I

ترك من حقه يزعل ومحد له حق يلومه الاداره تصرفها ((( إداريًا صحيح )))) التسريب هو اساس الموضوع واساسا المشكلة كلها لو ماتسرب كان الادارة لو وافق درالي كلموا ترك بينهم بين بعض ولا من سمع ولا من درى والجمهور بيعرف من تغريدة الوداع ولو ماوافق درالي - اللي مدير اعماله هو اللي عارضه على فالكونز ونسبة كبيره ان مدير الاعمال يشتغل بين الافرقه ويعطي ارقام ويشوف من الفريق اللي بيناسبه بالاخير يعني مو صامل على فالكونز من اولها - فـ لا ترك ولا غيره بيدري بالكلام اللي صار بين الإدارة و مدير اعمال درالي اعرف ان من حق ترك يزعل وانا معه بهالنقطة طبيعي لاي احد واي انسان بمكانه يزعل مو هين الموقف ابدًا بس هذا مايعني ان معرفتي باحقيته بالزعل اترك المنطق والواقع واظلم فالكونز واشتمهم اداريًا فـ بالأمانة وبعيدا عن ترك و فالكونز لو انتم مدراء وعندكم موظف او لاعب تحسون ان جاء وقت تغييره حتى لو تعزونه بس هذا القرار واجب هل بتقول له قبلها؟ حتى لو ما بيترول ولا بيحقد ويخرب اللعب لكن كـ اول بديهيات الإدارة انك ما تحسس شخص بعدم رغبتك بوجودة باي شكلٍ كان، لا وقعت مع غيره وضمنته هنا تاخذه على جنب وتقوله الموضوع باكثر شكل مناسب والطرف الآخر بيتقبله بسعة صدر، اما اني اوصله عدم رغبتي بوجودة وبعدين يضطر يبقى معاي كذا اولًا خطأ إداري فادح ثانيًا لا هي حلوه بحقي ولا بحقه اننا نكمل مع بعض بعدين وهو يدري اني بطلعه هو من بين الموجودين تحديدًا متى ماتوفر بديل والله العظيم والله لو ان السالفة صايره كذا وبعدين طلع ترك وقال تراهم كانوا بيطلعوني بس قعدوني فترة لان مالقوا بديل ويوم لقوه طلعوني انكم بتشنون عليهم الحرب وفعلًا وقتها بيكون موقفهم واطي انك تبقيه وهو يدري انه باي لحظه بيطلع مع الباب ويلعب وهو مايدري متى ينقال له مع السلامه ويبذل مجهود رغم معرفته بحتمية خروجه ! اسلم حل واوضح حل وقتها اني ما احسسه باني غير راغب بوجودة اذا ما ادري هو بيبقى او لا والله انها حتى اسلم لخاطره قبل الجمهور ومعرفة الجمهور بس لازالت التسريبات ومعرفته منها أمر سيء ولا هو ذنب الإدارة عشان تحملونهم الذنب، هو ذنب الحمار اللي سرب وسبب هذا كله الله يشغله بنفسه كانه اشغلنا والجمهور خلاص سالفة من سنة صارت وانتهت واطراف السالفة راضين عن بعض وترك شخصيًا يقول اخوياي ولازلت اعزهم وانتم شفتوهم قبل اسبوع سوا ويضحكون مايسوى الذنوب والدخول بالنيات اللي بالتايم خافوا ربكم وخافوا انكم تلقونها بصحفكم يوم القيامة