بقالي فتره شغال على تجربة بحثية، و جاهزة أشاركها معاكم: cometokemet.com الهدف من المشروع كان اني أجمع أكبر قدر ممكن من اللغة المصرية القديمة الموثقة، وأحولها لمترجم يكون دقيق بقدر الامكان لان الترجمة الدقيقة للهيروغليفي نادرة جداً على الانترنت. معظم الأدوات بتحول الحروف لرموز وتقول عليها ترجمة. مترجم كيميت شغال بطريقة مختلفة. لما قاموس المصرية القديمة يكون مسجل كلمة وتهجئة موثقة، بيستخدمها ويقول كده صراحة. ولو مش لاقي الكلمه، بيوضح هو عمل إيه و ترجمها ازاي. كل كلمة معاها مصدرها، عشان القارئ يقدر يفرق بين الكلام الموثق و المترجم حرفيآ. الداتا الموثقة من النصوص القديمة: •كلمات مصرية مميزة: 9,503 ◦منها كلمات مفردة: 5,742 ◦منها مركبات أو عبارات ثابتة: 3,761 •مدخلات القاموس (كلمة + معنى): 20,142 •كلمات إنجليزي للبحث بتوصل للكلمات دي: 12,303 (منها 7,330 عبارة متعددة الكلمات) •كلمات مع التهجئة الفعلية المكتوبة بالهيروغليفي من النصوص: 85 كلمة في 246 تهجئة، بتغطي 51 كلمة شائعة •جمل قديمة كاملة، مع النطق والترجمة: 60 حول المترجم عملت دليل للحضارة نفسها: تاريخها وحكامها، الآلهة، الحياة الآخرة، الحياة اليومية، ستات مصر القديمة، قصص حقيقية من وثائق وكتب حقيقية مع المراجع والمصادر، دليل للمواقع، ومكتبة فيها قطع قصيرة موثقة المصدر. كمان فيه استوديو الخرطوش تقدر تكتب اسمك على صورتك بالهيروغليفي، وده الجزء اللي الناس بتحب تشاركه أكتر حاجة. الموقع مكتوب لمحبي الحضاره المصريه القديمه و مترجم كلياً الي ١١ لغه. لو عندكم أي ملاحظات أو رأي احب اسمعه.

حصل معايا وانا بالليل بستريح على كرسى بتاع امن بنك مصر ف الرحاب.. وكنت فى انتظار بنتى حتيجى تاخدني بالعربيه.. ببص لقيت واحده نازله من عربيتها بعد ما سحبت فلوس .. جات ادتني مبلغ كبير ؟؟! وأنا لسه بحاول افهم ليه ؟ وبتاع ايه ؟ هوووب راحت مديانى وجبه ؟!! وسارعت بركوب عربيتها من تاني ومشيت!!؟؟ .. وبعدها شباب استأذنونى يركنوا وادوني فلوس كتير!! المهم دلوقتي .. أنا بفكر اجى هنا كل يوم أقعد شويه لجل احقق كل احلامى ✍️ عنتر هلال