج ناس، ولو اتسألت هتنفي، ومش مصادر من زد، فيه ناس تانية. ✅ 90٪ من أخبار الانفرادات مش موثقة، مش هتسجل للمصادر. هي الأخبار الحصرية كده في الرياضة. فيه فرق بين مذيع وعنده فريق إعداد قوي، وعنده مصادر وأصدقاء بيوصلوا له المعلومة. ✅ أنا قلت الكلام اللي عندي وخلاص، وأنا عارف إني هشيل الليلة، ومتأكد من اللي قلته. ✅ أنا قايل جملة معينة بالنص، ليه؟ أشمعنى؟ هل أنا بضرب أي كلام؟ ✅ الواقعة لا تخص النادي الأهلي. ✅ رئيس تحرير برنامجي محمد عراقي، وكان موجود وأنا بقول الخبر، وما كانش في الإسكريبت في بداية الحلقة، واتقالت لي من فريق الإعداد. ✅ ليه نادي زد ما اعترضش بعد المباراة مباشرة واستنى تاني يوم بالليل؟ المعلومة وصلت لهم اللي أنا قلتها، وبعد كده أصدروا البيان. ✅ أنا عاوز ألم الدور ومش عاوز مشاكل. ✅ ضربة الجزاء بتاعة علي محمود بعد الواقعة دي. لما بتكلم في حاجة عارف بقول إيه. نزل بعد كده أحمد رضا، السيناريو اللي قلته حصل صوت وصورة. ✅ أنا الحلقة الأضعف.
2
1
3
14
3,764
"لما لقيت إن بلدي محتاجاني، هي دي النقطة اللي خلتني أرجع" عصام عبد الفتاح 24 أغسطس 2026
1
1
10
1,030
شفت فيديو حلو على تيكتوك بنت زملكاوية بتسأل مشجع زملكاوي عن أكتر ماتش حضرتك مش هتنساه؟ راح المشجع الزملكاوي افتكر ماتشين: ماتش الأهلي والزمالك كأس مصر 4/2، كنا غالبين 2/0 ونزل طاهر الشيخ ومحمود الخطيب وواحد مات هنا في ستاد القاهرة، نكدوا علينا كان طاهر أبوزيد مبيلعبوش، نزلوه جه فاول، آخر كورة، كان حسين السيد اللي واقف جون، طاهر أبوزيد شال الفاول خدوا الكاس ذكريات رهيبة والله العظيم ------ كلام المشجع خلص عند جملة "ذكريات رهيبة والله العظيم" الماتشين دول تاريخ برضه كان خلاص في 78 كان هيبقى دوري وكأس وكانوا قريبين بس الماتش قلب 4/2 و طبعا هو افتكر طاهر أبوزيد ونهائي كأس مصر مفتكرش ايمن شوقي اللي جاب الجون بعد ما ردت الكورة من حسين السيد مشاهد تاريخية محدش هينساها
1
18
1,334
خالد الغندور: انا بقدم اعتذاري بشكل واضح وصريح للكابتن حسين عموتة عن أي كلمة او تعبير صدر مني واتسبب في ضيق او إساءة له وانا حابب اوضح كمان ان مكانش قصدي بأي شكل من الاشكال التقليل من المدير الفني او من اسمه وتاريخه وانا باعترف ان عرضي للكلام وطريقة حديثي عن الموضوع كانت غير موفقة عموتة مدرب كبير وله تاريخ ومسيرة محترمة جدا في كرة القدم وحقق نجاحات وبطولات وانجازات تشهد سواء على المستوى الأندية او المنتخبات وانا شخصيا اقدر جدا الكابتن حسين عموتة وتاريخه واقدر مشواره كلاعب كرة قدم. وكمدير فني مع الفرق العربية والافريقية غير اني انا شخصيا يعني بحب الشعب المغربي جدا. وبحب الكرة المغربيةوبحب التطور الرهيب اللي شافته الكرة المغربية. سواء على مستوى اللعيبة او حتى كمان على مستوى المدربين اللي منهم كابتن حسين عموتة وما فيش عندي اي مشكلة اقول الكلام ده بكل وضوح وعلى الهواء. اللي حصل كان فيه سوء فهم في تناول الموضوع وانا هنا مش هدخل في تبريرات ولا تفاصيل لكن الاهم بالنسبة لي ان الرسالة تكون واضحة انا بعتذر للكابتن حسين عموتة وبأكد له ان انا بكن له كل احترام وتقدير واحب اقول له كمان اهلا بك في النادي الاهلي وأتمنى من كل قلبي ان تجربتك مع النادي تكون ناجحة وان شاء الله تحقق مع الاهلي نجاحات والبطولات اللي تتناسب مع اسمك وتاريخك الكبي الاهلي نادي كبير وجمهوره دايما بيكون عنده طموحات كبيرة اتمنى ان الكابتن حسين عموتة يقدر يسعد جمهور النادي الاهلي ويحقق مع الفريق كل اللي يتمناه هو والجمهور ومجلس الادارة
11
1
5
32
6,768