الانستا رجع 😁 Talktonaif

يعنني ارامكو

كلمني زبون حاجز عندي قال لي باب الشقة ما يقفل قلتله ارجف الباب وارفع عروة الباب على فوق ويتقفل والله مدري كيف فهمني بس هماك لا تعديته شي زي كذا

طيب تعرف يوم ودك تسد حلقك لانك تحس انك مسلسل جداوي

طيب تعرف

طيب تعرف يوم تكون ناشب بالزحمة وتشغل اغاني لان صوت هواجيسك مزعجه

طيب تعرف يوم ما تدري انت وش تبي توصل له

تعرف يوم فيك نوم بس ماودك تنام الحين لان عندك متلازمة النوم المتقطع وبتقوم 2 الليل انت وانت وانت صاحين لحالكم ولو سهرت تعب على قل سنع والله اني مدري وش ابي الصدق لكن غدًا اجمل

مين زيي ما يتشرف بشخصيته بتويتر

ترا هذي ستورياتي للان

تصدقون اني اشتقت لايام الغربه كان دوامي مريح وكل 30 يوم لي 5 ايام اجازة ( مو من رصيدي ) وكل شوي ارجع للرياض عند اهلي واخوياي فيه شغف وطلعات وجداول وعزايم وسعة صدر كان لازم اسوي كل الجداول بأسبوع .. كان عندي حياااة قرار عودتي للرياض كان خاطئ الصراحة 😕

بعيدًا عن قصة هذا الشخص ليش دايم عندنا فكرة اللوم على الاشخاص الي حولك مو عليك انت كل الاشياء هذي الي سويتها انت في محض إرادتك ليش تخلي اللوم على الي حولك وكانك الطاهر العفيف اول خطوة بتعديل حياتك هي اعترافك بخطاياك وانك انسان تخطي وتصيب

في كل مدن السعودية الكشته تكون بساااااااطه وسعة صدر الا الرياض يتكلفون ويجيبون بروجكتر وسماعات واغاني وكراسي وطاولة ولمبات روحولكم كوفي اصرف لكم

مع فجر الجمعة اللهم من اراد ببلادنا وبلاد المسلمين اجميع بسوء فرد كيده في نحره واجعل تدبيرهم تدميراً عليهم الله يجعلكم بجهنم اللهم عليك بالحوثي اللهم اجعل ضربهم بينهم اللهم سلط عليهم عذابك وسخطك يارب العالمين

تعرف يوم الدنيا تتفل عليك وانت تمسح التفله وتقرر تكمل يومك نايم ساعتين ومصحيني الدوام فيني ارتجاع مريئ وبطني يوجعني بيجوني ضيوف بالليل عندي شغل صباح الجمعة 😁

﴿ إِذْ نَادَىٰ رَبَّهُ نِدَاءً خَفِيًّا ﴾ لاتُقلل من شأن دُعائك، هذا الصوت الخفيّ فُتحت لهُ أبواب السماء الوتر ولا تنسوني من الدعاء اللهم احفظ وطننا وادم علينا نعمة الامن والامان اللهم من اراد بلادنا بسوء فرد كيده في نحره

اقسم بالله كنت اكلم واحد وابيه يعطيني حل وكل ما جاب لي حل قلتله ( بس تدري وش المشكلة ) لين زقت معه قال المشكلة والله انا يوم اعطيك حلول

قبل شوي واحد فتح لي خط وفكيت الشباك بسلم عليه واشكره اول ما فكيت الشباك الا انا قابع الرصيف 😁 لا بس لقيت فرصة اقول فيها سالفتي وما تكون ازق سالفة بالتايم

قلت لولد اخوي بجيكم العصر بسلم عليكم ارسل لي الملصق هذا 😁 معقوله انا العم النشبة الي مسوي انه شبابي