Tiger | ಪ್ರದೀಪ್ {Pradeep}

70-89 ರ ದಶಕದ ಮದ್ಯಮವರ್ಗದ ಫ್ಯಾಮಿಲಿ ಹೇಗಿತ್ತು ಗೊತ್ತಾ ? ಬ್ರೆಡ್‌ ತಿನ್ನಬೇಕು ಅಂದ್ರೆ ಜ್ವರನೇ ಬರಬೇಕಿತ್ತು.. ಹೊಸ ಬಟ್ಟೆ ತಕೋಬೇಕಂದ್ರೆ ಹಬ್ಬಗಳೇ ಬರಬೇಕಿತ್ತು... ಹಿರಿಯವಳ ಹಳೆ ಬಟ್ಟೆಗಳು, ಕಿರಿಯವಳೇ ಹಾಕ್ಬೇಕಿತ್ತು... ಹೋಳಿಗೆ ತಿನ್ನೋಕೆ ಯುಗಾದಿ, ಕಜ್ಜಾಯ ತಿನ್ನೋಕೆ ಮಹಾಲಯ ಅಮಾವಾಸ್ಯೆ ಬರಬೇಕಿತ್ತು....ದ್ರಾಕ್ಷಿ ಗೋಡಂಬಿ ತಿನ್ನಬೇಕು ಅಂದ್ರೆ ಹಬ್ಬಕ್ಕೆ ಪಾಯಸ ಮಾಡಬೇಕಿತ್ತು...ನೆಂಟರ ಊರಿಗೆ ಹೋಗಬೇಕು ಅಂದ್ರೆ ಸಂಬಂಧಿಕರ ಮದುವೆ ಇರಬೇಕಿತ್ತು ಅಥವಾ ಯಾರಾದರೂ ಸಾಯಬೇಕಿತ್ತು... ಹೊಸ ಪೇಸ್ಟ್‌ ಬಳಸಬೇಕಿದ್ರೆ, ಆ ಪೇಸ್ಟ್‌ ಮುಗಿದು, ಅದನ್ನು ಕಟ್‌ ಮಾಡಿ ಅದರೊಳಗಿದ್ದ ಪೇಸ್ಟ್‌ ಎಲ್ಲ ಖಾಲಿ ಮಾಡ್ಬೇಕಿತ್ತು... ಹೊಸ ಸ್ಲಿಪ್ಪರ್‌ ತಕೊಬೇಕಿದ್ರೆ, ಹಳೆ ಚಪ್ಪಲಿ ಕಿತ್ತು ಹೋಗ್ಬಿರಬೇಕು... ಹಳೆ ಬಟ್ಟೆಗಳೆಲ್ಲ ಕಾಲು ಒರೆಸುವ ಮ್ಯಾಟ್‌ ಗಳಾಗುತ್ತಿತ್ತು... ಹೊಸ ಪೆನ್‌ ತಕೊಂಡಿದ್ದೇ ಇಲ್ಲ, ಹೊಸ ರೀಫಿಲ್‌ ಸಾಕಿತ್ತು... ಅಕ್ಕ ಪಕ್ಕದವರ ಬಳಿ ಈರುಳ್ಳಿ, ಬೆಳ್ಳುಳ್ಳಿ, ಟಮೋಟ, ಆಗಾಗ್ಗೆ 100, 200 ರೂ. ತೆಗೆದುಕೊಂಡಿದ್ದೇ ದೊಡ್ಡ ಸಾಲ.... ಉಂಡೆ ಕಾಯಿ ಬದಲು ಕಟ್ ಮಾಡಿರುವ ಚೂರು ಕಾಯಿ ತರುತಿದ್ದೇವು.... ಬಿಸ್ಲೇರಿ ನೀರು ಇರಲಿಲ್ಲ ಡೈರೆಕ್ಟ್ ನಲ್ಲಿ ನೀರು ಕುಡಿಯುತ್ತೆದೆವು... ಇಲ್ಲ ಎಂಬ ಕೊರಗಿರಲಿಲ್ಲ , ಬೇಕು ಎಂಬ ಆಸೆಯೂ ಇರಲಿಲ್ಲ.. ಇದ್ದಷ್ಟನ್ನೇ ಸಂತೋಷದಿಂದ ಅನುಭವಿಸಿದ ತಲೆಮಾರು ನಮ್ಮದು. ಈಗ ಸಿಕ್ಕಿದ್ದೆಲ್ಲ ಸಿಗುತ್ತಿದೆ, ಬೇಕಾದದ್ದೆಲ್ಲ ಖರೀದಿಸುವ ಆಸೆ ಹೆಚ್ಚಿದೆ. ಬದುಕು ಬರೀ EMI ನಲ್ಲೇ ನಡೆಯುತ್ತಿದೆ.. ಕಾಲಾಯ ತಸ್ಮೈ ನಮಃ.. ನೀವ್ ಹೇಳಿ ಎಷ್ಟು ಜನ ಹೊಲ ಮನೆ ಮಾರಿದ್ರು, ನಿಮ್ಮವ್ರು ಊರ್ ಬಿಟ್ರು 🙏