عبدالمجيد الذيابي

سيفك الاجرب يبو سلمان سلّه ابتدأ المشوار وانهينا النصيفه ثارت الهيجا وطار السرب كله الحرار الشقر من وادي حنيفه القذايف والقنابل مستهله والنظام الفارسي ركب خريفه كان ياعبد المجوسي سامحن له يستبيح ارض اليمن ماهوب كيفه اليمن لو ساق جيشه ما استحله والصقور الجارحه ماهيب أليفه ما شكينا لا خلاف ولا مذلّه ترسل رصاصه ونرسلك قذيفه إنطلق ياسرب تحت رعاية الله خل ضرباتك على راس الهديفه شب لين تشيل رأسه من محله اشعل البارود لين يروح جيفه الجبل لازم على رأسه نهله خلها مثل اللهب قاع وحتيفه آمنين وفي ديرنا نحمد الله ماتزعزعنا هل الاريا الضعيفه السعودي ما يخاف إلا من الله والسعوديه مناسبها عفيفه دونها العوجا على مذهب ومله عزوةً وطياتهم دايم كليفه ودونها سور يضل الشعب ضلّه الدخيل يزبنه والضيف ضيفه الملك سلمان للأسلام كله رايته بيضا وهقواته منيفه الصعيب يكود لين انه يحله والسيوف تعد لين يسل سيفه 🇸🇦💚🤍 للذيب الشعر / عبدالمجيد الذيابي @Sh96F #السعوديه_وطن_لايمس_امنه